BIC Gipuzkoak, bere instalazio berriak aurkeztu ditu
BIC Gipuzkoak egiten duen lana gora egiten ari da etengabe azken urte hauetan. Pandemia gorabehera, startupen sorkuntzak eta entitateak babestutako proiektu berriek indartu egin dute lurraldeko ekintzailetza-estrategia.
Ekintzailetza-jarduerari lotutako esparru guztietako ordezkariak izan dira Donostiako Zientzia eta Teknologia Parkean kokatutako BIC Gipuzkoaren instalazio berrien aurkezpen-ekitaldian. Abiarazte-fasean dauden enpresei zuzendutako 6.000 metro koadroko azpiegitura espezializatuan, lurraldeko ekonomia- eta enpresa-jardueraren etorkizunerako estrategikoak diren sektoreetako 35 enpresa eta 300 profesional baino gehiago biltzen dira gaur egun. Sektoreak honako hauek dira: manufaktura aurreratua, 4.0 industria, bioteknologia, osasuna eta energia.
Ekitaldian, Gipuzkoako diputatu nagusi Markel Olano eta Eusko Jaurlaritzako Teknologiako, Berrikuntzako eta Eraldaketa Digitaleko sailburuorde Estibaliz Hernaez izan dira. Olanok bere hitzaldian adierazi duenez, “Gipuzkoan eta Euskadin, ekintzaileak babesteko oso ekosistema sendoa dugu, erakunde arteko lankidetzan eta lankidetza publiko-pribatuan oinarritua. Eta instalazio hauek horren erakusgarri dira, baita lurraldean bultzatutako ekintzailetzaren erakusgarri ere, funtsezkoa baita enpresa-sare aurreratua eta dibertsifikatua izateko. Gipuzkoa buru-belarri ari da lanean etorkizuneko ekonomia eraikitzeko, espezializazio adimendunetik abiatuta. Ahalmenik handieneko sektoreetan oso ongi kokatuta dauden enpresa berriak ditugu, eta kalitateko enplegua, lehiakortasuna eta ongizatea lortzeko funtsezkoa den dinamismo hori sendotzea da gure helburua”.
Bestalde, Estibaliz Hernaezek pertsonak aipatu nahi izan ditu, eta, adierazi duenez, “ekintzaileak duen balioa agerian jartzeko eta legitimatzeko garaia iritsi da. Izan ere, ekintzaileak berritu egiten du, enplegua sortzen du eta, askotan, aldaketa sozial eta disruptiboen aitzindaria da”. Nolanahi ere, datorren hamarkadako proiektu berriak zuzenduko dituen ekintzailetza- eta sustapen-talentuaren hurrengo belaunaldia garatzeko “tokiko talentu-harrobi” bat sortu, erakarri, gaitu eta babestea da euskal ekintzailetzaren 2030erako erronka handietako bat”.
BIC Gipuzkoako presidente Leyre Madariagak azpimarratu egin du “BIC Gipuzkoak bere ia 30 urteetan bete duen zeregin erabakigarria, beti ekintzailetza-sistemako beste agente batzuekiko lankidetzaren ikuspegitik abiatuta bete duena”.
Madariagak azaldu duenez, joan den urtean “marka bat ezarri du oinarri teknologiko eta berritzailea duten hainbat enpresa-proiektu garatzeko kapitalaren lorpenean”. 2021. urtean, BIC Gipuzkoak 80 ekintzailetza-proiektu eta 49 enpresa berriren sorkuntza babestu zituen.
Eusko Jaurlaritzak eta Gipuzkoako Foru Aldundiak sortutako Ekintzaile/Txekintek eta Barnekintzaile laguntza-programak “finkatu egin dira proiektuen lehen garapen-etapetan eraginik handiena duen finantzaketa-tresna gisa”, azpimarratu du BIC Gipuzkoako presidenteak. Azken bost urteetan, 330 ekimen berri babesteko hamaika milioi eta erdi euro bideratu dira programa horien bidez. Haietatik, 228k merkatuan dihardute gaur egun, eta 50 inguru konfigurazio-fasean daude.
Ekitaldian, halaber, ESADEko Eragiketa, Berrikuntza eta Data Sciences Saileko irakasle titular Xavier Ferrásek hartu du parte, eta adierazi duenez, “globalizazioaren joko-arauak aldatu egin dira pandemiaren ondoren”. Haren ustez, “kostuak kanporatzean oinarritutako globalizazio batetik berrikuntzan eta teknologian oinarrituta dagoen eta masa kritikoari garrantzia ematen dion globalizazio baterako bidea egiten ari gara. Berrikuntza hurbiltasuneko fenomenoa da. Hiri edo eskualde batean hurbileko agente asko badituzu, garrantzitsuena da elkarri eragitea”, eta, ildo horretan, Euskadin gauzak nola egiten ari diren azpimarratu nahi izan du.
Ekintzaileen izenean, Josema Odriozolak (Wavegarden), Maider Zabalak (Onena Medicines) eta Sandra Montesek (Scrapad) hitz egin dute. BIC Gipuzkoako zuzendari kudeatzaile Marisa Arriolarekin egindako elkarrizketa batean, beren proiektuak bideratzeko garaian jaso duten babesaren eta aholkularitzaren garrantzia aitortu dute.
Lotutako albisteak
INIZIA sariak banatu dituzte, INIZIA DAY jardunaldian
Horien helburua da oinarri teknologikoa duten eta/edo berritzaileak diren enpresa egitasmoak biltzen dituzten proiektuak aitortzea
Ekintzaileentzako laguntzak: Bihur ezazu zure negozio ideia enpresa berritzaile eta errentagarri Ekintzailerekin
Ideia berritzaile bat duzu eta enpresa bihurtu nahi duzu? Orduan interesatzen zaizu Ekintzaile 2025, programa ezagutzea. Ekintzailetza bultzatzeko laguntza horrek laguntza ekonomikoa eta adituen aholkularitza eskainiko dizkizu zure proiektua bideragarria eta arrakastatsua izan dadin.
Nola izan enpresa ekintzaile bat Barnekintzaile programarekin, barne-ekiteko laguntza.
800.000 euroko aurrekontua du Barnekintzaile 2025 barne-ekintzailetzarako laguntza-programaren edizio berriak. Enpresa-proiektu berriak garatzeko edo jarduera berrietara dibertsifikatzeko laguntza eskuratu nahi duten enpresek abenduaren 11ra arte aurkez ditzakete eskaerak.
Eusko Jaurlaritzak startup teknologikoak sortzea bultzatuko du, 2,5 milioirekin ekintzailetzarako laguntzetan
Maiatzaren 16an irekiko ditu SPRIk Ekintzaile eta Barnekintzaile programak
Nuavisek balio erantsi handiko ikusmen artifizialeko soluzioak eskaintzen dizkio industriaren eta elikagaien sektoreari
Enpresak aktiboak monitorizatzeko sistemak garatzen ditu prozesu industrialak hobetzeko
Eusko Jaurlaritzak startup disruptiboen talentua eskuratzeko aukera emango die EAEko ETEei
SPRIk BIND SMEren 5. edizioa ireki du, EAEko ETEek startup berritzaileekin elkarlanean jardun eta haien lehiakortasuna hobetzeko. Deialdia uztailaren 4ra arte egongo da zabalik. Hautatutako ETEek teknologia disruptiboetara eta talentu berritzailera sarbidea izango dute, IA, jasangarritasuna edo Smart Factory bezalako arloetan soluzioak garatzeko.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Zinemaldia Startup Challenge 2025
Izen-ematea: apirilaren 15etik ekainaren 2ra arte
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Wake Up! Albiste ekintzaile batzuk sarean 250324
Euskadiko talentu ekintzaile guztia. Wake up! -ek komunikabide eta sareko blog desberdinek argitaratutako albisteen hautaketa txiki bat egunero partekatzen du Linkedinen: ideiak, proiektuak, negozioak, startupak, enpresak etab.