BBF Fintech-ek berrikuntza irekiaren programaren lehen edizioa kaleratu du
BBF Fintech-ek berrikuntza irekiaren programaren lehen edizioa kaleratu du, Laboral Kutxa, Kutxabank eta 7 startup disruptiboekin batera finantza-sektorean.
Mundua aldatzen ari da, aurrekaririk gabeko mailan. Azken hilabete hauetan, Covid-19ko krisiak izugarrizko eragina izan du gure gizartean, eta, beste behin ere, enpresen berritzeko gaitasuna biziraupen-kontua bihurtu da, betiere aurrerapen teknologikoek eskaintzen dituzten aukerak aprobetxatuz. Berrikuntza da, ziurrenik, negozioen garapen jasangarrian eragin handiena duen erabakietako bat.
Testuinguru horretan, BBF Fintech-ek (Mondragon Unibertsitatearen, Bizkaiko Foru Aldundiaren eta Bilboko Udalaren ekimena, finantza-sektorean ekintzailetza eta berrikuntza disruptiboa sortzea helburu duena) bere berrikuntza-programa irekiaren lehen edizioa abiarazi du. Horren bidez, oso ideia sinple bat defendatzen du: berritzeko modu parte-hartzaileagoa eta deszentralizatuagoa baloratzea, eta kanpoko kolaboratzaileei irekitzea, irtenbide funtzionalak elkarrekin sortzeko.
“Berrikuntza irekiaren eredua hartzeak ez du esan nahi zure enpresaren barruan mugak izatea, baizik eta talentu eta ideia disruptiboetarako sarbide zabalagoa izatea. Kanpora begiratzeak ematen dizu balioa, zure ohiko ingurunetik urrunago. “- Maitane Martín Crego, BBFko Fintech berrikuntza irekiko programaren arduraduna eta Team Coach-a Mondragon Team Academyn.
Gaur egun, finantza-erakundeek eta bankuek hainbat erronkari egin behar diete aurre bezeroekiko harremanari dagokionez: banku-aplikazio intuitiboagoak proposatzea, erabiltzailearen esperientzia hobetzea, finantza-produktuen erosketa arintzea, aseguru bat modu errazagoan kontratatzea, bezeroarekiko arreta optimizatzea, etab.
Hori guztia, alde batera utzi gabe gardentasunaren eta bikaintasunaren bankuen leloa, zeinak behartzen baititu segurtasunaren, sinesgarritasunaren eta fidagarritasunaren estandarrak mantentzera, eboluzionatzen duten bitartean eta bezeroen eraldaketa digitalera eta kontsumo-ohitura berrietara egokitzen diren bitartean.
Berrikuntza irekiaren programaren bidez, Laboral Kutxak eta Kutxabankek bankuaren balio diferentziala argitara atera nahi dute, eta bezeroentzako irtenbide eragingarriak definitu. Hori guztia, erabiltzaile gisa dituzten esperientziak parteka ditzaketen lehen mailako ekintzaileekin eta startupekin elkarrizketa zintzoa izatea baloratuz, eta Big data, Konputazio Kuantikoa, Adimen Artifiziala, Kriptomoneda, Zibersegurtasuna, mugikorrekin egindako ordainketak eta finantzekin eta teknologiarekin lotutako beste arlo batzuetako ezagutzak emanez.
“Ziurgabetasun handiko ingurune honetan, oso interesgarria iruditzen zaigu BBF Fintech programan parte hartzea, gure bezeroei balio diferentziala emango dieten beste aukera berritzaile batzuk gauzatzeko” – Xele Olaizola, Kutxabankeko Behatoki Digitaleko arduraduna.
Programa Mondragon Team Academyren metodologian oinarritzen da, hau da, elkarrekin praktikatik eta hipotesiak testatu eta baliozkotzetik ikasten duten ekintzaileen taldeak sortzean. Hautaketa prozesu zorrotz baten ondoren, elkarrekin sortzeko 6 moduluetan parte hartuko duten startup-ak honako hauek dira:
•Deep Karma
• Innkubo
•Fazil
• Quantum mads
• Finanhub
• Tak Pay
•Fintech Payments
“Gure kudeaketa-eremu zabaleko arlo espezifikoetan oso espezializatuta dauden fintech eta startup delakoekin lankidetzan aritzeak aukera emango digu gure bezeroei zerbitzurik onena emateko eta haien itxaropenak betetzeko, etorkizunerako aukera handiak irekiz” – Mirari Tejero, Laboral Kutxako Enpresen Negozioaren Garapena.
Programa 2021eko urtarrilean amaitzean, talde-lanaren ondoriozko proposamenen aurkezpena egingo da. Parte hartzen duten banketxeetako ordezkariek eta BBF Fintech-eko berrikuntza-komunitateko kideek osatutako epaimahai batek aukeratuko du kontzeptu proba gisa garatuko den ideiarik potentzialena, Laboral Kutxa, Kutxabank eta Dominion Digital Banking & Insurance-ekin batera (BBF Fintech-en partner teknologikoa).
BBF Fintech Bizkaiko Foru Aldundiaren, Bilboko Udalaren eta Mondragon Unibertsitatearen ekimena da, eta finantza-sektorean ekintzailetza eta berrikuntza disruptiboa sortzea du helburu.BBF Fintechek finantzetan aitzindaria den espiritu ekintzaileari berrekin dio, Bilbo fintech arloan erreferentziazko polo bihurtzeko, eta finantza-sektorera bideratutako teknologia berriei lotutako startup-en talentu ekintzailea bankuekin eta erakunde korporatiboekin konektatu du, negozio-eredu berriak gidatzeko.info+: www.bbfaktoria.com
Lotutako albisteak
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
Eusko Jaurlaritzak Gauzatu Industria programa aktibatu du 28 milioi eurorekin
Oinarri teknologiko eta berritzailea duten enpresa txiki eta ertainen sorrera eta garapena bultzatzeko
Eusko Jaurlaritzak bi mila milioi euro baino gehiago aktibatu ditu muga-zergen eta merkataritzaren gerrari aurre egiteko neurrien lehen sortan
Lehendakariak azpimarratu du Euskadi prest dagoela egoera horri aurre egiteko, eta dei egin die Euskal Autonomia Erkidegoko eragile guztiei egoera horri batasunetik aurre egiteko
Industria Erronka-k 700 ikasle baino gehiagok industria-enpresa bat izatea simulatzea ahalbidetzen du
Industria Erronka Bizkaiko Foru Aldundiaren eta Eusko Jaurlaritzaren laguntzari esker posible da, SPRI - Euskal Enpresen Garapenerako Agentziaren bidez
Euskadik bere automobilgintza sektoreko industria indartuko du errepideko garraioaren deskarbonizazio adimendunerako laguntza-programa berri batekin
Eusko Jaurlaritzak "Emisio Txikiagoko Ibilgailuak" laguntza-programa aurkeztu du Industriaren Defentsarako Taldearen baitan, euskal automobilgintzaren sektoreak egungo muga-zergen gerraren testuinguru globalean dituen erronkei erantzuteko
Industria Defendatzeko Taldeak Euskadiko industriari laguntzeko lehen neurria onartu du
Industria Defendatzeko Taldeak lehen laguntza-programa bat aurkeztu du, “Emisio gutxiagoko ibilgailuak” erosteko, Euskadin errepideko garraioaren deskarbonizazio adimendunean aurrera egiteko eta, aldi berean, euskal industriarako funtsezkoa den sektore bati, automobilgintzari, laguntzeko
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.