EMA Ergonomiak lan-inguruneetan kargak manipulatzeko irtenbideak eskaintzen ditu
Industria askok kargak modu seguru eta eraginkorrean mugitu, altxatu edo manipulatu behar dituzte. EMA Ergonomía enpresak lanpostuen funtzionaltasuna hobetzeko helburuarekin lan egiten du, langileek haien zereginak modu fidagarriagoan, erosoagoan eta efikazagoan egin ditzaten ahalbidetuz.
Enpresa Elgoibarren sortu zen 2007an, Saiolan enpresa-inkubagailuaren barruan. Proiektu berritzaileen garapena sustatzeko diseinatutako gune horrek “funtsezko zeregina bete zuen, industria-kooperatiba desberdinetako arduradunekin loturak erraztu baitzizkigun, eta horietako asko aliatu estrategiko bihurtu ziren”, azaldu du Iñigo Izagirre EMA Ergonomiako gerenteak. Hainbat negozio-ildo aztertu ondoren, lan-inguruneetan kargak manipulatzearekin lotutako arazoei irtenbideak eskaintzea erabaki zuen.
Sortu zenetik etengabeko hazkundea izan du, bai egiturari dagokionez, bai alderdi teknikoei dagokienez. Oinarrizko jasotze-tresnak diseinatzen hasi zen, hala nola manipulaziorako kakoak, eta, denborarekin, gero eta tresna sofistikatuagoak garatu ditu, zeregin espezifikoetara eta industria-ingurune konplexuetara egokituak. “Gure makineriak produktibitatea handitzeaz gain, laneko lesioak eta bajak izateko arriskua ere nabarmen murrizten du. Horrela, gure bezeroen langileen ongizatean eta lan-osasunean laguntzen dugu”, azpimarratu du Iñigo Izagirrek.
Industria- eta ekoizpen-sektore ugarirekin lan egiten du, gehienbat: automobilgintza, aeronautika, medikua, elikadura, nekazaritza, siderurgia eta papergintza. “Zamak manipulatzea erronka ohikoa den lekuetan”, dio kudeatzaileak. ITP Aero, ULMA, DIKAR edo Michelin Gasteiz dira “gure hazkundea babestu eta gure irtenbideen kalitatea baliozkotu duten enpresen adibide batzuk”.
Epe laburrera, EMA Ergonomia gaur egungo bezeroekiko harremana sendotzean zentratzen da, haien behar espezifikoetara egokitzen diren produktuen eta soluzioen gama gero eta zabalagoa eskainiz. “Helburua hazkunde organikoarekin jarraitzea da, elkarrekiko konfiantzan eta bezeroaren gogobetetasunean oinarrituta”, adierazi du Iñigo Izagirrek. Horrela, ergonomia industrialaren sektorean erreferente gisa sendotu nahi du bere burua. “Merkatu berrietan dugun presentzia zabaldu nahi dugu, eta teknologia aurreratuagoak garatu, sortzen ari diren joerei eta erronka globalei erantzuteko”.
Elgoibarko enpresa tresnak garatzeko eta pertsonalizatzeko proiektuetan murgilduta dago beti, merkatuaren eta bezeroen eskaera gero eta handiagoei aurre egiteko. “Ikuspegi proaktibo eta malgu horrek bermatzen du EMA Ergonomiak irtenbide berritzaile eta eraginkorrak eskaintzen jarraitzea”, ondorioztatu du gerenteak.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
SPRI Taldeak aukera ematen die euskal enpresei haien jardueraren berri emateko bere informazio-kanaletan. Zure proiektua gure gaiekin lotuta badago (I+G+b, digitalizazioa, internazionalizazioa, ekintzailetza, berrikuntza…), Zutaz mintzo gara ekimenean parte har dezakezu.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Sei euskal ikerketa-erakundek bat egin dute ITTHACAn zahartze osasuntsua sustatzeko
Elkartek programak finantzatutako proiektu honek biomarkatzaileak, iragarpen-ereduak eta osasunaren zuzeneko monitorizazioa erabiltzen ditu.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Haizelur, nazioartekotzearen aldeko apustua egiten duen doitasun-mekanizazioaren arloko Debako ETEa
Enpresaren esportazioek SPRI Taldearen zibersegurtasuneko programaren dirulaguntza jaso dute eta negozioaren % 35era iritsi dira dagoeneko
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua