Zuzendaritza-karguentzako prestakuntza-zentro ospetsu batek Bilbon ireki du Europako bere lehen bulegoa
David J. Anderson School of Management zentroak Kanban metodoaren bidez prestatzen eta entrenatzen ditu zuzendaritza-karguak, beren enpresetako lehiakortasuna hobetu dezaten
David J. Anderson School of Management zuzendaritza-karguentzako prestakuntza-zentro bat da, nazioartean ezaguna dena David J. Anderson-ek berak garatutako Kanban metodoa erabiltzen duelako enpresen kudeaketari eta lidergoari buruzko garapen-programak eskaintzeko.
Bilbon irekitako prestakuntza-zentroa, joan den apirilaren 11n inauguratua, Europako lehen egoitza da David J. Anderson School of Management zentroarentzat, zeinaren prestakuntza-programek arrakasta itzela baitute Estatu Batuetan eta munduko beste toki batzuetan. Bilboko prestakuntza-eskolak dagoeneko erakarri ditu hainbat bezero Estatu Batuetatik, Alemaniatik, Indiatik, Frantziatik, Erresuma Batutik, Latinoamerikatik, Europa Ekialdetik eta Afrikatik, eta, jakina, baita ere Euskaditik eta Estatu osotik.
Eskolaren fundatzaile David J. Anderson eskoziarra da izatez, eta sei liburu idatzi ditu Kanban metodoari buruz. David J. Anderson School of Management zentroak jabetza intelektual propioa dauka eta baita ere prestakuntza-planak, beraizik diseinatuak enpresa teknologikoentzat eta zerbitzu profesionalak ematen dituzten enpresentzat; eta horrek modu berriak eskaintzen dizkie zuzendaritza-karguei enpresaren ikuspegia garatzeko, erabaki egokienak hartzeko eta eraginkorrago izateko. Kanban metodoak erabaki-marko pragmatiko eta egingarriak ematen dizkie enpresa-ingurunea aztertzeko eta beren lehiakortasun-posizionamendua hobetuko duten erabakiak hartzeko.
Bilbok oso baldintza erakargarriak eskaintzen ditu bertan kokatzeko David J. Anderson School Of Management zentroaren Europako bulegoa, esaterako: enpresen prestakuntza-maila handia, bizi-kalitate bikaina, aireportu-konexio onak Europako hub garrantzitsuenekin eta, era berean, kokaleku errentagarria negozioa Europarantz eta Latinoamerikarantz zabaltzeko.
Bulegoak, guztiz berrituak eta multimedia teknologiaz hornituak, Bilboko hirigunean daude. Carlos Callejak, Bilboko prestakuntza-zentroko zuzendari nagusiak, hauxe adierazi du: “Gure helburua da gero eta lehiakorragoa den merkatu baten eskakizunak betetzen laguntzea enpresei eta beren liderrei. Kanban metodoa tresna onena da konpainietako prozesuen kudeaketa hobetzeko eta produktiboago egiteko”.
Bestalde, David J. Andersonek (berak ematen du prestakuntza Bilbon eta Seattlen) hauxe esan du: “Guretzat oso garrantzitsua da Bilbon irekitzea Europako lehen bulegoa, aukera ematen digulako hurbilago egoteko Europako bezeroengandik. Gure ikastaroek beti izan dute orientazio pragmatiko bat, ekintzetan eta frogetan oinarritua. Badakigu gure metodoek funtzionatzen dutela, frogatuta daude, eta badakigu zein zaila den aldaketak inplementatzea enpresetan, horregatik, orientazio praktiko eta egingarria eskaintzen dugu, martxan azkar jar daitekeena. Horrek bereizten du gure ikuspegia gainerakoengandik”.
David J. Anderson School of Management zentroa “Enterprise Agility Europe” izeneko bi eguneko konferentzia bat antolatzen ari da Bilbon, ekainaren 10etik 11ra, “Azkartasuna garrantzitsua da” lelopean. Konferentzia horretan bilduko dira hainbat herrialdetako 19 hizlari, denak ere enpresen azkartasun-industriako eta konpainien eraldaketaren kudeaketa arloko liderrak.
Hitzaldietan sektore desberdinetako eraldaketa- eta azkartasun-kasu arrakastatsuak aurkeztuko dira. Gainera, Kanban metodoaren kudeaketari eta ezarpenari buruzko lau tailer antolatu dira, zeintzuetan aholkulari adituek giltzarri metodologikoak emango baitituzte negozio-prozesuak eraginkortasunez eraldatzeko. Topaketarako sarrerak eskuragai daude helbide honetan: https://www.enterprise-agility.eu
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean