Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
- Mikel Jauregi sailburuak aditzera eman duenez, “Estatu Batuek abiarazitako muga-zergen gerrak eragin duen ziurgabetasunaren aurrean, aeronautikaren eta aeroespazioaren sektorearen eskutik lan egiten jarraituko dugu, industria gehiago, industria hobea eta emisio txikiagoa lortzeko gure apustuan. Sinetsita gaude Europako industria indartu behar dugula”.
Mikel Jauregi Eusko Jaurlaritzako Industria, Trantsizio Energetiko eta Jasangarritasuneko sailburua Aernnova enpresak Berantevillan (Araba) duen lantegian izan da gaur goizean. Enpresaren aldetik sailburuari harrera egin diote Iñaki López Gandásegui presidenteak, Ricardo Chocarro CEOak eta Hipólito Suárez idazkari nagusi eta Administrazio Kontseiluko idazkariak. Horiez gain, topaketan parte hartu du Jaione Ganzarain Teknologiako, Berrikuntzako eta Eraldaketa Digitaleko sailburuordeak.
Bisitan zehar, bertatik bertara ezagutu ahal izan dituzte konpainiaren instalazioak eta ekoizpen-planta. Aernnova aeroegituren eta horien osagaien diseinuan, fabrikazioan, mantentze-lanetan eta zerbitzuetan espezializatutako enpresa liderra da, munduko aireontzi-fabrikatzaile nagusientzako hegalak, enpenajeak, fuselajeak, egonkorgailuak, trenkadak, ateak eta gainazal mugikorrak ekoizten dituena. Enpresak munduko aireontzi-fabrikatzaile nagusien ia azken programa guztietan parte hartzen du: Airbus, Boeing, Embraer, Bombardier, Sikorsky, Bell Helicopters, Pilatus eta Leonardo, besteak beste. Gainera, munduko Tier 1 independente liderra da.
Euskal Autonomia Erkidegoko konpainiak 986 milioi euroko fakturazioa izan zuen 2024an, aurreko urtean baino % 12 gehiago, eta 2025ean 1.000 milioi eurotik gorakoa izatea espero du. Arabako egoitzatik modu globalean hedatu da Erresuma Batuan, Ameriketako Estatu Batuetan, Portugalen, Mexikon, Brasilen eta Errumanian dituen fabrikazio- eta ingeniaritza-zentroen bidez. Zazpi herrialdetan 5.863 langile ditu, eta horietatik 1.400 Euskadin. Horietako 200 baino gehiago Parke Teknologikoko Bizkaia eta Araba campusetan dauden ingeniariak dira. Gainera, Aernnova enpresak berrikuntzaren aldeko apustu handia egiten du, eta I+G arloan % 5,2ko inbertsioa egiten du; horrez gain, konpromiso handia du jasangarritasunarekin, garapen teknologikoarekin eta digitalizazioarekin.
Bisitaren ostean, Mikel Jauregi sailburuak nabarmendu duenez, “bi minutuan behin aireratzen da munduan Euskal Autonomia Erkidegoko teknologiak bultzatutako hegazkin bat. Hori ez da kasualitate hutsa, Aernnova gisako enpresen lanari eta berrikuntzaren aldeko apustuari zor zaio. Enpresa horiek beren onena ematen dute “made in Euskadi” marka munduan zehar heda dadin. Gure industriaren etorkizuneko sektore batez ari gara, sektore aeronautikoaz, pandemiak eragin zuen zuloa gainditzeko eta are gorago hegan egiteko gai izan den sektoreaz. Izatez, hazkunde historikoko zifrak lortu ditu, 3.000 milioiko fakturazioarekin eta 15.000 pertsona enplegatuz —HEGAN klusterraren azken datuen arabera—”.
“Etxe Zuriak abiarazitako merkataritza-gerraren ondorioz, ziurgabetasuna nagusi den une honetan, Eusko Jaurlaritzak segurtasuna eta ziurtasuna eman behar dio gure industriari. Industriarentzako 500 milioiko laguntza-plana jarri dugu martxan, eta Industria Defentsarako Taldean lanean jarraitzen dugu, muga-zerga berriei aurre egitera begira. Gainera, beste Industria Plan bat garatzen ari gara, Europako Batzordearen Clean Industrial Deal itunaren ildotik. Hori dela eta, aeronautikaren eta aeroespazioaren sektorearen eskutik lan egiten jarraituko dugu, industria gehiago, industria hobea eta emisio txikiagoa lortzeko gure apustuan. Sinetsita gaude Euskadiko eta Europako industria indartu behar dugula. Hain zuzen, Aernnova da Europa gehiagoren aldeko apustu horren adibidea, modu aktiboan lan egiten baitu datozen urteetan hazkunde handia izango duen belaunaldi berriko Europako hegazkin efizienteagoetan parte hartzeko, hala nola Airbus A350 eta A220 hegazkinetan”, adierazi du Jauregik.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da