UBIS: “Jende gehienak gure zintak erabiltzen ditu, ez dakien arren”
Ubis konpainia gipuzkoarra da era horretako produktuen Estatuko fabrikatzaile bakarra; % 60 esportatzen du eta 70 herrialdetara hedatuta dago
Gipuzkoako Hernani herrian finkatuta dago Ubis, euskal enpresa sareak dituen Ezkutuko Txapeldunetako bat. Kontuan hartzeko moduko tamaina duen ETE hau, zinta itsasgarrien merkatu-nitxoan lortu duen espezializazio ezinago altuari esker, sektoreko konpainiarik handienekin lehiatzeko gauza da. 1970ean sortu eta egun 160 langile dituen euskal konpainia hau, produktu honen Estatuko fabrikatzaile bakarra ez ezik, Europa mailako liderretako bat bihurtu da Ricardo Fuentesen gidaritzapean. Urteko 430 milioi metro koadroko ekoizpen-gaitasuna duela, fakturazioaren % 60 esportatzen du, bost kontinenteetako 70etik gora herrialdetara hedatuta dagoelarik.
Estatuan saltzen diren zinta itsasgarrien % 50 baino gehiago zuek ekoiztutakoa da…
Gehiago seguraski, izan ere, hainbat aplikazio dituen produktua da, oso irteera ona duena. Jende gehienak gure zinta kontsumitu du jakin gabe. Horren arrazoia izan daiteke askotan ez dugula gure marka erabiltzen saltzeko, marka anonimoa edo hornitzaileena baizik…
Zergatik?
Finean, haiexek dira merkatua kontrolatzen dutenak, eta askotan haien marka agertzea nahi dute, fabrikatzaile nor den ezagutzera eman gabe. Kontu historikoa da.
Beste hainbat sektoretan gertatzen ez den kontua…
Halaxe da. Zinta itsasgarria azken urteotan asko aldatu den produktua da. Nolabait esanda, commodity produktua da, bereizi gabea, eta gure kasuan behinik behin garrantzitsuena balio-katean posizionatzea izan da, eragiketa-eraginkortasunean eta diseinuan, baina ez horrenbeste merkaturatzean.
Zenbateko goi mailako berrikuntza dago, zure ustez, zinta itsasgarriaren garapenean?
Dexenteko berrikuntza, eta berrikuntza ona gainera, izan ere, 80ko eta 90eko hamarkadetan zinta prezio altuko produktu berritzaile samarra zen, baina egun, eskakizun handiko produktua da prezioari dagokionez. Horrek formulen etengabeko garapenera bultzatzen zaitu I+G arloan, prozesu berberak edo hobeak gero eta kostu txikiagoetan eskaini ahal izateko, kostu materialetan nahiz kostu zuzenetan. Duela hogei urteko zinta itsasgarriak ez du zerikusirik egungoarekin. Egungo zintaren prestazioak askoz ere handiagoak dira, eta kostuak, aldiz, dexente txikiagoak.
Paketeriaren bidalketan Interneti esker gertatu den azkenaldiko goraldia kontuan hartuta, zuen merkatua ere gero eta zabalagoa izango da, ezta?
Bai, hori egia da, baina lehen esan dudanez, produktu hau izugarri aldatu da. UBISen ekoizten hasi ginenean, Estatuan hamar fabrikatzaile eskas zeuden eta gure lehiakideak bertakoak ziren. 90ko hamarkadan, Europako lehiakideei aurre egin behar izan genien, eta egun, lehiakideak globalak direla esan genezake. Hortaz, egia da kontsumorak izugarri gora egin duela, baina baita sektorearen ekoizpen-gaitasunak ere.
Kontsumoaren igoera bortiz horren isla dugu lan-txanda berri bat inplementatu izana, Hernaniko lantegia astelehenetik igandera bitartean irekiz…
Halaxe da. Iaz 291 egunetan lan egin genuen; 2019an 296 egunetan lan egin behar du, eta 328 egunetan datorren urtean. Hori guztia gure eragiketa-eraginkortasuna hobetzeko, sail luzeagoak ekoizteko, orduko metro koadro kopurua gehitzeko, gure murrizketekin batera kostuak ere murrizteko… Azken finean, gero eta lehiakorragoak izateko.
Zuen produktua % 100 Euskadin egindakoa da, baina ekoizteko erabiltzen duzuen lehengaia % 100 globala da…
Halaxe da, aldaketa erabatekoa izan da. Oraintsu arte, ekoizteko erabiltzen genituen lehengaiak europar eremukoak ziren nagusiki, baina egun lehengairik onenak preziorik onenean bilatzen ditugu, nonahi daudela ere. Horregatik, gure lehengaien katalogoan, Korea, Txina, Estatu Batuak, Thailandia, India edo Errusiatik ekarritako lehengaiak daude. Mundu osan saltzen duen fabrikatzailea izanik, mundu osoan preziorik onenekin eta kosturik txikienekin hornitzeko aukera izan behar dugu.
Zein da Euskadin gehien gustatzen den zinta?
Sektorearen arabera, baina gehien kontsumitzen dena, beti bezala, zigilatzeko zinta da, gardena, zuria edo marroia izan ohi dena. Horrekin batera, hemen, Euskadin, kontsumo handikoa da pintatzeko erabiltzen den karrozari-zinta, baita asko gustatu eta salmentetan izugarri hazten ari den zinta amerikarra ere, zinemak ezagutzera eman eta edozertarako erabil daitekeena.
Lotutako albisteak
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Ceit zentro teknologikoak 300 enplegu baino gehiago sortzen dituzten 20 spin-off sustatu ditu eta 30 M € inguruko inbertsioa ekarri dute
Mikel Jauregi sailburuak Ceit bisitatu du, ikerketa aplikatuko eta teknologia enpresara transferitzeko erreferentziazko zentro teknologikoa
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da
Aloka, profesionalen artean ikus-entzunezko materiala alokatzeko plataforma
Gipuzkoako startup-ak hainbat ekipo eskaintzen ditu, hala nola kamerak, grabagailuak, mikrofonoak, droneak. Mobile World Congress-eko 4YFN biltzarrean parte hartu zuen, SPRI Taldeak kudeatutako stand batekin, webgunea inbertsore eta bezero potentzialei aurkezteko.
Metagra, mende erdiko berrikuntza automobilgintzarako hotzeko estanpazioan
Bergarako enpresa pieza konplexuen fabrikazioan sendotu da, jasangarritasunaren eta berrikuntzaren alde eginez.
Jon Ander Egaña: “BASQUE FOOD CLUSTERrek elikadura euskal industriaren sektore estrategiko gisa kokatzea lortu du”
Elikatze-katearen euskal elkartea 150 enpresa eta erakunde baino gehiagoren lehiakortasuna hobetzeko lanean ari da, berrikuntzaren garapenarekin, lankidetza-proiektuekin eta teknologien integrazioarekin.
Siteco, 30 urte automatikoki ordaintzeko makinak ekoizten
Arabako enpresak administrazio publikoarekin eta ostalaritza sektorearekin egiten du lan, eta urteak daramatza nazioarteko merkatuan.
Mecanizados Patro enpresak “fidagarritasuna, segurtasuna eta eraginkortasuna” eskaintzen ditu trenbide-sektorean
Serie laburretarako eta luzeetarako pieza espezifikoak fabrikatzen ditu enpresa arabarrak, doitasun handiko lan-tresna eta makinekin.
Icónica, errotulua artelan bihurtzen denean
Arabako enpresa da kartelak fabrikatzen dituen Euskadiko azken enpresetako bat. Hain zuzen ere, bost hamarkada daramatza lanean eta teknika eta artisautza uztartzen ditu bere produkzioak
Lorra, lau hamarkada inguru Bizkaiko nekazaritzako elikagaien kooperatibismoaren funtsezko zutabe gisa
Gaur egun, erakundearen lehentasuna zahartutako sektore honetako erretiroak ordezkatzea da, belaunaldi-erreleboaren bidez.