AirControlek zilindro hidrauliko sendoagoak eta lehiakorragoak fabrikatzeko lerro berri bat garatu du
Aircontrol enpresa gipuzkoarrak HR, HT eta HV serieko zilindro hidraulikoen linea berriaren merkaturatzea bukatuko du 2022ko hirugarren hiruhilekoan, sendoagoak eta lehiakorragoak izango direnak. Zilindro horiek bere Donostiako instalazioetan fabrikatuko dira. Izan ere, euskal enpresak hilabetez egon da lanean serie horien osagai guztien stocken inguruan, merkatuan entrega-epe lehiakorrak eskaintzeko.
Prozesu horren bidez euskal enpresak une garrantzitsu berri bat markatu du bere ibilbidean. Duela 60 urtetik, Aircontrolek zilindroak diseinatu, fabrikatu eta hornitzen ditu, pneumatikoak zein hidraulikoak, bai eta kontrol pneumatikoko panel eta armairuak eta makineria automatizatzeko beste elementu batzuk ere.
Bere jarduera bi esparrutan banatzen da. “Alde batetik, zilindro pneumatikoak, kontrol pneumatikoko panelak eta zilindro hidraulikoak fabrikatzen ditugu”, adierazi du Eduardo Anitua Aircontroleko zuzendari kudeatzaileak. Eta, bestetik, lehen lerroko produktu osagarrien banaketa ofiziala, hala nola, “Ross Controls markako balbula pneumatikoak eta iragazteko elementuak, ACE Controls enpresaren motelgailu industrialak, Globe Airmotors motor pneumatikoak, huts-ponpak eta NItto Kohkiren aire-konpresoreak edo Schmitt Pumpen enpresaren likido arriskutsu edo korrosiboetarako ponpa zentrifugoak”, zehaztu du.
Bezeroaren beharretara egokitzea
Enpresaren produktu nagusia zilindroak dira, bai pneumatikoak, bai hidraulikoak, neurrira eginak. Bere sail teknikoaren bidez, bezeroei zilindro guztiz pertsonalizatua eskaintzeko aukera du enpresak, diseinuaz eta aholkularitzaz arduratzen baita. “Malguak gara eta bezeroen eskaeretara ahalik eta gehien egokitu gaitezke. Serieak fabrikatzeko edo unitate bakar bat diseinatzeko eta fabrikatzeko gai gara, bezeroaren berariazko beharren arabera”, Eduardo Anituak adierazi duenez.
Bere zilindroek hainbat erabilera eskaintzen dituzte, hala nola uhateak ireki eta ixtea, bobinagailuen tenkagailuak, mugimenduen geldialdi segurua, paletizadore automatikoetarako segurtasun-sistemak edo arbela moztea, besteak beste. Beti bezeroek duten arazoak konpontzeko helburuarekin. “Esate baterako, duela urte batzuk egin genuen aplikazio bitxi bat zinema-industriarako izan zen. Efektu berezietan espezializatutako enpresa batekin lan egin genuen. Pedro Almodovarren ‘Los amantes pasajeros’ filmerako hegazkin baten hegaldia eta zurrunbiloak simulatzeko plataforma bat diseinatu eta fabrikatu zuen”, zuzendari gerenteak gogorarazi duenez.
Bere produktuak sektore askotan presente daude, hala nola industria siderurgikoan, farmazeutikoan, automobilgintzan, papergintzan, kimikan, makina-erremintan edo energia berriztagarrietan, bai eolikoan, bai eguzki-energian. “Besteak beste, Arcelormittal, Celsa Taldea, Bosch, Acerinox, Ulma Taldea, Vidrala, Sarralle Taldea, Michelin, Siemens eta Concast bezalako nazioarteko enpresa handiekin lan egiten dugu”, azaldu du.
Gaur egun, fakturazioaren % 80 merkatu nazionalean oinarritzen da, “nahiz eta azken urteotan esportazioaren alde egin dugun, batez ere Europako herrialdeetan”, Eduardo Anituak zehaztu duenez.
Berrikuntzaren eta produktuen eta zerbitzuen hobekuntzaren aldeko apustuarekin jarraitzea du helburu enpresak, pneumatikaren eta hidraulikaren merkatuan erreferente gisa finkatzeko. Epe laburra-ertainean plantilla handitzea espero du, gaur egun 18 pertsonaz osatuta dagoena, bi pertsona gehituz. Eta epe ertainean “5 milioi euroko fakturazioa lortu nahi dugu”, zuzendari gerentearen arabera.
Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova, BDHI Konexio edo Innobideak bezalako berrikuntzarako programak eta laguntzak ditu.
Lotutako albisteak
ESGI 188 (European Study Group with Industry) Bilbon izango da 2025eko maiatzaren 26tik 30era
Enpresek problema matematikoak aurkezten dituzte azterketa-taldeak konpon ditzan, askotan modelizazio edo optimizazio moduan.
Kontsulta irekia: Spri Taldearen laneko prebentzio-zerbitzuak definitzeko zure aukera
Sprik merkatuko aurretiazko kontsulta jarri du abian, lan-arriskuen prebentzioaren eta osasunaren zaintzaren sektorearen benetako beharretara egokitutako lizitazioa diseinatzeko. Horren bidez, operadore ekonomikoen ekarpenak bildu nahi dira, kontratazio-prozesu lehiakor, garden eta merkatuko jardunbide egokienekin lerrokatua egituratzeko.
Sustatu berrikuntza-proiektuak zure enpresan Fast Track Innobideak ekimenarekin
Fast Track Innobideak Euskadiko enpresa berritzaileen kopurua handitzeko eta sustatzeko sortu zen. Merkatuan ondasun edo zerbitzu berriak sartu dituzten edo enpresan negozio-prozesuak hobetzen dituzten berrikuntza-jarduerak babesten ditu, enpresa lehiakorrago bihurtzeko.
NudgeXperience Bilbon: CX eta Portaera Zientzien ekitaldia
Zuzendariei eta gerenteei, Cx-eko arduradunei eta berrikuntza eta marketineko profesionalei zuzendua
Innobideak Prestakuntza prestatu zure lantaldea balioan lehiatzeko eta ez prezioan
Euskadiko ETEen % 60k berrikuntzaren alde egiten du, baina gehienek kostua murrizteko edo kalitatea hobetzeko egiten dute eta ez dute benetako abantaila lehiakorra sortzen merkatuan. Alabaina, berrikuntza ez da etorkizunean mantentzeko tresna soila, etorkizunean liderra izateko estrategia baizik. Horretarako, gakoa teknologia ez ezik, pertsonak, estrategia eta egokitzeko gaitasuna ere badira.
Imanol Rego, Innobasque Berrikuntzaren Euskal Agentziako presidente berria
Manuel Salaverriaren lekukoa hartu du. Salaverriak euskal ekosistema publiko pribatuaren balioa sustatzen jakin du, Euskadi garatzeko bide estrategiko gisa
UNIREn bigarren edizioak 80 enpresa baino gehiago bildu ditu FICOBAn
Soldaduran eta beste lotura-teknologietan espezializatutako Estatuko azoka bakarra da
Euskadik Europan herrialde berritzaile gisa duen ahala finkatu du, enpresa txiki eta ertainen ahaleginari esker
Topaketak lurraldeko eta sektoreko berrikuntzaren 30 eragile eta Euskadiko 70 enpresa txiki eta ertain baino gehiago bildu ditu; eragile eta enpresa horiek 2023an berrikuntza-proiektu bat garatu dute HAZINNOVAren bidez, SPRIk eta Innobasque, Berrikuntzaren Euskal Agentziak kudeatutako Eusko Jaurlaritzaren programaren bidez
Soldaduraren balio-kateari buruzko azokaren, UNIREren, bigarren edizioa egingo dute Ficoban
Sektore horrek Estatu osoan egiten duen kongresu bakarra martxoaren 18 eta 19an izango da
Diker, osasungintzaren sektorerako injekzio bidezko plastikoetan Euskadi mailako erreferente bihurtu nahi duen ETEa
Oiartzungo enpresa, gaur egun, batez ere automobilgintzaren eta elektronikaren sektorearentzat ari da lanean