RK Informatikak laneko bajak murrizteko Crossfita eskaintzen du
RK Informatika euskal enpresak Gernikan du egoitza eta 15 nazionalitateko bere langileei gimnasioko kuotak ordaintzea erabaki du, laneko errendimendua eta giroa hobetzeko. Emaitzak ikusita, enpresak ordaintzen duen crossfit modalitateak merezi du, langileen autoestimua hobetzeaz gain, eta ondorioz, laneko errendimendua hobetzeaz gain, bajen kopurua asko murriztu baita. Hala aitortu zion berriki Made in Basque Countryri John Pollock enpresako CEOak.
Hortaz, merezi du?
Zalantzarik gabe. Gure langileen ongizatean egindako inbertsioak inpaktu oso positiboa izan du, bai laneko giroan, bai RKko kide bakoitzaren errendimendu indibidualean. Gure langileak motibatuago, umore hobearekin eta energia askoz gehiagorekin ikusten ditugu egunerokoan. Guretzat taldea ondo sentitzea funtsezkoa da eta ekimen honi esker sortu den laneko giroan haien onena eman ahal izan dute guztiek.
Eta errentagarria da enpresarentzat?
Jakina. Inbertsio horrek fruituak eman ditu zentzu askotan. Absentismoa nabarmen murriztu da eta, hortaz, produktibitatea handiagoa da eta laneko giroa dinamikoagoa. Gainera, taldeko konpromisoa eta kohesioa handitu egin dira modu naturalean. Egunerokoan taldea garatzeko eta ondo sentitzeko ingurune bat sortzea ezinbestekoa iruditzen zaigu eta ongizatearen kultura hori sustatzearen onurak ikusten ari gara.
Zer testuingurutan sortu zen erabaki hori?
Esperientzia pertsonaletik sortu zen ideia. Nire bazkideak eta nik CrossFita egiten genuen eta onurak hauteman genituen maila fisikoan, zein energiari, kontzentrazioari eta ongizate orokorrari dagokionez. CrossFita RK Informatikako laneko giroa hobetzeko aukera iruditu zitzaigun eta praktika hori talde osoarekin partekatzea erabaki genuen. Gure langileek osasuna hobetzeko eta kideen artean harreman sendoak sortzeko aukera berbera izan zezaten nahi genuen.
Eta zergatik CrossFita?
Onurak ikusi genituelako dagoeneko, bai fisikoak, bai energiarekin lotutakoak. CrossFita ariketa fisikoa ez ezik, taldeko lana, norbere burua gainditzea eta buruko erresistentzia sustatzen dituen diziplina da, eta gainera, oso moldagarria da; hortaz, pertsona bakoitzak bere erritmoan hartu dezake parte. CrossFit Gernika bulegotik minutu gutxira dagoenez oinez, are errazagoa da taldearentzat bertara joatea. Elkarrekin entrenatzeak lankideen arteko loturak indartu ditu, lanetik harago doan esperientzia bat partekatzen dutelako.
Eta zer maiztasunekin joaten dira langileak gimnasiora?
Enplegatu gehienak astean hiru aldiz joaten dira gutxienez. Argi utzi nahi dut ez dela derrigorrezko jarduera, norberak aukeratzen du. 12, 17 edo eskola mugagabeen planak daude, eta norberak erabakitzen du ondoen doakiona. Hain zuzen ere, kasu askotan enplegatuak 12 eskolako planarekin hasten dira eta hilabete batzuen ondoren handitu egiten dute, energian eta ongizatean dituen onurak ikusita.
Eta laneko ordutegian?
Enplegatu bakoitzak aukeratzen du CrossFitera joateko ondoen doakion ordutegia. Gehienok eguerdian joaten gara, atsedenaldi bat egiteko, apur bat deskonektatzeko eta bulegora energia handiagoarekin itzultzeko modua baita.
Errendimendua hobetzeaz gain, laneko bajak murriztu egin dira. Zenbat, zer neurritan?
Ekimena ezarri genuenetik, laneko bajak nabarmen murriztu dira. Hortaz, horrek berresten digu CrossFitak inpaktu positiboa izan duela gure lantaldearen ongizate orokorrean. Esan dezakegu jarduketa hori modu erregularrean praktikatzeak hobetu egin duela laneko giroa eta gure langileen osasuna, eta, hala, taldea aktiboago eta motibatuago dagoela.
Halako politiketan aurrerapausoak egiten jarraitzeko asmoa duzue modalitate berriekin?
Bai, halako ongizate-politikekin jarraitzeko zabalik gaude. Oraintxe bertan, CrossFit programaz gain, langileentzako terapia psikologikorako zerbitzua ezartzen ari gara eta espero dugu haien osasunean eta ongizate integralean are ekarpen handiagoa egitea. RK Informatika pertsonak motibatuta eta alderdi guztietan baloratuta sentitzeko lekua izan dadin nahi dugu. Programa hori lehen urratsa izan zen soilik eta taldearentzako bizitza aktibo eta osasungarria sustatzeko ekimenak bilatzen jarraituko dugu.
Labur-labur. Zer egiten duzue RK Informatikan?
RK Informatikan enpresentzako eta autonomoentzako digitalizazioan gaude espezializatuta eta La Manzana gisako soluzioak eskaintzen ditugu. Kudeaketarako eta fakturatzeko software erraz eta eskuragarria da. Gremio guztietara egokitu daiteke eta Euskadiko TicketBAI eta Espainiako VeriFactu araudia betetzen ditu La Manzanak. Hala, efizientzia operatiboa hobetzen eta zergak betetzea bermatzen laguntzen diegu gure bezeroei.
Lotutako albisteak
Veiss-ek 20 urte baino gehiago dihardu tokiko enpresa eta erakundeen eraldaketa digitalean laguntzen
Arabako enpresak webgune korporatiboak, mugikorretarako aplikazioak edo online dendak garatzen ditu sektore mota guztietarako.
Lancor, altxatzeko motor elektrikoen fabrikazioan Europako liderra
Abanto-Zierbenako enpresak SPRI Taldearen Gaitasun Digital Profesionalen programako laguntza jaso du eta esportaziorako produktu propioak garatzearen aldeko apustua egiten du.
Rebel Tickets, sarreren birsalmentan iruzurrari eta gehiegizko prezioei aurre egiteko sortutako enpresa bizkaitarra
Gaur egun, beren publikoari baimendutako birsalmenta eskaini nahi dioten jaialdi, kontzertu eta bestelako ekitaldien sustatzaileekin lan egiten du.
Ormazabalek 20 milioi inbertitu ditu Igorreko lantegian bere industria ahalmena handitzeko
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Mercanza: “Bezeroa bere datuen ustiapenean espezializatua bihurtzen dugu”
Enpresak eraldaketa digital tradizionala gaindituz soluzioak eta zerbitzuak eskaintzen ditu, enpresen eraginkortasuna eta produktibitatea bultzatzeko.
EatAmigo, ostalaritzako eskaerak automatizatzeko AA erabiltzen duen tresna
Gipuzkoako enpresak jatetxeekin, ostalaritza kateekin eta elikagai banaketa enpresekin egiten du lan estatu mailan, eta duela gutxi Mexikon lortu du lehen bezeroa.
Zabalgarbik denbora errealeko analisi-tresnekin modernizatu du bere azpiegitura
Besteak beste, biki digitala eta adimen artifizialean oinarritutako teknologiak ezartzeaz gain, lurrun-gainberogailu bat instalatzea du helburu enpresak, energia-eraginkortasuna eta jasangarritasun operatiboa hobetzeko ekimen estrategiko bat.
HIMUGI proiektuak mugikortasunean eta garraioan aplikazioak dituen hidrogeno-propultsio sistema bat lortu nahi du
Euskal erakundeen arteko partaidetza eta lankidetza handia du, eta SPRIren Hazitek programaren laguntza ekonomikoa jaso du.
Diseinua, estrategia eta helburua: horrela egiten du lan Dot.-ek, erakundeei aldaketarantz laguntzen dien kooperatibak
Hainbat bulego ditu gaur egun, eta krisi testuinguru batean jaio zen, sortzaileak hainbat eszenatokitara egokitzera behartu dituena.
MEPRO Medical Reproductive Solutions, gizarte-helburu teknologia: ugalkortasun maskulinoa berritzen
Gure helburua osasun-profesionalei eta bikoteei antzutasunaren erronkei aurre egiteko tresna berritzaile, seguru eta eraginkorrak eskaintzea da