Basque Green Deal, bidezko garapen jasangarrirako euskal eredua
Euskadik bat egin du gaur Europako Itun Berdearekin, eta bere ibilbide-orria proposatu du etorkizun iraunkorragoa lortzeko, krisiari irtenbidea emanez, inor atzean utzi gabe. Aurkezpen-ekitaldian parte hartu dute Iñigo Urkullu Lehendakariak, Ekonomiaren Garapen, Jasangarritasun eta Ingurumeneko sailburu Arantxa Tapiak, Europako Batzordeko Klima Zuzendaritza Nagusiko zuzendari ondoko Clara de la Torrek eta, gainera, Klima Aldaketari eta Trantsizio Energetikoari buruzko Prospekzio Soziologikoen Kabineteak egindako inkestaren datuak aurkeztu dira.
Basque Green Deal izenekoak emisioak murrizteko eta energia berriztagarria sortzeko helburuak jasotzen ditu, baina ez da esparru horietara mugatzen, eredu ekonomiko gisa sortu baita, industria eta teknologia baitira palanka nagusiak; beraz, zientzia, teknologia, ekonomia zirkularra, industria, trantsizio energetikoa edo elikaduraren katea bera helburu berarekin lerrokatzen dira, bidezko garapen jasangarriarekin, alegia.
Etorkizuneko lehiakortasun-eredu horrek arau-testuinguru berri bat eskatuko du, eta, horretarako, Eusko Jaurlaritza dagoeneko lanean ari da Trantsizio Energetikoaren eta Klima Aldaketaren Lege berri batean, Europako zuzentarau eta adierazleekin lerrokatuta. Legea da isurketak murrizteko eta energia berriztagarria sortzeko helburuetan aurrera egitea ahalbidetuko duen tresna, eta neutraltasun teknologikoaren printzipioan oinarrituta egongo da.
Hauek dira lan-ildoak, Europako Itun Berdearen printzipio nagusiekin lerrokatuta:
- Energia berriztagarrien aldeko apustua:
- Ekiola, energia fotovoltaikorako kooperatibak sortzea
- Energia berriztagarrien Lurralde Plan Sektoriala
- Parke eoliko berriak
- Gauzatu energia programa, Euskadiko udalerrietan energia garbien inbersioak finkatzeko
- Industria jasangarria
- Ekonomia Zirkularreko Hub-a de
- Basque Ecodesign Centre
- Karbono-aztarna murrizteko tresna
- Mugikortasun jasangarria
- Hidrogenoaren Euskal Estrategiae
- Energy Intelligence Center
- Gigafactoria Basquevolt
- Mubil, elektromugikortasun zentria
- Renove plana
- Biodibertsitatea babestea eta kutsadura murriztea
- Natura Ondareari buruzko legea
- Uraren, lurzoruaren eta airearen ingurumen-adierazleak hobetzea
- 2030erako saneamendu-sistemaren %100 eguneratzen egotea
- Elikadura “landa eremutik mahaira”
- Nekazaritza ekologikoari eta Km0 produktuari laguntzeko programak
- Elikagai-xahutzearen aurkako ekimena
- Landaren eta itsasertzaren garapenari laguntzea
- Belaunaldi-txanda lehen sektorean
Ekimen horiek guztiak aurrera eramateko, erakundeen arteko lankidetza funtsezkoa izango da, baita eragile pribatuen laguntza ere; horregatik, hainbat hitzordu zehaztu dira datozen hilabeteetarako. Erakunde eta enpresa mailako topaketak, eragile bakoitzaren konpromisoa berretsiko dutenak:
- Alkateen Ituna, maiatzaren 19an
- Udalsarea 2030, Jasangarritasunerako Euskal Udalerrien Sarea konpromisoa berritzea
- Basque Ecodesing Centre eta Karbono-aztarna murrizteko metodologia, maiatzak 26
- Ekiola, Ekian edo Ekienea energia-programak garatzea
Halaber, sustapen-, sentsibilizazio- eta dibulgazio-ekintzak landuko dira:
Bioterra azoka, Ficoba
- Jarduerak Europako Green Week-en
- EHUko udako ikastaroetan 20 jarduera baino gehiago antolatzea eta laguntzea
Ekimen horiek guztiak mugarri garrantzitsuak izango dira Klima Aldaketari buruzko Nazio Batuen Konferentziaren 26. edizioan Euskadi Glasgowko COPera eramango duen ibilbidean.
Lotutako albisteak
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
Eusko Jaurlaritzak deskarbonizazio industriala bultzatuko du, pizgarri eta laguntzen bidez, eta hidrogeno berdearen hidroduktu bat egingo du Aiaraldea eskualderako
Imanol Pradales Lehendakariak Laudioko Vidrala enpresaren instalazio berriak bisitatu ditu gaur, eta bertan labe berria inauguratu du
Euskadiko industria normaltasunez ari da, joan den asteleheneko itzalaldi orokorraren ostean
“Gure industria-sektorearen lana aitortu nahi dugu", aditzera eman du Mikel Jauregi, Eusko Jaurlaritzako Industria, Trantsizio Energetiko eta Jasangarritasuneko sailburua
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.