Energia Klusterrak modu telematikoan egin du 2020ko urteko Batzarra, sektorearen egoera eta susperraldirako abiarazi diren neurriak aztertzeko
Euskadiko Energiaren Kluster Elkarteak (EKE) modu telematikoan egin zuen atzo, irailak 29, 2020ko Batzar Nagusia, IDOMen Bilboko egoitzatik gauzatutako “streaming” bidezko emanaldi baten bidez, Zuzendaritza Batzordeak aldez aurretik egindako bileraren ondoren.
Luis Rodríguez Llopis Presidenteak bertaratutakoei ongietorria egin eta hitza eman zion Eusko Jaurlaritzako Industriako sailburuorde Javier Zarraonandiari, Batzarraren irekiera instituzionala egin zezan. Sailburuordeak gogora ekarri zituen, COVID-19ren krisiaren ondorioz Eusko Jaurlaritzak 2020rako landu dituen aurreikuspen ekonomiko negatiboak, eta garrantzitsutzat jo zuen I+Gan inbertitzea, baita inbertsio eraldatzaileak eta nazioartekotzearen aldeko apustua egitea ere, 2021etik aurrera espero den susperraldi ekonomikoari aurre egin ahal izateko. Horrekin batera, eskerrak eman zizkion Energia Klusterrari ildo horretan egin duen ahaleginagatik, eta Lantaldeen jarduera indartzera eta sektorekako ibilbide-orriak sustatzera animatu zuen.
José Ignacio Hormaeche Energia Klusterreko Zuzendari Nagusiak COVID-19aren krisiak sektorean izandako eraginari buruzko ebaluazioa aurkeztu zien bertaratutakoei, maiatzetik uztailera bitartean elkartekideekin egindako zuzeneko harremanen kanpainan jaso den informazioan oinarrituta. Haren hitzetan, 2020ko fakturazioaren batez besteko beherakada % 15 ingurukoa izango da bazkidetutako enpresen artean, baina ez da horren jaitsiera gogorrik aurreikusi enpleguan (% 5etik beherakoa) edo I+G arloko inbertsioan (% 5-10ekoa). Elektrizitate-Sareen nahiz Energia Eolikoaren arloetako balio-kateetako enpresetan, inpaktu txikiagoak espero dituzte 2020an, eta kaltetuenak “Oil & Gas” eta Eguzki Energia Fotovoltaikokoak izango dira (nagusiki, “Autokontsumoaren” segmentukoak).
Enpresek % 5 inguruko susperraldia aurreikusi dute 2021eko jardueran, eta are aurreikuspen hobeak dituzte Elektrizitate-Sareetako, sektore eolikoko, “utily scale” eguzki-energia fotovoltaikoko zein mugikortasun elektrikoko osagai eta sistemen segmentuei dagokienez. Ildo horretan, Hormaechek berariaz nabarmendu zuen hainbat eragile publiko zein pribatu trantsizio energetikoaren arloko inbertsioak sustatzeko egiten ari diren eskaera, eredu deskarbonizatuago eta iraunkorrago baten mesedetan (kontsumoen elektrifikazioan eta energia berriztagarrien erabileran oinarritua), maila globaleko susperraldi ekonomikoaren eragileetako bat izan dadin.
Jarraian, EKEk enpresei laguntzeko egin dituen kudeaketak zehaztu eta xehetasun osoz azaldu zituen Klusterra 2020an sektorearen susperraldia bizkortzeko bultzatzen ari den jarduerarik garrantzitsuenak: zaintza estrategikoa, bezero eta merkatuekiko harremanak web-mintegien bitartez, I+G arloko ekimenak eta negozio-eredu berriak definitzeko Lantaldeak eta Europako proiektuetan parte hartzea.
Hizlari gonbidatua Rafael Domenech izan zen, BBVA Research-eko Analisi Ekonomikoaren arloko Burua eta Valentziako Unibertsitateko Ekonomiako Katedraduna. “Ekonomia, ingurumen-iraunkortasuna eta trantsizio energetikoa” izenburupean egin zuen aurkezpen interesgarrian, Domenechek berotegi-efektuko gasen metaketak kliman zein ekonomian eragin ditzakeen arrisku larriei buruz hitz egin eta maila globalean koordinatutako politika publikoak hartzeko aukera proposatu zuen, karbonoaren gaineko zerga global uniformea aplikatzeko aukerari arreta berezia emanez. Berrikuntzaren funtsezko garrantzia nabarmendu zuen klima-aldaketaren aurkako borrokan aurrera egiteko eta egungo testuingurua aldekotzat jo zuen interes-tasa txikiengatik eta pandemiaren ondoren jasangarritasuna sustatzeko bideratuko diren berreraikuntza-funtsengatik.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.