Berrikuntza Ekintzailetza Eraldaketa digitala
Albisteak 6 abuztua, 2018

“Basque Industry 4.0. The Meeting Point” azaroaren 26an, Bilboko Euskalduna Jauregian

“Basque Industry 4.0” Ekonomi Garapen eta Lehiakortasun Sailak SPRI Taldearen bitartez antolatzen duen ekitaldi bat da, eta 4. iraultza industrialean funtsezkoak diren enpresa, kluster, teknologia-zentro eta unibertsitateen eskutik garatzen da.
-

 

Euskadin 4.0 Industriaren arloan erreferentziazkoa den ekitaldi horrek bere 5. edizioa beteko du.

 

“Basque Industry 4.0” Ekonomi Garapen eta Lehiakortasun Sailak SPRI Taldearen bitartez antolatzen duen ekitaldi bat da, eta 4. iraultza industrialean funtsezkoak diren enpresa, kluster, teknologia-zentro eta unibertsitateen eskutik garatzen da.

 

Kongresuan osoko bilkurak eta aldibereko saioak egingo dira, erakusketa-gune zabal bat egongo da 4.0 teknologiak eskaintzen dituzten enpresentzat, beste gune bat tailerrentzat, 4.0 industriarako konponbideen “gamifikazioarekin” esperimentatzeko txoko bat eta gune berezi bat Bind 4.0 startup-azeleragailuarentzat.

 

Izena emateko epea zabalik dago https://eventos.spri.eus/basque-industry-the-meeting-point-2018/ webgunean

 

Bilboko Euskalduna Jauregiak “Basque Industry 4.0. The Meeting Point” ekitaldia ostatatuko du datorren azaroaren 26an. Eusko Jaurlaritzako Ekonomi Garapen eta Lehiakortasun Sailak SPRIren bitartez antolatzen duen jardunaldi horrek, 4.0 Industriako erreferente denak Euskadin, bere bosgarren edizioa beteko du aurten. Jardunaldi horretara bildutako enpresek, klusterrek, teknologia-zentroek eta unibertsitateek 4. iraultza industrialari buruz eztabaidatuko dute eta, gainera, sustapen-lana egingo da informazio teknologia berriak produkzio prozesuetan txertatzeko.

 

Parte-hartzea hazi egin delarik ediziorik edizio, urteroko hitzordu hau topagune bihurtu da bertara biltzen diren iraultza industrial berriaren protagonista guztientzat, gainera, aukera ematen zaio Euskadiri erreferentziazko eskualde bezala finkatzeko mundu mailan, teknologia berriek fabrikazio-prozesuetarako dituzten potentzialtasunak aprobetxatzeari dagokionean.

 

Digitalizazioranzko lasterketaren buruan dauden Euskadiko enpresa industrialek 4. iraultza industrialari buruzko gakoak azalduko dizkigute “Basque Industry 4.0. The Meeting Point 2018” ekitaldian. Jardunaldian eskaintza zabala dago: lehen mailako hitzaldiak, kasuen aurkezpenak, tailerrak, elkarrizketak, mahai-inguruak, erakusketa eta demostrazio-gunea.

 

Kongresuan osoko bilkurak eta aldi bereko saioak egingo dira, erakusketa-gune zabal bat egongo da 4.0 teknologiak eskaintzen dituzten enpresentzat, beste gune bat tailerrentzat, 4.0 industriarako konponbideen “gamifikazioarekin” esperimentatzeko txoko bat eta networking-gune bat.

 

Hitzaldien bidez, bertaratuek hurbiletik jarraituko dituzte 4.0 estrategiaren aurrerapenak, bai eta martxan jarritako ekintza garrantzitsuenak eta orain arte eskuratutako emaitzak. Bestalde, Basque Industry 4.0 topaguneak formula onenak bilatu nahi ditu ezagutzak partekatzeko, beraz, egitaraura bildutako ekitaldi guztietan sustatuko dira elkarrizketa, iritzi trukea, entzute aktiboa, enpresa arteko lankidetza eta networking-a.

 

Hitzaldi programa

Ekitaldirako ia lau hilabete falta direnean, nazioarteko hainbat aditu garrantzitsuk dagoeneko baieztatu dute parte hartuko dutela “Basque Industry 4.0” jardunaldian, non aztergai izango baitituzte 4.0 teknologien arloko joerak eta etorkizuneko aurreikuspenak.

Era berean, gure inguruko enpresariek hizpide hartuko dituzte 4.0 Industria funtsezko 8 sektore hauetan aplikatu duten enpresen kasuak:
Automozioa, Aeronautika, Makina-erreminta, Energia, EIKTak eta zerbitzu aurreratuak, Elikadura, Mugikortasuna eta Logistika, Eraikuntza.

 

Bestalde, Euskalduna Jauregian 12 aurkezpen egingo dira 4.0 Industriarako 12 konponbide teknologikori eta produktu, zerbitzu edo prozesu industrialetan duten aplikazio industrialari buruz. Hartara, hizpide hartuko dira Cloud Computing-a, Robotika kolaboratiboa, Sistema ziber-fisikoak (CPS), Errealitate Birtuala eta Areagotua, Ziber-segurtasun industriala, Sentsorika, Gizon–Makina interfaze aurreratuak, Datu industrialen analitika (Big Data), Fabrikazio gehigarria.

 

Ekintzailetza teknologikoak ere izango du bere txokoa “Basque Industry 4.0” ekitaldian, zeren hainbat aurkezpenen bidez azalduko baita nolako aurrerapenak lortu dituzten BIND 4.0 programako industriek eta startupek elkarlanean garatutako proiektuetan.

Hitzaldien atala osatzeko, Europar Batasuneko ordezkariek Digitising Europe ekimena aurkeztuko dute, EBk teknologia digitalen arloan duen lehiakortasuna indartzeko proiektua. Horrez gain, Basque Digital Innovation HUB tresna darabilten proiektu eta kasu industrialak ere aurkeztuko dira.

 

4.0 Industriarako Gamifikazio Teknologiei buruzko tailer praktikoak.

GAIA Elkarteak tailer praktikoak eskainiko ditu osoko bilkurak egiten diren bitartean. Tailer horietan hizpide hartuko da nolako gaitasuna duten gamifikazio teknologiek (Errealitate Birtuala, Errealitate Areagotua, Simulazioa…) industria baten fase desberdinetan.

Tailerretako leku kopurua mugatua da, eta parte-hartzaileek aukera izango dute esperimentatzeko hainbat enpresatan erabiltzen diren aplikazioekin eta aztertzeko nolako erabilpenak izan ditzaketen gamifikazio teknologiek euren antolakundeetan.

 

Brokerage Bind 4.0. “Erakusketarako eta aurrez aurreko topaketetarako gunea”

BIND 4.0 programaren 2018ko edizioan parte hartu duten industria eta startupek aurrez aurreko topaketak egingo dituzte ezagutzak trukatzeko, eta espazio horretako startup parte-hartzaileak ere prest egongo dira euren produktua ezagutzera emateko.

 

Erakusketa. 4.0 eskaintza teknologikoa. Stand-gunea

4.0 industriarako konponbideak eskaintzen dituzten euskal enpresek espazio bat izango dute bertaratuei beren teknologia eta zerbitzu eskaintza aurkezteko.

Iazko edizioan 40tik gora enpresak parte hartu zuten stand-gunean eta ekitaldia nazioarteko erreferente bihurtu zen kontaktuak egiteko, enpresa arteko lankidetza sustatzeko eta negozio-akordioak ixteko. Aurtengo azaroko edizioan handitu egingo da bileretarako Business Corner 4.0 txokoa, erakusketa-gunean dagoena. Erakusleek Business Corner txokoa balia dezakete lan-bilerak egiteko kongresuko parte-hartzaileekin.

 

BI4.0 argazki lehiaketa. “BI 4.0 argazkia”

Aurtengo berritasuna da “Basque Industry 4.0” ekitaldiaren antolatzaileek lehenengo BI 4.0 argazki-lehiaketan parte hartzera gonbidatzen gaituztela. Gaiak izango dira “Euskadiko paisaia industriala” eta “Teknologia eta Industria”.  Argazki guztiak erakusketa-gunean jarriko dira ikusgai azaroaren 26an, eta kongresuan zehar jakinaraziko dira sarituak. Argazkiak urriaren 16ko eguerdiko ordu bata baino lehen entregatuko dira.

 

Lotutako albisteak

Irundinek  lidergoa  sendotu  du  Mecanizaciones  Alavesas-en  integrazioarekin  eta  2026ra  arteko  6  milioi  euroko  inbertsioarek
20/10/2025 Berrikuntza

Irundinek lidergoa sendotu du Mecanizaciones Alavesas-en integrazioarekin eta 2026ra arteko 6 milioi euroko inbertsioarek

Bi enpresen batuketak estatu mailako edari-ontziratzeko makineria talde sendoena sortzen du

Mondragon  Unibertsitateak  ekonomia  zirkular  eta  sozialeko  startupen  garapena  sustatzeko  programa  jarri  du  abian
19/10/2025 Ekintzailetza

Mondragon Unibertsitateak ekonomia zirkular eta sozialeko startupen garapena sustatzeko programa jarri du abian

roiektuaren helburua da gizarte-ekonomia sustatzea, produkzio- eta kontsumo-eredu sozial eta jasangarriagoa bultzatzeko

Amie  Consultingek  enpresen  produktibitatea  hobetzeko  software  berri  bat  garatu  du

Amie Consultingek enpresen produktibitatea hobetzeko software berri bat garatu du

Donostiako enpresa industria-digitalizazioan dago espezializatuta eta digitalizazioaren eta datuak eskuz jasotzearen arteko irtenbide bat eskaintzen du

Lancorrek  haren  kudeaketa-eredua  eta  industriako  bikaintasuna  aitortzen  duten  nazioarteko  bi  sari  lortu  ditu
16/10/2025 Berrikuntza

Lancorrek haren kudeaketa-eredua eta industriako bikaintasuna aitortzen duten nazioarteko bi sari lortu ditu

Bizkaiko enpresa Europako liderra da altxatzeko motor elektrikoen fabrikazioan

Euskadiko  sei  startup  finalistak  izan  dira  ekintzailetza  berritzailea  saritzen  duen  Top101  Spain  errekonozimenduetan
09/10/2025 Ekintzailetza

Euskadiko sei startup finalistak izan dira ekintzailetza berritzailea saritzen duen Top101 Spain errekonozimenduetan

Ekimen honen bigarren edizioaren entrega-ekitaldia azaroaren 12an izango da Murtzian

Euskadi,  ekintzailetza-ekosistema  egonkorrenen  eta  baloratuenen  artean,  GEM  2024-2025  txostenaren  arabera
08/10/2025 Ekintzailetza

Euskadi, ekintzailetza-ekosistema egonkorrenen eta baloratuenen artean, GEM 2024-2025 txostenaren arabera

GEM proiektua munduko ekintzailetza-datuen iturri nagusia da, eta, horren bidez, Euskadiren egoera beste eskualde eta herrialdeen egoerarekin alderatu daiteke.

A4Radar  startupa  eta  Eralki  ETEa  elkarlanean  ari  dira  teknologia  disruptibo  batean,  Eusko  Jaurlaritzaren  BIND  SME  ekimenari  esker
06/10/2025 Up Euskadi

A4Radar startupa eta Eralki ETEa elkarlanean ari dira teknologia disruptibo batean, Eusko Jaurlaritzaren BIND SME ekimenari esker

BIND SME ekimenaren 5. edizioan parte hartzeko deialdia urriaren 20ra arte egongo da irekita.

‘La  Fundacion’-ek  eskaintzen  du  SOS  EmozioLan  —  Langile‑ongizatearen  aldeko  benetako  apustua  egiten  duten  enpresentzat  Lehen  Laguntza  Emozionalen  lehen  zerbitzua
05/10/2025 Berrikuntza

‘La Fundacion’-ek eskaintzen du SOS EmozioLan — Langile‑ongizatearen aldeko benetako apustua egiten duten enpresentzat Lehen Laguntza Emozionalen lehen zerbitzua

La Fundación San Prudencio ha desarrollado SOS EmozioLan, un innovador servicio de primeros auxilios emocionales en el entorno laboral

MIDE  Premium,  marketin  digitaleko  eta  analitikako  profesionalentzako  etengabeko  prestakuntza  eta  laguntza  programa

MIDE Premium, marketin digitaleko eta analitikako profesionalentzako etengabeko prestakuntza eta laguntza programa

Analitika digitaleko, marketineko eta teknologia osagarrietako gaitasunak sendotu eta berritu nahi dituzten negozio digitaleko profesionalentzako harpidetza-plataforma bat

BaM  Vision  Tech  ‘25ek  Euskadi  sendotu  du  automobilgintzako  berrikuntza-polo  gisa

BaM Vision Tech ‘25ek Euskadi sendotu du automobilgintzako berrikuntza-polo gisa

200 profesional baino gehiago elkartu dira Gasteizko EUNEIZ Unibertsitatean automobilgintzaren erronka handiak aztertzeko: elektrifikazioa, digitalizazioa, robotika eta adimen artifiziala.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.