Albisteak 4 uztaila, 2025

IndeusBerri: Industria eta Euskararen plaza

Gaur albiste dira BERBAK.EUS, ZIUR, Enpresa Digitala eta Esmartizazio

Zibersegurtasun estrategia teknologia aurreratuen inplementazioarekin osatzea gomendatzen die ZIURek enpresei. ZIURek, Gipuzkoako Zibersegurtasun Industrialeko Zentroak, txosten tekniko bat argitaratu berri du SIEM, SOAR eta XDR tresnen onurak aztertuz. Tresna horiek segurtasun-ekitaldien kudeatzaile gisa jarduten dute eta intzidenteen detekzioa eta erantzun hedatuak errazten dituzte, baita segurtasun-prozesuen orkestrazioa eta automatizazioa ere. Industria-inguruneak gero eta interkonektatuagoak eta digitalizatuagoak daude eta AA eta Konputazio Kuantikoa bezalako teknologien aurrerapenari esker gorabeherak gero eta sofistikatuagoak dira.

Euskara teknologizatzen laguntzeko eskaera: Euskarazko txioen itzulpenak baloratzeko eskaera egin du berbak.eus-ek. Euskararentzako hizkuntza-tresnak ebaluatzeko egiten ditugun hainbat ekimenetako bat da hau. Oraingo honetan, gaztelaniatik euskararako itzulpenen kalitatea neurtzen laguntzeko eskaera batekin gatozkizue. Baina ez edozein itzulpen mota: txioen itzulpenekin arituko gara. Horiek itzultzea ez da batere erraza izaten sarri! Gaztelaniazko txio original bat eta haren erreakzio-tuit bat erakutsiko dizkizugu. Ondoren, erreakzio-txioaren euskarazko itzulpena irakurriko duzu. Egokia iruditzen al zaizu? Zuk nola idatziko zenuke, euskaraz, txio hori?

Datorren ostegunean egingo da ChatGPT Prompt Engineering eraginkortasunez erabiltzen ikasteko ikastaroa. Ikastaro honetan, Prompt Engineering teknikak baliatuz ChatGPT teknologia modu eraginkorragoan nola erabili aztertuko dugu. Azken urteotan, adimen artifizialak azkar egin du aurrera, eta, horri esker, makinekin interakzioan aritzeko modu berriak ezagutu dituzte erabiltzaileek. Bereziki, ChatGPTren teknologia oso tresna erabilgarria da aplikazio askotarako, hala nola bezeroarentzako arreta, testu-sorkuntza eta, are, laguntzaile birtualak. Hala ere, eraginkorra izan arren, ChatGPT erabiltzea erronka bat izan liteke adimen artifizialarekin ohituta ez dauden erabiltzaileentzat.

“Esmartizazio” Industria Berriaren Spri Hiztegian. Produktu fisiko edo prozesu bati adimen edo prestazio handiagoak ematea, datuak prozesatzeko eta inguruarekiko interakziorako gaitasun handiagoa izateko, bai Internet bidez, baita beste gailu batzuen bidez ere.