Gazteak aldaketa sozialerako lanean: ‘FALKON PREST’
Mondragon Unibertsitatean LEINN Lidergo Ekintzailea eta Berrikuntza gradua sortu zenetik, Gizarte Ekonomiako gazteen ekintzailetzarekin lotutako hainbat proiektu garatu dira. LEINNen, talde-ekintzaileek ikasle-enpresak edo junior elkarteak sortzen dituzte gizarte-ekonomiako formulen pean.
Proiektu horien sustapena Europako Gizarte Funtsaren 2020-2023 Gizarteratzeko eta Gizarte Ekonomiako Programa Operatiboaren barruan kofinantzatu da. Ildo horretan, Junorcoop proiektuak (2016-2017) programa pilotu bat sortu zuen, graduko lau urteetan junior elkarte horiei laguntzeko; unibertsitatetik proiektu ekintzaile kooperatibo berrien anezkaren ernamuina sortu zuen.
Emaitzen arabera, graduatuen % 30 inguruk beren enpresak sortzen dituzte LEINN amaitzen dutenean. IMPULSO COOP (2018-2020) proiektuak lagundu zuen gizarte-bokazioa duten enpresa-proiektu berriak eratzen eta azken urteotan LEINNetik sortutako kooperatiba-sozietateei laguntzen, merkatuan profesionalizatu eta finkatzeko. Unibertsitatetik sortzen ari diren enpresak edo start-up direlakoak berrasmatzeko eta sortzeko prozesuari, gaitasun-prestakuntza hutsetik harago, FALKON deitu zaio LEINNen.
Esperientzia horren ondorioz, egiaztatu ahal izan genuen gazteak gizartean gertatzen diren aldaketekin lotutako proiektu ekintzaileetan sartzen direla, eta gure inguruko arazo sozialak, ingurumenekoak eta ekonomikoak konpontzen dituztela; baina enpresa eratzerakoan, ez dira gizarte-ekonomiako formula juridiko batetik gertu sentitzen (kooperatiba bat izan litekeen bezala). Beste faktore batzuek, hala nola finantzaketa, inbertitzaileak, laguntza publikoak eta eskalatzeko gaitasuna, garrantzi handiagoa dute enpresa berriaren forma juridikoa aukeratzeko orduan.
Zer da FALKON PREST?
FALKON PRESTek honako helburu hauek ditu:
- Gizarte-beharrizanei, garapen iraunkorrari eta Gizarte Ekonomiaren ekarpenari buruzko sentsibilizazio-esparru bat sortzea.
- Aldaketaren sortzaile izango diren gazte liderren belaunaldi berri bat sortzea, garapen iraunkorraren beharretarako inpaktu-irtenbideak bilatuko dituztenak.
- Gizarte-bokazioa eta osagai teknologiko eta iraunkorra duten proiektu ekintzaileen sorrera eta inkubazioa bultzatzea LEINNen.
Proiektuaren egitura eta faseak
LEINN eta hura kokatzen den taldeko ekintzailetza-unitatea – Mondragon Team Academy – Printzipio metodologiko argi batzuen pean ari dira lanean: egiten ikastea, autokudeatutako taldeetan lan egitea, enpresa ikasteko tresna gisa eta bere hazkunde-prozesuaren protagonista izatea. Printzipio horiek kontuan hartuta, proiektuak egikaritze-fase hauek ditu:
- Ernamuina:
fase honetan pertsonak, haien motibazioak eta interesak hartzen dira abiapuntu, eta gizartea maila sozialean, ingurumenekoan eta ekonomikoan jasaten ari den premia larriekin harremanetan jartzen ditu. Inpaktuko liderren ernamuina ereiten da. Lider horiek onura pertsonala lortzeko ez ezik, guztion ona lortzeko ere lan egingo dute. - Inkubatua:
fase hau hiru Laborategi sortzean datza, hiru esparrutan proiektu ekintzaileen abiarazle gisa funtzionatuko dutenak: (1) Fintech eta Finantza etikoak: inpaktu hirukoitza bilatzen duten oinarri teknologikoko finantzen sektoreko enpresak, (2) Tech for good: teknologia berriak eta esponentzialak guztion onerako erabiltzen dituzten oinarri teknologikoko enpresak, eta (3) Rural Innovation: nekazaritzaren sektoreko enpresak, landa-sektoreko erronkei konponbidea emateko. - Ernaltzen:
fase honetan, inkubatutako proiektuen emaitzen sorrera neurtzen da, baita epe labur eta ertainean proiektu ekintzaileek sortutako inpaktu jasangarria ere, gizarte-ekonomiako erakunde bihurtu arte.
Espero diren emaitzak vs. Lortutako emaitzak
FALKON PREST enpresak honako emaitza hauek lortu nahi ditu 2020-2023 aldian:
- +30 networking ekitaldi eta ideia berriak sortzea
- 500 ordu baino gehiagoko mentorizazioa
- 198 parte-hartzaile
- 270 enpresa-ideia aztertzea
- 54 enpresa-proiektu inkubatu
- 46 Enplegua lortzen duten parte-hartzaileak (langabeak edo ez-aktiboak)
- Gizarte-ekonomiako 6 enpresa edo erakunde, enpresa-proiektuetatik abiatuta sortuak.
2021eko abenduan FALKON PRESTek 20 online ekitaldi edo ekitaldi hibrido baino gehiago egin ditu, 700 pertsona baino gehiago bertaratuz. LEINNen barruan abiarazi da We 4 All. – Inpaktuko liderrak prestatzeko programa, migrazio-mugimenduekin, klima-aldaketarekin, dibertsitatearekin eta gizarteratzearekin lotutako problematiken konponbidean zentratu dena. Besteak beste, Hack & Disrupt (BME, Bizkaiko Aldundia eta BBKrekin elkarlanean), Gure Begirada (ONCErekin lankidetzan) eta Rural Innovation Ecosystem RIE (Fundación Emplea eta San Martín de Unxeko Udalarekin lankidetzan) ekitaldiak lagundu dira.
FALKON PRESTek gizarte-bokazioa duten 40 proiektu ekintzaile baino gehiago inkubatu ditu LEINNen, eta 5 sozietate kooperatibo txikiren sortzaileak mentorizatu ditu: LUP, D4E, TINC, BASK eta ULUWATU, eta 11 merkataritza-enpresa (sozietate mugatuak) LEINNen.
Falkon Prest proiektuak gazteen artean garapen iraunkorrarekiko eta gizarte-ekonomiarekiko sentsibilizazioa sustatzeaz gain, gizarte-eragile protagonistak lotzen ditu; gizarte- eta ingurumen-arazoak konponduko dituzten ideiak bilatzen ditu eta gure gazteek gidatutako proiektu bideragarriak inkubatzen ditu; eta proiektu horiek sortutako inpaktua edo gazteek beren erantzukizunari eta aldatzeko ahalmenari buruz duten pertzepzioan izandako aldaketa neurtzen ditu. Ikuspegia batez ere praktikoa eta emaitzetara bideratua da.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza