CTT Automociónek 4×4 Ineos Grenadier berriaren txasiserako piezak fabrikatuko ditu
Volkswagen, Renault, Ford, Mercedes edo Stellantis marketako piezen eta ibilgailuen eserlekuek CTT Automoción enpresa bizkaitarraren sinadura daramate. Euskal konpainiak bi hamarkada baino gehiago daramatza metalezko piezak fabrikatzen, metalezko hodiak edo zumitzak oinarri hartuta, batez ere automobilgintza sektorerako.
Gaur egun, euskal enpresak ibilgailu pieza ezberdinak fabrikatzen ditu. “Batez ere ‘Cros Car Beam’ (aurreko panelak) eta eserlekuetarako piezen fabrikazioan espezializatuta gaude. Gure produktua dibertsifikatzeko estrategiaren barruan, berrikuntza gisa, aurten proiektu batekin hasiko gara, eta gure bezeroak mihiztatuko dituen txasis-piezak fabrikatuko ditugu. Horretarako, teknologia berria erabili behar izan dugu”, Rubén Íñiguez gerenteak aurreratu duenez.
Eta lehen piezak 4×4 Ineos Grenadier berriaren txasiserako izango dira, Gestamp bere bezeroak Alemaniako lantegietako batean mihiztatuko duena. Proiektua gauzatzeko, CTT Automoción teknologia berria erabiltzen ari da, “beste motako hodi konformatuen sektore batean sartzea ahalbidetuko diguna, orain arte landu ez dugun arloa”, enpresaren arduradunak ziurtatu duenez.
Bezeroarekin batera produkzio-prozesuan zehar
Enpresa bizkaitarrak Tier-2ko papera du hornidura-katean, eta Benteler, Gestamp, Kirchhoff edo Lear bezalako Europako Tier-1 nagusiak ditu bezero bezala. “Altzairuzko eta zumitzezko hodiak eraldatzen espezializatuta gaude, gure bezeroek beren produktuetan integratzen dituzten piezak fabrikatzeko. Horretarako, hainbat teknologia erabiltzen ditugu, pieza bakoitzaren diseinuaren arabera aplikatzen ditugunak”, laburbildu du Íñiguez Uribarrenek.
CTT Automociónek bezeroei erabateko laguntza eta aholkularitza ematen die prozesu osoan zehar, produktuaren diseinutik hasita eta piezaren entregan bukatuta. Horretarako, hainbat teknologia erabiltzen ditu: kurbatzeko makinak, 2D hodiko laserra, 3D hodiko laserra, 5 ardatz, prentsak edo enpresak garatutako lan-zelulak. “Gure indargunea dira, makina automatiko eta robotizatuetan integratzen diren tresnak garatzen esperientzia handia dugu, serie handiak egiteko erabiltzen direnak”, azpimarratu du Rubén Íñiguezek.
Zaldibarko enpresak bere produktuak eta merkatuak dibertsifikatzea du helburu, esportazioa areagotzeko. “Gaur egun, gure jardueraren % 75 Estatuko merkatuan zentratzen da, eta % 25 AEB, Frantzia, Portugal, Alemania, Eslovakia edo Txekiar Errepublikako esportazioetan. Etorkizunari begira, esportazioa % 45eraino handitzea espero dugu”, gerenteak aurreratu duenez.
Eta bere helburuen artean urteroko fakturazioa handitzea dago. Orain 5,3 milioi euro ingurukoa, 3 urtetan % 20ko igoera espero du enpresak. Gainera, 28 langilez osatutako egungo plantilla handitzea ere espero da, 32 langile izatera iritsi arte epe berean.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa