Ibilkom ibilgailuak konpontzetik mugikortasun urriko pertsonentzat egokitzera igaro da
Ibilkom duela 40 urte baino gehiago jaio zen Hernanin (Gipuzkoa) Autotalleres Santa Barbara izenarekin, ibilgailuak konpontzen eta salerosten zituen familia enpresa. Merkatuan zegoen hutsune baten ondorioz, ordea, enpresa ibilgailuak konpontzetik horiek egokitzera pasa zen, eta, horrela, gaur egun Ibilkom izenez ezagutzen den konpainia bihurtu zen. Orain, Astigarragatik, “edozein ibilgailu erabiltzailearen beharretara egokitzen du”, esan du Ibilkomeko David Sampronek.
Gehien nabarmentzen den negozio-arloetako bat mugikortasun urriko pertsonentzako ibilgailuen egokitzapena da. “Gaur egun merkatuan dagoen edozein elementu instalatzen dugu pertsona horien mugikortasuna errazteko, bai gidatzeko bai eta garraiatzeko garaian”, azaldu du Sampronek. “Adibidez, gidatzeari dagokionez, azeleragailuak eta balaztak jartzen ditugu bolantearen eremuan, beheko gorputz-adarretan funtzionaltasun osoa edo partziala ez duten gidariek gidatu ahal izan dezaten; edo, goiko gorputz-adarren batean funtzionaltasunik ez duten, edo malformaziorik eta abar duten pertsonentzat, bolanteari eustea errazten duten heldulekuak eta aginteak jartzen ditugu, baita funtzio anitzeko sateliteak ere aginte laguntzaile nagusien kudeaketa ahalbidetzeko, hala nola, argiak edo norabide-adierazleak”, zehazten du.
Gidatzeko konponbideekin batera, garraiorako irtenbideak ere ematen ditu enpresak. “Urte guzti hauetako esperientziak erabiltzaileari hobekien egokituko zaion irtenbidea txertatzeko gaitasuna eman digu. Horrela, ibilgailura sartzeko ateak automatizatzen ditugu, arrapalak eta plataforma elektrikoak instalatzen ditugu, erabiltzaileei sarbidea errazteko eserlekuak ibilgailutik kanpo geratzeko moduan egokitzen ditugu, eta beste aldaketa asko egiten ditugu”, nabarmendu du Sampronek.
Baina hori ez da Ibilkomek bere baitan hartzen duen eremu bakarra, aisialdirako ibilgailuak ere kanperizatzen baititu. “Familia, pertsona edo bikote bakoitzak akabera eta erosotasun desberdinak bilatzen ditu mota horretako ibilgailu batean. Gu arduratzen gara hobekien egokitzen diren konponbideak aholkatu eta proposatzeaz, hala nola, sabai goragarriak, barne-altzariak, instalazio elektrikoa eta ur-instalazioa, oheak, berogailua, etab. “, azpimarratu du.
Era berean, bere azken apustuetako bat tailerreko ibilgailuen diseinua da. “Sektore eta enpresa batzuetan merkataritza-ibilgailua lantoki bihurtzen da. Beste edozein lan-ingurunetan bezala, honetan ere garbitasunak, ordenak eta diseinu eraginkorrak produktibitatea handitzen dute eta beharrezkoak ez diren arriskuak murrizten dituzte”, azpimarratu du Sampronek. Beraz, Ibilkomek furgoneta tamaina desberdinetara egokitutako altzari modularrak instalatzen ditu, handienetatik txikienetara. “Aluminio tolestuarekin egindako moduluak dira, material arina eta erresistentea, eta espazioa arriskurik gabe txukun mantentzeko aukera ematen dute. Apustu honekin emaitza positiboak lortzea eta betiko hurbiltasuna eta kalitatea eskaintzen jarraitzea espero dugu, gure bezero bakoitzaren beharretara egokituz “, amaitu du.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean