Bridgestone eta SPRI berriro ere aktiboki sustatzen industriako berrikuntza
Bridgestone-k BIND 4.0-ko trakzio-enpresa izaten jarraituko du programaren zazpigarren edizioan. BIND 4.0 programaren helburua da startupak azkartzea 4.0 Industriaren esparruan.
Eusko Jaurlaritzaren menpeko SPRI erakunde publikoak eta bere baitako euskal ekintzailetza-ekosistemaren Up Euskadi plataformak bultzatutako programa honek helburutzat du talentu onena erakartzea eta industriaren eraldaketa digitala sustatzea, Euskadiko ekosisteman parte hartzen duten startupen garapena eta hazkundea azkartuz eta maila altueneko bezero industrialengana iristeko aukera bermatuz.
Pneumatikoen eta kautxuaren sektorean mundu mailako liderra den Bridgestone konpainiak bigarren ediziotik parte hartzen du programan. Bost urte hauetan berrikuntza teknologikoko hainbat proiektu garatu ditu zenbait startupekin -besteak beste, Wearhealth, Flything Technologies edo Eave-, eta horiei esker bere lehiakortasuna bultzatu du hainbat arlotan. Zehazki, adimen artifizialeko (AA) proiektuak garatu ditu lanpostuetako arriskuak ebaluatzeko eta intzidentziak detektatzeko, eta Big Data konponbideak aplikatu ditu informazio-iturri desberdinetako datuak identifikatu eta analizatzeko.
Basauriko Bridgestone lantegiko Giza Baliabideen zuzendari María Aldecoak dionez, “Laugarren Iraultza Industrialak edo 4.0 Industria bezala ere ezagutzen denak guztiz aldatu du negozioen operatzeko modua eta, beraz, baita ere negozioen lehia-ingurunea, horregatik, irmoki akuilatu behar dugu garapen hori ahalbidetu dezakegun guztion arteko lankidetza. Funtsezkoa da egungo premien abangoardian egotea merkatuko kuotarik ez galtzeko”.
Industria adimenduneko plataforma
BIND 4.0 programa 4.0 Industriaren arloko ekimen publiko-pribatu bat da, Ekonomi Garapen, Jasangarritasun eta Ingurumen Sailak sortua SPRI Taldearen bitartez, eta 2016an abiatu zenetik nazioarteko erreferente bilakatu dena. Harrezkero, BIND 4.0 programak 240 proiektu baino gehiago garatu dituzten eta 7 milioi eurotik gorako fakturazioa duten 160 startup baino gehiago azkartu ditu. Gaur egun, BIND 4.0 programak bi ekimen ditu industrian berritzera bideratuta daudenak. Bata, startupei zuzendutako azkartze eta berrikuntza programa ireki bat, enpresa korporatibo handiekin proiektuak garatu ditzaten; eta bestea, BIND 4.0 SME Connection programa, industria arloko ETEekin lankidetzan teknologia berriak garatzea helburu duena.
Bridgestone-k Europan, Errusian, Ekialde Ertainean, Indian eta Afrikan duen unitateari buruz
Bridgestone-k Europan, Errusian, Ekialde Ertainean, Indian eta Afrikan duen unitatea (Bridgestone EMIA) Bridgestone Corporation konpainiaren eskualde mailako negozio-unitate estrategiko bat da. Bridgestone Corporation mundu mailako liderra da pneumatikoetan eta kautxutik eratorritako produktuetan, zeina bere esperientzian oinarritzen baita mugikortasun seguru eta jasangarrirako konponbideak eskaintzeko.
Egoitza Zaventem (Belgika) hirian duelarik, Bridgestone EMIAk 20.000tik gora pertsona enplegatzen ditu eta eskualdeko 40 herrialdetan operatzen du. Bridgestone-k premium pneumatikoetan eta konponbide aurreratuetan oinarritutako produktu ugari eskaintzen ditu, zeintzuek bizitzeko, lan egiteko, mugitzeko eta dibertitzeko moduak hobetzen baitituzte teknologia berritzaileak baliatuz.
Bridgestone España da taldeak Europan duen filial garrantzitsuenetako bat, eta Espainiako ehun enpresa garrantzitsuenen zerrendan dago. 3.000 langile ingururekin, konpainiak salmenta-bulego bat du Madrilen eta 3 lantegi Burgosen, Bizkaian eta Santanderren. Horietan ekoizten da kalitate handiko Bridgestone eta Firestone pneumatikoen linea osoa.
Lotutako albisteak
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Zabalik dago MAKE IN! Ekintzailetza Industriala programaren 4. ediziorako izen-emate epea
Apirilaren 25a izango da programan izena emateko azken eguna
Wake Up! Albiste ekintzaile batzuk sarean
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.
Foodtech Startup Forum 2025: elikagaien industriarako berrikuntzaren eta teknologiaren arloko punta-puntako irtenbideak
Elikagaien eta edarien sektorerako proiektu, irtenbide edo negozio eredu iraultzaileak aurkeztu nahi dituzten startupek apirilaren 1era arte ikustarazi ahal izango dute bere hautagaitza