Gotongo.org erakundeak mundu osoko GKEetarako profesionalak biltzea errazten duen plataforma bat sortu du
Gotongo.org euskal ‘startup’-a, nazioartean jarduten duen gobernuz kanpoko erakundeetan espezializatutako lehen lan-poltsa digital independenteak, irtenbide zentralizatu eta eraginkor bat sortu du profesionalak GKE txiki eta ertainen premien arabera biltzeko prozesua errazteko.
Plataforma berriak harpidetza-zerbitzu bat eskaintzen du, GKEei beren lan-eskaintzak argitaratzeko eta kontratazio-prozesuak arintzeko aukera ematen diena. Horrela, tresnaren bidez, GKEek pertsonak hautatzeko prozesua zentralizatu eta bateratu dezakete. “Erabilpen erraza duen eta ulertzeko erraza den erraminta da, erakundeei denbora aurrezten diena, dena plataforma berean egin baitezakete: lehendabizi, eskaintzak sortu eta zabaldu, eta, ondoren, profilak aztertu eta kontrataziorako azken kontaktua egin”, azaldu du Guillermo Boned Gotongo.org-eko fundatzaileak eta bazkideak.
Urtebeteko jardueraren ondoren, 45 herrialdetako 200 GKE baino gehiago erregistratu dira dagoeneko plataforman. Horien artean daude Fundación Adsis, Fundación Secretariado Gitano, Maisha Roots, Casal dels Infants ASB edo Project Biodiversity. Gainera, 74 proiektu argitaratu dituzte 17 herrialdetan (horietatik 37 Espainian eta horietatik 8 Euskadin -gainerakoak Latinoamerika eta Afrikakoak dira-).
Mundu osoko 10.000 hautagaitza baino gehiago ere erregistratu dira. “GKE bakoitzeko, batez beste, 10 pertsona lortzen ditugu boluntariotza-proiektu bakoitzeko, eta 25 hautagaitza lanpostu bakoitzeko. Orain arte argitaratutako lanpostu guztietan lortu dira bilatutako profilak“, adierazi du Tánit Esnalek, ‘startup’ -eko bazkideak.
Plataformaren hurrengo bost urteetarako helburua 10.000 GKE ingururi zerbitzua ematea da, hau da, Latinoamerika osoan dauden mota horretako milioi bat erakunde baino gehiagoren % 1. “Zerbitzatzen dugun profila GKE txiki eta ertain bat da, boluntarioekiko mendekotasun handia duena eta kontratatzeko garaian uneko edo etengabeko beharrak dituena; guztira 100 pertsonatik beherako plantillak dituzte”, aitortu du Guillermo Bonedek.
Gaur egun, plataformarako sarbidea doakoa da 2022ko urtarrilera arte. Gotongo.org erakundeak harpidetza-zerbitzu bat eskaintzen du, eta horren bidez GKEek argitaratutako lan-eskaintzen bolumenaren arabera ordainduko dute. Boluntarioen proiektuak argitaratzea doakoa da. Boluntario-proiektuen bila dabiltzan edo lan-eskaintzetarako hautagaitza aurkeztu nahi duten pertsonentzat ere doakoa da zerbitzua.
Asiako hego-ekialderako bidaia
Gotongo.org Guillermo Boned eta Tánit Esnalek 2017an Asiako hego-ekialdean izandako esperientzia pertsonalaren ondorioz sortu da. “Gure bidaian, boluntariotza bat egin nahi izan genuen bisitatzen genituen herrialdeetan, baina Internet bidez informazioa aurkitzea oso zaila zen, eta horrek frustrazioa eragin zigun. Hortik sortu zen negozioaren ideia”, Gipuzkoako enpresaren sortzaileak gogorarazi duenez.
Urtebete baino gehiago merkatua aztertzen eman ondoren, GKEekin eta boluntarioekin hitz egin ondoren ideia garatzeko, euskal enpresak 2020ko apirilean abiatu zuen bere proiektua, konfinamendu garaian. “Pandemiak eta nahitaezko distantzia sozialak boluntariotzako eta enplegu birtualeko eskaintzak handitzea eragin dute; une honetan, gure eskaintzaren % 16 online boluntariotzakoa da, eta espero dugu datozen urteetan modu iraunkorrean haztea”, adierazi du Bonedek. Bakarrik dauden adinekoei telelaguntza ematea edo multimedia liburu eta artxiboen bilduma birtuala dira boluntariotzaren modalitate berri honen adibideak.
SPRI Taldeak laguntza integralaren bidez berrikuntza, ekintzailetza eta barne-ekintzailetza laguntzen ditu, ideiak merkatura modu arrakastatsuan irits daitezen. Aurrera, Basque Fondo, Bind 4.0, Ekintzaile edo Barnekintzailetza programen bidez egiten du hori. Informazio gehiago esteka honetan.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.