Sokalde, kalitate handiko erdi mailako galdaragintza
Sokalde Gasteizen kokatuta dagoen erdi mailako galdaragintzako enpresa da. Hamar urte baino gehiagoko ibilbidea du, eta 21 profesionalek osatzen dute. Bezeroak hainbat sektoretakoak dira: aeronautika, igogailuen sektorekoa, energia berriztagarriak, meatzaritza, sektore eolikoa edo ekipo-ondasunen sektorekoa. Galdaragintza arina dela esan arren, enpresa gai da tamaina edo bolumen handiagoko lanak ere egiteko, eta balio erantsi handia du: neurrira egindako proiektuak, bezero bakoitzaren beharretara egokituak.
“Galdaragintzaren munduan aldaketa bat behar zela ikusi genuen. Lan egiteko modu tradizionalak ez du balio. Orain, produktu globalagoa eskatzen da, neurrira egindako proiektuak, eta horixe eskaintzen dugu. Produktua fabrikatu eta zerbitzatzeko behar diren prozesu guztiez arduratzen gara, eta, hala, zerbitzu integrala eskaintzen dugu, bezeroen arazo eta beharrei soluzioak ematen”, nabarmendu du Iban Rodríguez Sokaldeko zuzendari kudeatzaileak. Gaur egun konpainia nazioartera hedatu ez den arren, hainbat bezerorentzat egiten dituen produkzioen %90 baino gehiago atzerrira iristen da.
2012tik, Sokaldek proiektu handietan parte hartu du, eta hainbat herrialdetan instalatuak izan dira. Adibidez, 2014. urtean pneumatikoko zabor-bilketa multinazional baterako piezak egin zituen Quebecen (Kanada). Texasera (AEB) ere iritsi da, 150 hektareatik gorako eguzki-energiako eremu baterako egitura guztiak fabrikatuz, edo Txinara eta Indiara, dorre eolikoetan integratutako jasotze-ekipoetarako osagaiekin. Gaur egun, Nafarroako Unibertsitate Publikoko (UPNA) proiektu batean murgilduta dago enpresa, eta Zientzia Fakultatean zurezko egitura baterako fabrikatzaile batentzako lotura- eta ainguraketa-sistemak eraikitzen ari da.
Iaz, SPRI Taldearen laguntza jaso zuen Sokaldek, Hazinnova programaren bidez, produkzio-teknikariari eta bezeroak lortzeko teknikariari buruzko aholkularitza-programak garatzeko. Epe laburrean, Sokalderen asmoa bere teknologien garapenean aurrera egiten jarraitzea da, esate baterako, laser bidezko ebaketa-makina bat instalatuz, lanpostu berriak sortuko dituena, 25 langile izan arte. 2025ean, enpresa beste instalazio batzuetara aldatuko da, produkzio ahalmen bikoitza izateko helburuarekin.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean