Mikel Jauregi Industriako sailburuak Arteche bisitatu du, mundu mailan elektrizitate-sektorean erreferente bihurtu den euskal familia-enpresa
- Arteche euskal familia-enpresa da eta nazioartean liderra energia elektrikoaren sorkuntzan, garraioan eta banaketan; 13 lantegi ditu munduan zehar eta 175 herrialde baino gehiagotan merkaturatzen du. Kontsumo elektrikoaren % 59 iturri berriztagarrien bidez sortzen du, eta 2022 urtetik % 42 murriztu ditu isurketak.
Mikel Jauregi Industria, Trantsizio Energetiko eta Jasangarritasuneko sailburua Arteche enpresak Mungian duen egoitzan egon da gaur. Bertan egin diote harrera Alex Artetxe presidente eta kontseilari delegatuak, Lander Arteche kontseilariak eta Luis María Pérez zuzendari nagusiak. Sailburuarekin batera, Andoitz Korta Industriako sailburuordea ere egon da.
Arteche familia-enpresa duela 77 urte eratu zen Bilbon, eta sektore elektrikoaren alderdi guztiak barne hartzen du, energia elektrikoaren sorkuntzatik hasi eta garraio eta banaketara arte; sektorean nazioarteko lider bihurtu da. Gaur egun, 175 herrialdetan merkaturatzen du, 13 lantegi ditu Europan, Asian, Amerikan eta Ozeanian, 7 ikerketa-zentro eta mundu osoan 2.800 langile baino gehiago. 2021ean, burtsaratu egin zen, BME Growth-ekin bat eginda, eta salmenten errekor historikoarekin itxi zuen 2023 urtea: 401 milioi euro fakturatu zituen.
Bisitan, Mikel Jauregik bertatik bertara ezagutu du ekoizpen-instalazioa. Han, enpresako arduradunek erakutsi dute nola funtzionatzen duten kapazitiboen zelulak eta produktuaren testatzeak eta monitorizazioak, transformadore-nukleoak lehortzeko labeak eta Mungiako instalazioetako robotikako eta adimen artifizialeko elementuek. Ultra Goi Tentsioko Laborategia ere bisitatu dute.
Mikel Jauregi sailburuak azpimarratu duenez, «Arteche familia-enpresa da Euskadin hasi eta sektoreko munduko lider nola bihur daitekeen erakusten duen adibiderik onenetako bat. 77 urte daramatza energia elektrikoa sortzen, garraiatzen eta banatzen. Enpresa honek sorrerako familia-balioei eusten jarraitzen du, eta, aldi berean, aurrera egin du nazioarteko merkatu lehiakorrean lan egiteko. Artecheren kasuan, etorkizuneko industriaz ari gara: oso industria espezializatua da, I+G+Bn inbertsio handia egiten du, garapen teknologiko ezin hobea du, eta gizarte gisa aurrean ditugun etorkizuneko erronkei erantzuteko ahalmena du. Enpresa estrategiko bati buruz ari gara, eta, horregatik, Eusko Jaurlaritzak Artecheren kapitalaren % 6,4 erosi zuen bere garaian, ez bakarrik enpresa Euskadin errotzen laguntzeko, baizik eta haren hazkundean eta apustu teknologikoan laguntzeko; bidelagun onak gara».
«Gaur, gure industria-sektoreak aurrez aurre dituen funtsezko bi arlotan konprometitutako enpresa bisitatzen ari gara, munduari bide hori egin daitekeela erakusten diona. Alde batetik, deskarbonizazioarekiko konpromisoa, lehen mailako soluzioak eta soluzio jasangarriagoak bilatuz, eta, bestetik, trantsizio energetikoarekiko konpromisoa, autohornikuntzarantz eginez», gaineratu du Jauregik. «Gaur egun, Artechek elektrizitate-kontsumoaren ia % 60 energia berriztagarrien bidez sortzen du, eta 2022tik urtetik % 42 murriztu ditu isurketak. Industria gehiago eta hobeaz eta isurketa gutxiagoz ari garenean, horixe da Euskadik jarraitzea nahi dugun adibidea. Badakigu bidea ez dela erraza. Asmo handiko helburu bat dugu: 2050ean zero emisio garbi lortzea. Industriak deskarbonizaziorantz eta trantsizio energetikorantz egin dezake aurrera, lehiakortasunetik eta garapen teknologikotik abiatuta. Eta hori nola egin erakusten digun adibide argia da Arteche enpresa, lantaldea handituta, mundu mailan hazita eta sektorean erreferente bihurtuta. Euskal industriaren etorkizuneko erronkak lehiakortasunaren palanka bihur ditzakegu, eta gaur egun hori lor daitekeela erakusten digun adibidearen aurrean gaude».
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa