Babyautok txakurrentzako segurtasun-arnes aitzindari bat merkaturatu du
Automobil modernoetako segurtasun pasiboko elementuek eboluzionatzen duten bezala, haurrentzako aulkiek ere etengabeko garapena izaten jarraitzen dute. Babyautok, haurrentzako kotxe-aulkiak diseinatu eta egiten dituen Donostiako enpresak, ondo daki hori, bere langileen % 30 ikerketa- eta I+G prozesuetan aritzen baita.
Duela bi urte, Baby Recycle kanpainari ekin zioten zabortegietan baztertutako haur-aulkitxo ugariei irtenbidea emateko amsoarekin, eta horren ondorioz Travel Fix txakurrentzako segurtasun-arnes berritzailearen garapena jaio zen. “Hasi genuen ikerketan konturatu ginen bizitza erabilgarria betetzean baztertutako aulkietako material batzuek, arnesek esaterako, propietate mekaniko bikainak dituztela, izan ere 1.000 kilogramotik gorako tentsioak jasaten ditzakete”, azaldu du Ibon Maza Babyauto Groupeko komunikazio-zuzendariak.
Gaur egun, mota horretako zintak motxiletarako heldulekuen eta poltsen bidez berreskuratzen dira, baina Babyautok aukera berri bat aztertzea erabaki zuen. Mazak azpimarratu du “txakurrak autoetan garraiatzeko gabeziak handiak direla. Ez dago araudi espezifikorik, eta gaur egun dauden arnesekin, talkaizanez gero, txakurrak proiektatuta ateratzen dira, atxikipen-puntu bakar batek lotzen baititu: segurtasun-uhalak”.
Horrela, bada, hondakinen arazoa maskoten garraio segururako irtenbiderik ezarekin lotu zuten, eta horren emaitza izan zen Travel Fix txakurrentzako arnesa. “Kontzeptu berri bat jarri genuen mahai gainean: egungo autoak dituzten Isofix eta Top Tether ainguraketak erabiltzea, eta haur-aulkitxoen araudiaren baldintza teknikoak aplikatzea. Horrela, Motorlandeko Inpaktu Laborategian (Alcañiz, Teruel) entseguak egin ondoren, maskotak atzeko geletatik eraginkortasunez atxikitzen dituen arnes bat lortu genuen”, azaldu du komunikazio-zuzendariak.
Orain, Babyauto Pets dibisio berriarekin, maskotentzako produktuak merkaturatzen hasiko da Gabonetako hurrengo kanpainatik aurrera, S (10 kg arte) eta M (20 kg arte) neurrietan. “Albaitari eta hazle askok zoriondu gaituzte dispositibo honengatik, eta ilusioz gainezka gaude bide berri honekin”, ondorioztatu du Mazak.
Trafikoaren segurtasunerako teknologia irekia
Gipuzkoako enpresak Motorlandeko Inpaktu Laborategian (Alcañiz, Teruel) egiten ditu saiakuntza eta proba guztiak, Zaragozako Unibertsitateko ikertzaileekin batera. “Bertan, ekoizpenaren adostasun-saiakuntzak zein I+Gkoak egiten ditugu dezelerazio pultsuekin eta abiadurarekin. Saiakuntza hauek araudi-betekizunak gainditzen dituzte”, Mazak azaltzen duenez. Baina ez hori bakarrik, bere saiakuntza fisikoei simulazio birtualeko probak gehitu dizkie konputazioko klusterren bidez ECE R129 (i-Size) araudi berriaren ereduak garatzeko. Araudi hori Europako araudi bakarra izango da 2024tik aurrera.
Ildo horretan, Project Virtualean ere parte hartzen du. Horizon 2020k finantzatutako proiektua da, errepideko erabiltzaileen segurtasuna hobetzea helburu duena, segurtasun-sistema berriak ebaluatzeko software libreko kode irekiko giza gorputzaren elementu finituen ereduak (Viva+) eta tresnak eskainiz. “Virtual proiektuaren helburua kode irekiko proba birtualen protokoloak ezartzea da, erabiltzaileen segurtasuna eta bide-segurtasuna oro har hobetzeko”, azpimarratu du Mazak. Bertan, nazioarteko hainbat unibertsitatek eta mundu osoko enpresek parte hartzen dute, hala nola Toyotak, VTI edo Euro NCAPek.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
Horizon Europe 2025: 7.300 milioi euro enpresa berrikuntza bultzatzeko Europan
SPRI-ren eskutik, EEN sarearen euskal nodoaren koordinatzaileak garen aldetik, euskal enpresei Horizon Europe programan parte hartzen laguntzen diegu. Enterprise Europe Network (EEN) Europako sare bat da, ETEen hazkundea eta nazioartekotzea bultzatzen duena
Eusko Jaurlaritzak 13,65 milioi euro bideratuko ditu enpresen berrikuntzara
SPRI Taldeak maiatzean zabalduko ditu Fast Track Innobideak, Hazinnova eta BDIH Konexio programak
Mikel Jauregi Industriako sailburuak Aernnova enpresa bisitatu du, soluzio aeronautiko aurreratuetan liderra
Aernnova enpresak Araban du egoitza, eta lider espezializatua da aeroegituren eta horien osagaien diseinuan, fabrikazioan, mantentze-lanetan eta zerbitzuetan. Ia 6.000 langile ditu 7 herrialdetan, eta 2025ean 1.000 milioitik gorako fakturazioa izatea espero du.
ETEentzako produktuen eta prozesuen berrikuntza babesten dugu Hazinnovarekin
Hazinnova euskal ETE-ei doako aholkularitza eskaintzen dien programa da, produktu eta prozesuetan berrikuntza-mikroproiektuak bultza ditzaten. Eska ezazu 2025eko maitzaren 6tik urriaren 29ra.
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa