Araso Irun
Albisteak 25 uztaila, 2018

Bidasoa Oarsoko Industrialdeak 4.479 m²-ko pabiloi industrial berriak inauguratu ditu Irungo Araso industrialdean

Inaugurazio-ekitaldira azaldu dira Markel Olano, Gipuzkoako ahaldun nagusia, Arantxa Tapia, Ekonomi Garapen eta Azpiegitura sailburua, José Antonio Santano, Irungo alkatea eta Bidasoa Oarsoko Industrialdeko presidentea, eta eskualdeko beste ordezkari instituzional eta enpresari batzuk.
-

Inaugurazio-ekitaldira azaldu dira Markel Olano, Gipuzkoako ahaldun nagusia, Arantxa Tapia, Ekonomi Garapen eta Azpiegitura sailburua, José Antonio Santano, Irungo alkatea eta Bidasoa Oarsoko Industrialdeko presidentea, eta eskualdeko beste ordezkari instituzional eta enpresari batzuk.

Sprilur Taldeak bi sustapen berri hasiko ditu 2018an: Gametxo-Errandonea (Irun) eta Egiburuberri (Errenteria).

Bidasoa Oarsoko Industrialdeak 3,61 milioi euro inbertitu zituen 2017an, eta 18 kontratu formalizatu zituen 5.389 m²-ko pabiloiak eta 496 m²-ko bulegoak eskatu zituzten enpresekin.

 

Irungo Araso industrialdeko pabiloien fase berria inauguratzeko ekitaldian izan dira Markel Olano, Gipuzkoako ahaldun nagusia, Arantxa Tapia, Ekonomi Garapen eta Azpiegitura sailburua, José Antonio Santano, Irungo alkatea eta Bidasoa Oarsoko Industrialdea S.A.ko presidentea, eta Oarsoaldeako alkateak eta eskualde-agentziako ordezkariak.

 

Inaugurazio ofiziala egin baino lehen, ordezkari instituzionalak Industrialdeko pabiloietan kokatutako SMARKTEC enpresara bisitan joan ziren. SMARKTEC ingeniaritza enpresa bat da eta automatizazio markaketaren eta trazabilitate konponbideak  garatzen ditu siderurgiko eta oil & gas-eko sektoreetan bideraturik. Europa Batuetako herrietara esportatzen ditu bere ekoizpen gehiena, baita Brasilera, Ekialde Ertaina, India, Kanada eta Estatu Batuetara baita, hots, bere lehen merkatua.

 

Bisitaren zehar, agintariek, zuzenean, aukera izan dute ikusteko SMARKTEC-ek 4.0 industriaren eremuan produkzio-fasean daukan proiektu berri baten xehetasunak, bezero baten trazabilitate orokorraren ekoizpena betetzea da helburu.

 

Bidasoa Oarsoko Industrialdea S.A.k partaide ditu Sprilur –Ekonomiaren Garapen eta Azpiegitura Saila eta SPRI Taldea–, Gipuzkoako Foru Aldundia eta Bidasoa eta Oarsoaldea eskualdeetako udalak (Irun, Lezo, Pasaia, Errenteria eta Oiartzun), eta 2017ko irailean hasi zituen Irungo Araso Industrialdean 479 m²-ko zabalkuntza-lanak, 4 pabiloi berri eraikiz.

 

Nabe bakoitzak 770 m² inguru ditu, eta inbertsio osoa 2,6 milioi eurokoa izan da.

Eraikuntzen ezaugarriei dagokienez, pabiloi berriak Industrialdearen lehen fasean egin zirenen antzekoak dira. Lanak amaitutakoan, bere ingurunean harmonia handiz txertatutako espazio bat osatu da hirigintza eta eraikuntza aldetik.

 

2010ean amaitutako lehen fasearen ondoren, lau enpresa berri sartuko dira Bidasoa Oarsoko Industrialdeak Arason sustatu dituen pabiloien fase berri honetan. Bertan kokatuko diren enpresa jarduerak dira: piezen mekanizatua eta zehaztasunezko mekanizatua, zirkuitu elektronikoen diseinua, produkzioa eta montajea, eta gastronomia zerbitzuak.

 

Araso Industrialdeak baditu une honetan 18.479 m²-ko pabiloi industrialak, osorik okupatuta daudenak, 450 langile inguru enplegatzen dituzten 20 enpresa baitaude han kokatuta.

Sustapen berri hori martxan jartzeko funtsezkoa izan da, batetik, enpresengandik jasotako espazio eta lokal eskaera gero eta handiagoa eta, bestetik, Sozietateak ekitaldi ekonomiko ona itxi izana. Bidasoa Oarsoko Industrialdeak  3,61 milioi euro inbertitu zituen 2017an, eta 18 kontratu formalizatu zituen 5.389 m²-ko pabiloiak eta 496 m²-ko bulegoak eskatu zituzten enpresekin. Beraz, 2017ko ekitaldia amaitzean zenbakiek erakutsi zuten espazio industrialen eskaera hazten ari zela nabarmen Bidasoa eta Oarsoaldea eskualdeetan.

 

Irungo Araso industrialdea kokaleku estrategikoan dago, A8 autobideak Irungo Ventas auzora sartzeko duen korapiloan bertan, hirigunetik lau kilometrora eta Txingudi merkataritza-gunearen ondoan.

 

AURREIKUSITA DAUDEN SUSTAPEN BERRIAK

 

GAMETXO-ERRANDONEA (IRUN)

2017aren lehen erdian Bidasoa Oarsoko Industrialdeak lursail bat erosi zuen Irungo Alto Arretxe industrialdean. Lursail hori Gametxo-Errandonea enpresarena izana zen, eta bazituen 4.947 m², 3.215 m²-ko okupazio azalera eta 6.431 m²-ko eraikigarritasuna.

Sustapen berri hori 2019ko lehen hiruhilekoan jarriko da martxan, eta ustez urte bereko azken hiruhilekoan amaituko da. Kalkuluen arabera, 3,4 milioi euroko inbertsioa egingo da.

 

EGIBURUBERRI (ERRENTERIA). Z-4.3 partzela

Bideragarritasun azterlan bat egin ondoren, Bidasoa Oarsoko Industrialdeak 2017ko abenduan adostu zuen erostea Errenteriako Egiburuberri industrialdeko Z-4.3 lursaila, 6.878 m²-koa, 5.806 m²-ko gehienezko okupazioa duena eta 7.125 m²-ko eraikuntzarako aprobetxamendua.

Sustapen berri horretan asmoa dago gehien 5 pabiloi berri egiteko 2018ko azken hiruhilekotik 2019 amaierara bitartean. Kalkulatzen da 4,4 milioi euroko inbertsioa egingo dela.

 

BIDASOA OARSOKO INDUSTRIALDEAREN ZENBAKIAK 2017an


2017an EGINIKO INBERTSIOA: 3,61 milioi euro

18 KONTRATU FORMALIZATUAK ENPRESEKIN.

SALDUAK: 5.389 m² pabiloi eta 496 m² bulego.

INSTALATUTAKO ENPRESAK, GUZTIRA: 18

DAGOKION ENPLEGUAK: 75

 


 

Bidasoa Oarsoko Industrialdea, S.A.k 11 industria-gune kudeatzen ditu Bidasoa (Irun) eta Oarsoaldea (Lezo, Errenteria, Oiartzun eta Pasaia) eskualdeetan.

Bidasoa Oarsoko Industrialdea, S.A 1986an sortu zenetik, 94,1 milioi euroko inbertsioak egin dira 11 gune horietan, 626.504 m²-ko azalera gordina kudeatu da, 141.897 m² lursail industrial urbanizatu dira, eta 130.465 m² pabiloi  eta 9.426 m² bulego saldu dira. Guztira, 2.735 langile enplegatzen dituzten 221 enpresa daude kokatuta sozietateak sustatzen dituen guneetan.

 

ARASO. ENPRESA POLIGONO ESTRATEGIKOA IRUNEN

 

AZALERA OSOA: 276.756 m²

OKUPATUTAKO AZALERA: 83.730 m²

7 LURSAIL URBANIZATUTA

INBERTSIOA: 30 milioi euro.

 

Sprilur-ek 2008an amaitu zuen Araso industrialdea, helburutzat hartuz osagarri izatea Bidasoa eskualdea historikoki tradizio industrial handiko ingurune bihurtu duten beste enpresa-gune batzuentzat.

Araso industrialdeak 276.000 m²tik gorako azalera dauka, eta lurzoru urbanizatuko 83.730 m² lursail eskaini die enpresei. Une honetan salduta dago bere azalera industrial guztia. Bidasoa Oarsoko Industrialdeak kudeatzen dituen pabilioietan kokatutako 20 enpresez gain, Sprilur-ek beste 5 lursail saldu dizkie hainbat sektoretako zenbait enpresari: Uvesco (6.674 m²), Zubelzu (4.615 m²), Transportes Cerezuela (24.373 m²), Eusko Trenbide Sareak, Mercadona, eta erregai hornikuntzako banatzaile bat.

 

Araso industrialdea urbanizatzeko eta industrialdeari dagokion lursailean eraikitzeko inbertsioa 30 milioi eurokoa izan da. Industrialde estrategiko honek eskaintzan ditu mota askotako enpresen premietara egokitutako espazioak, tamaina ertain eta handiko lursail urbanizatuak, eta ETEei zuzendutako pabilioi modularrak. Gainera, bere lurretan ostatatzen ditu sektore askotako eta proiekzio handiko enpresa trakziogileak.

 

Araso industrialdea proiektu estrategiko baten eredu argia da, erakunde arteko borondate nabarmena daukana eta eskualdeko enpresa-jarduera suspertzeko helburuz egina. Erakunde arteko lankidetza horri esker posible izan da hamarkada batez lurzoru industriala eta azpiegitura egokiak urbanizatzea eta lurzoru hori enpresei eskaintzea, kontuan harturik tamaina eta jarduera-sektore desberdinetako enpresen instalazio premiak. Zentzu horretan, Araso industrialdeak bere baitan biltzen ditu modu eredugarri batean kudeaketa sostengarria, ingurumenaren aldeko kezka eta mota eta tamaina desberdinetako enpresak, eta estrategikoki prestatuta dago edozein enpresa-ekimeni modu lehiakorrean garatzen laguntzeko.

Lotutako albisteak

Tecnaliak  nazioarteko  merkatuetarako  suteen  eskala  handiko  saiakuntzak  egiteko  gaitasuna  handitu  du
23/07/2025 I+G+B

Tecnaliak nazioarteko merkatuetarako suteen eskala handiko saiakuntzak egiteko gaitasuna handitu du

Ikerketa eta garapen teknologikoko zentroak akreditazioa lortu du suteen eskala handiko saiakuntzak egiteko Kanadako araudiaren arabera. Lehenago Estatu Batuetako edo Erresuma Batuko araudietarako lortutakoei gehitu zaie, eta gaitasun hori duen Europako laborategi bakarra da

Euskadiko  Parke  Teknologikoa  Bilbora  iritsi  da

Euskadiko Parke Teknologikoa Bilbora iritsi da

Imanol Pradales Lehendakariaren hitzetan, Euskadiko lehen hiri-campus teknologikoaren lehen eraikina eraikitzeak euskal industria-eredua sendotzeko balioko du, eredu horrek “ezagutza aurreratuan, manufaktura-kulturan, jasangarritasunean, garapen teknologikoan eta balio erantsiko jardueretan oinarritzen du bere lehiakortasuna”

Metal78  enpresa,  Zumarragako  Arcelorreko  eremua  berreskuratzeko  aurrerapausoaren  adibide

Metal78 enpresa, Zumarragako Arcelorreko eremua berreskuratzeko aurrerapausoaren adibide

Enpresa hori ezartzea Zumarragako Arcelor fabrika zaharrean industrialdearen berroneratze- eta berregokitze-prozesu integralaren baitan kokatzen da; Eusko Jaurlaritzak 25 milioi euro inbertituko ditu

Eusko  Jaurlaritzak  120  milioiraino  handitu  du  ikerketa  industriala  sustatzeko  aurrekontua
16/07/2025 I+G+B

Eusko Jaurlaritzak 120 milioiraino handitu du ikerketa industriala sustatzeko aurrekontua

Imanol Pradales Lehendakariak sustatutako Industria Defendatzeko Taldean hartutako konpromisoa beteko da hala, eta, horren bidez, aurtengo lehen hiruhilekoan Hazitek programan aurkeztu diren proiektuak baino gehiago finantzatu ahal izango dira

Lemoizko  zentral  zaharraren  inguruko  lurretan  aparkaleku  publiko  bat  egitea  aztertzen  ari  da  SPRILUR
14/07/2025 SPRILUR

Lemoizko zentral zaharraren inguruko lurretan aparkaleku publiko bat egitea aztertzen ari da SPRILUR

200 ibilgailu arteko aparkaleku publikoa egitea bideragarri ote den jakin nahi du Sprilurrek, Lemoizko Udalarekin egindako akordio eta konpromisoei erantzunez

EEN  Basque  Sareak  euskal  ETE-en  parte-hartzea  errazten  du  Europako  I+G  programetan
11/07/2025 I+G+B

EEN Basque Sareak euskal ETE-en parte-hartzea errazten du Europako I+G programetan

BRTA sartu delako Innobasque, BT&I eta hiru merkataritza-ganberekin batera Euskadin SPRIk koordinatzen duen Europako Batzordearen ekimenean

Eusko  Jaurlaritza  aurrera  doa  Fundifes  orubearen  berreskurapenean,  modu  berritzaile  eta  iraunkorrean,  Durangoko  Udalarekin  lankidetzan
11/07/2025 SPRILUR

Eusko Jaurlaritza aurrera doa Fundifes orubearen berreskurapenean, modu berritzaile eta iraunkorrean, Durangoko Udalarekin lankidetzan

Jarduera aitzindaria da, onddoekin mikorremedia bezalako teknologia jasangarrietan oinarritua.

Barakaldoko  Burtzeña,  Erandioko  Plaiabarri  eta  Santurtziko  Etxeuli  proiektuak,  aurtengo  lehen  seihilekoan  eta  33  milioi  euroko  balioarekin,    Eusko  Jaurlaritzak  Sprilurren  bidez  lizitatutako  egitasmoen  artean
11/07/2025 SPRILUR

Barakaldoko Burtzeña, Erandioko Plaiabarri eta Santurtziko Etxeuli proiektuak, aurtengo lehen seihilekoan eta 33 milioi euroko balioarekin, Eusko Jaurlaritzak Sprilurren bidez lizitatutako egitasmoen artean

12 lizitazio egin dira aurten, bost obra eta eraikuntzetarako, eta zazpi zerbitzuak kontratatzeko

1M  €-rainoko  laguntza  ematen  dizugu  zure  enpresa  2025  Nazioarteko  Gauzatu  programarekin  nazioartera  zabaltzeko
11/07/2025 Finantziazioa

1M €-rainoko laguntza ematen dizugu zure enpresa 2025 Nazioarteko Gauzatu programarekin nazioartera zabaltzeko

Nazioarteko Gauzatu programak nazioartekotzeko estrategiak garatzeko aukera ematen die euskal enpresei, eskatutako inbertsioei ekiteko baliabideekin eta finantzaketarekin hornituz. Interesik gabeko kredituak eskaintzen ditu, 1M euro artekoak, atzerrian instalazioak ireki, handitu edo berritzeko. Laguntza hau eskatzeko epea uztailaren 15ean hasteko da eta azaroaren 11an amaituko da.

Aurrekontuak  berriro  zabalduko  ditugu,  adimen  artifizialeko  teknologiak  barne  hartzen  dituzten  eta  Euskadiko  enpresen  datuen  azpiegitura  optimizatzen  duten  proiektuak  babesteko.

Aurrekontuak berriro zabalduko ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.

Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.

Joan blogera

Jarrai gaitzazu

Kanal espezializatuak eta eguneroko gaurkotasuna gure sareetan.