Albisteak 10 Marzo, 2025

Euskadik eta Kataluniak indarrak batu dituzte Europar Batasunaren berrindustrializazio prozesuan

Eusko Jaurlaritzak eta Kataluniako Generalitateak aldebiko topaketa egin dute, Euskadik eta Kataluniak industria-polo gisa duten estatusaren garrantzia nabarmentzeko, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude
-
  • Mikel Jauregi eta Albert Dalmau sailburuak bat etorri dira Euskadiren eta Kataluniaren lana, industria-ahalmena eta zeregina —autogobernu-ahalmen handiko lurralde gisa— Europar Batasuneko erakundeen aurrean indartzeko premian, Europar Batasunaren potentzial berritzaile eta ekonomikoaren zati handi bat ordezten baitute

Mikel Jauregi Industria, Trantsizio Energetiko eta Jasangarritasuneko sailburuak eta Albert Dalmau Kataluniako Generalitateko Presidentetzako kontseilariak aldebiko bilera egin dute gaur Bilbon, bi lurraldeetako egoera ekonomikoa eta industria-politika aztertzeko. Bilera horrek jarraipena ematen dio Imanol Pradales lehendakariak eta Salvador Illa presidenteak urtarrilean egindako bilerari, eta agerian uzten du bi gobernuek harremanak estutzen eta indarrak batzen jarraitzeko borondatea dutela.

Bileraren amaieran batera egindako agerraldian, bi sailburuek Euskadik eta Kataluniak industria-polo gisa duten estatusaren garrantzia nabarmendu dute, Atlantikoko eta Mediterraneoko eskualdeen buru diren heinean. Bi lurraldeek Estatuko industriaren arloko barne-produktu gordinaren % 25 biltzen dute, eta Europar Batasuneko eskualde industrializatuenen artean daude.

Clean Industrial Deal plan berriak Euskal Autonomia Erkidegoko eta Kataluniako industria-sektoreei eskaintzen dizkien aukerak kontuan izanik, bi gobernuek Europa berrindustrializatzeko prozesuan funtsezko eragile direla aldarrikatzen dute. Egin dituzten balorazioetan, Jauregi eta Dalmau sailburuak bat etorri dira Euskadiren eta Kataluniaren lana, industria-ahalmena eta zeregina —autogobernu-ahalmen handiko lurralde gisa— Europar Batasuneko erakundeen aurrean indartzeko premian, Europar Batasunaren potentzial berritzaile eta ekonomikoaren zati handi bat ordezten baitute.

Mikel Jauregi sailburuak aditzera eman duenez, “Euskadi eta Katalunia Europako bi nazio industrial zahar gara. Argi dugu industria zer den guretzat: ongizatea, bizi-kalitatea, aurrerabidea eta lanpostuak. Hori dela eta, ziurgabetasuna hazten ari den mundu honetan, Europar Batasunaren berrindustrializazio-prozesuaren buru izateko dugun zeregina aldarrikatzen dugu. Euskadik eta Kataluniak, industria-potentzia izanik, bien arteko lankidetza estutu nahi dugu, eta estutu behar dugu, Europak mundu berri honetan duen posizioa defendatu eta indartze aldera. Europaren birsortze industrialaren protagonista izan gaitezke”.

Bi sailburuak bat etorri dira Eusko Jaurlaritzarentzat eta Kataluniako Generalitatearentzat garrantzi handia duela loturak indartzeak eta testuinguru global zalantzagarri eta desafiatzailearen aurrean indarrak batzeak, eta elkarrekin lan egiten jarraitzeko deia egin dute, hurrengo topaketa bati begira.

 

Lotutako albisteak

2025-2030  aldiko  Sare  Elektrikoen  Plangintza  berriaren  zirriborroak  %  40  baino  gehiago  handitu  du  Euskadiko  potentzia

2025-2030 aldiko Sare Elektrikoen Plangintza berriaren zirriborroak % 40 baino gehiago handitu du Euskadiko potentzia

Euskal industriak datozen urteetan izango dituen energia-beharrak asetzeko elektrizitate-hornidura bermatuko du Eusko Jaurlaritzak

AVS:  Konpromisoa  berrikuntzarekin  eta  euskal  industriarekin

AVS: Konpromisoa berrikuntzarekin eta euskal industriarekin

Mikel Jauregi Industriako sailburuak AVSren instalazioak bisitatu ditu Miñanoko Arabako Parke Teknologikoan

Imanol  Pradales:  “Lanbide  Heziketak  etorkizuna  jokoan  dugun  berrindustrializazioan  laguntzen  jarrai  dezan  egokitu  eta  asmatu  behar  dugu”

Imanol Pradales: “Lanbide Heziketak etorkizuna jokoan dugun berrindustrializazioan laguntzen jarrai dezan egokitu eta asmatu behar dugu”

Euskadiko Lanbide Heziketa ekonomia-garapenaren eta gizarte-kohesioaren funtsezko palanka gisa sendotu da, ikasleek %90 inguruko enplegagarritasuna dute eta 20.000 enpresa baino gehiagorekin lankidetza estuan ari da

Eusko  Jaurlaritzak  abian  jarri  ditu  gaur  egungo  muga-zergen  egoerari  erantzun  publiko-pribatua  emateko  lehen  3  mahai  sektorialak
11/09/2025 Kluster politika

Eusko Jaurlaritzak abian jarri ditu gaur egungo muga-zergen egoerari erantzun publiko-pribatua emateko lehen 3 mahai sektorialak

Lehentasunezko hiru sektoretan egingo dira: siderurgikoa, fabrikazio aurreratua eta automobilgintza

Imanol  Pradales  lehendakariak  hasiera  eman  dio  ikasturte  politikoari

Imanol Pradales lehendakariak hasiera eman dio ikasturte politikoari

Trumpen kargek euskal industrian, lehen sektorean eta lehengaietan izango dituzten ondorioak aztertzen ari da Eusko Jaurlaritza

BAT  B  Accelerator  Tower-eko  20  enpresak  eta  startupek  hausnarketak  egin  dizkiote  Industria  Planari

BAT B Accelerator Tower-eko 20 enpresak eta startupek hausnarketak egin dizkiote Industria Planari

Jauregik FABRIKA Zentroa ere bisitatu du aste honetan

Euskadiko  startupek  beren  ekarpenak  egin  dizkiote  Industria  Planari

Euskadiko startupek beren ekarpenak egin dizkiote Industria Planari

Mikel Jauregi sailburuak parte-hartze saioa zuzendu du Industria Planari buruz, BIC Gipuzkoa, BIC Araba eta BIC Bizkaia zentroei atxikitako oinarri teknologikoko 25 startuparekin

Lehendakariak  Joxe  Mari  Korta  2025  saria  eman  dio  José  Antonio  Jainagari

Lehendakariak Joxe Mari Korta 2025 saria eman dio José Antonio Jainagari

Epaimahaiak, Mikel Jauregi Industria, Trantsizio Energetiko eta Jasangarritasuneko sailburua buru delarik, Jainaga saritu nahi izan du, enpresa sustraiekiko konpromisoarengatik, industria bikaintasunarengatik, berrikuntzarekiko apustuarengatik eta kalitatezko enplegua sortzeagatik

Imanol  Pradalesek  “Europaren  berrindustrializazioa  eta  autonomia  estrategikoa  gidatzeko”  euskal  industriak  duen  zeresana  aldarrikatu  du

Imanol Pradalesek “Europaren berrindustrializazioa eta autonomia estrategikoa gidatzeko” euskal industriak duen zeresana aldarrikatu du

Eraldaketa ekonomikoa bultzatzeko, industria defendatzeko eta kalitatezko enplegua bermatzeko, Eusko Jaurlaritzak duen konpromisoa berretsi du Lehendakariak

Eusko  Jaurlaritza  Industria  Plan  berriaren  sozializazio-prozesua  egiten  ari  da,  eta  Ekonomia  eta  Gizarte  Arazoetarako  Batzordean  aurkeztu  du

Eusko Jaurlaritza Industria Plan berriaren sozializazio-prozesua egiten ari da, eta Ekonomia eta Gizarte Arazoetarako Batzordean aurkeztu du

“Industria Plan berria dokumentu bizia da, ekarpenei irekia. Hori dela eta, sozializazio-prozesua abiatu dugu hainbat gizarte-, ekonomia- eta enpresa-eragilerekin, plana haien ekarpenekin aberasteko eta proiektu eraldatzaileak sortzeko” adierazi du Jauregik

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.