Urola osoko, Goierri eta Debagoienako 37 enpresak jaso dute gaur enpresa berritzailearen Hazinnova akreditazioa
-
- novak doako aholkularitza-zerbitzua eskaintzen die Euskadiko ETEei berrikuntza ez teknologikoari buruz, lehiakorragoak izan daitezen
- 2022an burutu zen Ekonomiaren Garapen, Jasangarritasun eta Ingurumen Sailak, SPRIk eta Innobasque-Berrikuntzaren Euskal Agentziak bultzatutako egitasmoaren hirugarren edizioa, jadanik 650 ETE akreditatu baino gehiagorekin
Urola osoko, Goierri eta Debagoienako 37 enpresak enpresa berritzailearen ziurtagiria jaso dute gaur, Eusko Jaurlaritzako Ekonomiaren Garapen, Jasangarritasun eta Ingurumen Sailaren, SPRIren eta Innobasque-Berrikuntzaren Euskal Agentziaren eskutik. Ziurtagiria jaso duten enpresa horiek berrikuntza ez teknologikoko mikro-proiektuak ezarri dituzte beren erakundeetan merkatuan duten posizioa hobetzeko.
Ziurtagiri honen banaketa-ekitaldia gaur goizean egin da Azpeitiko Basazabal Jauregian, eta bertan izan dira Aitor Urzelai, SPRIko zuzendari nagusia; Gotzon Bernaola, Innobasque-Berrikuntzaren Euskal Agentziaren Enpresa Berrikuntzako koordinatzaile nagusia, eta Ana Azkoitia, Azkoitiko alkatea eta Iraurgi Berritzeneko ordezkari instituzionala.
- Azpeitiko ekitaldi honek amaiera eman dio EAEko hainbat herritan egin den topaketa birari. Jardunaldi horietan 321 enpresa txiki eta ertainek berrikuntzaren euskal ekosisteman sartzeko egindako ahalegina aitortu da.
Topaketa honetan, ETEen ondoan izan dira sareko tokiko agenteen ordezkariak, laguntzaile izan dituztenak berrikuntzako mikro-proiektuen ezarpen-prozesuan: Makina-erreminta Fabrikatzaileen Elkartea (AFM), Basque Food Cluster,
Debagoieneko Mankomunitatea, Goieki Goierriko garapen-agentzia, Tokiko Arrantza Ekintza Taldea (GALP), Iraurgi Berritzen Urola Erdiko Garapen eta Berrikuntza agentzia, Mendinet Landa Garapenerako Elkartea, Siderex Euskadiko Siderurgia Klusterra, Urola Garaiko Uggasa garapen-agentzia eta Urola Kostako Mankomunitatea.
Ziurtagiri hau gaur jaso duten Urola osoko, Goierri eta Debagoienako enpresa txiki eta ertainek 45 proiektu osatu dituzte Hazinnova 2022 deialdiaren bidez. Berrikuntzak produktuetan zein negozio-prozesuetan, fabrikazioan, logistikan, merkaturatzean, administrazioan edo finantzetan egin dituzte.
Banaketa-ekitaldiaren ondoren, berrikuntzako kasu praktikoak aurkeztu dira. Horietan, Hazinnova 2022 programan parte hartu zuten enpresetako hiruk beren esperientzia praktikoak eta lortutako emaitzak partekatu dituzte: zulagailuak egiten dituen Erlo Group enpresa azkoitiarrak merkatu berrietara irekitzeko proiektu bat gauzatu du; Siliconas Silam zumaiarrak silikonazko elastomeroak eraldatzen dihardu eta bere produkzio-sistema hobetzeko lan egin du, Lean Manufacturing delakoaren bidez; Zalbidiako Euskaber kooperatibak, aske dauden oiloak hazten eta zaintzen aritzen den baserritar taldeak osatuta, kontsumitzaileen perfila aztertzeko proiektu batean aritu da Hazinnova programari esker.
2022ko deialdian, Hazinnova programak 2.760.000 euroko aurrekontua izan du.
Hazinnova 2023 deialdia
Hazinnova 2023 deialdia zabalik dago jada eta interesa duten enpresa berriek urriaren 26ra arte eskatu ahal izango dituzte laguntzak. Programak 2,7 milioi euroko aurrekontua du esleituta urte honetarako.
HAUEXEK DIRA HAZINNOVA ZIURTAGIRIA JASO DUTEN urola osoko, Goierri, ETA DebagoienaKO 37 ENPRESAK
UROLA ERDIA
DIATEC Azpeitia ERLO TALADROS Y ROSCADORAS Azkoitia IBERMACH SPECIAL MACHINERY Azkoitia INDUSTRIAS ORMOLA Azpeitia INISA AUTOMATION Azpeitia LANDETA BURDIN LANAK Azpeitia MANIPULADOS ARAMBURU Azpeitia MKCOIN WORLDWIDE Azpeitia UROLAKO KOMUNIKAZIO TALDEA Azpeitia XABI MOBILIARIO Azpeitia UROLA KOSTA
COFRADIA DE PESCADORES ELCANO Getaria ENRIQUE KELLER Zarautz GRUPO DE COMPRAS EDERTO Zumaia NEWTECK Zumaia SILICONAS SILAM Zumaia urola garaia
EGUMENDI Urretxu ESCALERAS EIMA Urretxu PREMANK SERVICIO DE PREVENCIÓN AJENO Urretxu GOIERRI
CALDERERÍA MECANIZADA AITZGORRI Idiazabal EKOEREIN MG Idiazabal EUSKABER Zaldibia MEKATEK MEKANIZATUAK Idiazabal MONTTE Beasain PULYDEC BURGOS Beasain QUESOS ALDANONDO Olaberria DEBAGOIENA
CALDERERÍA EPELE Arrasate/Mondragon EMBALAN3 SISTEMAS DE EMBALAJE Bergara GOMIZTEGI KOOPERATIBA ELKARTEA Oñati IDR Elgeta INDUSTRIAS UGATU Bergara ONENPRO Arrasate/Mondragon OSARTEN Arrasate/Mondragon BOLINTXO Bergara SUFERSA Elgeta SUMINISTROS ELGETA Elgeta ZERBIMEK Arrasate/Mondragon ZUBILLAGA HILTEGIA Oñati
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean