Robotikak eta automatizazioak Euskadiren eta Txekiar Errepublikaren industriarako dituzten aukerak aztertu dituzte
Mikel Jauregi Industria, Trantsizio Energetiko eta Jasangarritasuneko sailburua eta Libor Sečka Txekiar Errepublikako enbaxadorea bi lurraldeen arteko harremanak estutzeko bildu dira. Topaketa Txekiar Enbaxadak eta Czech Trade erakundeak Bilboko Merkataritza Ganberan antolatutako “Aukerak robotikan eta automatizazioan” jardunaldi ekonomikoaren barruan egin da. Mintegiak Basque Trade & Investment – SPRI Taldearen Nazioartekotzeko Euskal Agentziaren laguntza izan du, eta Euskal Autonomia Erkidegoko industria-sektoreko hogei bat enpresatako ordezkariak bildu ditu, baita AFM, BRTA – Basque Research and Technology Alliance edo STECH gisako antolakundeak ere.
Topaketan parte hartu dute, halaber, Nagore Bonilla Basque Trade & Investmenteko zuzendari nagusiak eta Mikel Arieta-Araunabeña Bilboko Merkataritza Ganberako idazkari nagusiak.
Sailburuak adierazi duenez, “Euskadi eta Txekiar Errepublika bazkide garrantzitsuak dira, eta lankidetza-ibilbide luzea egin dute elkarrekin. 90eko hamarkadaz geroztik, herrialde hori helmuga tradizionala izan da Euskal Autonomia Erkidegoko enpresentzako, Euskadiko 30 konpainia baino gehiago ezarri baitira han. 2024an, Euskal Autonomia Erkidegoak 460 milioi euroko balioa duten esportazioak egin zituen Txekiar Errepublikara, eta merkataritza-helmuga hori bihurtu zen esportazioetarako garrantzitsuenetako bat, Japonia, India edo Hego Korea gisako merkatu nabarmenen gainetik”.
Euskadik eta Txekiar Errepublikak 24 urte daramatzate elkarlanean, Ibarretxe lehendakariak 2001ean lehen akordioa sinatu zuenetik. 2002an, Eusko Jaurlaritzak merkataritza-bulegoa ireki zuen Pragan, eta Euskal Autonomia Erkidegoaren kanpo-sareko zaharrenetako bat da —mundu osoko 90 herrialde baino gehiagori zerbitzu egiten dieten 23 merkataritza-bulegok osatzen dute kanpo-sare hori—.
“Etxe Zuriak muga-zergen bidez abiarazitako gerra komertzialaren aurrean, argi dugu industria gehiagoren eta Europa gehiagoren aldeko apustuak markatuko duela gure etorkizuna”, adierazi du Jauregik. “Topaketa honetan, gure industria bultzatzen duten eta robotikarako, automatizaziorako edo fabrikazio aurreraturako eremu emankor bihurtzen duten bi herrialdeen arteko lankidetzaren zenbait adibide ezagutu ditugu. Euskadiren eta Txekiar Errepublikaren artean zubiak eraikitzen dituzten eta Europako proiektua indartzen duten enpresa-proiektuak dira. Ziurgabetasun globalaren aurrean, baikortasunez betetzen gaitu elkarlan honek. Proiektu horietako bakoitzaren atzean enpresak, pertsonak, konfiantza eta etorkizuneko konpromiso partekatua daude. Azken batean, horixe da Europar Batasunaren oinarria”.
Lotutako albisteak
Euskal enpresek Estatu Batuetako itsas-sektore eolikoan duten presentzia sendotu dute
Euskadiko ordezkaritza bat International Partnering Forum 2025 ekitaldian egon da merkatuaren azken joerak aztertzeko, saio teknikoetan parte hartzeko eta sektoreko eragile estrategikoekin zuzeneko harremanak ezartzeko
Koreako automatizazioa eta robotika industriala, aztergai
Basque Trade & Investmentek bi txosten bildu ditu Smart Factory + Automation World 2025 ekitaldian parte hartu ondoren, Hego Koreako merkatuaren joerak eta aukerak jasotzen dituztenak
Euskadik eta Japoniak lankidetza sendotu dute berrikuntza teknologikoan eta energia berriztagarrietan
Euskadik Japoniako Mie prefekturako ordezkaritza baten bisita jaso du aste honetan, sektore estrategikoetan balizko lankidetza-arloak esploratzeko asmoz
Euskadik energia eolikoan duen gaitasuna erakutsi du WindEurope 2025 azokan
Euskal parte-hartzeak ordezkaritza zabala bildu du Wind Energy Basque Country stand bateratuan, 17 enpresa eta erakunde hauei abian dituzten soluzioak eta teknologiak ezagutzeko aukera emanez
Ukrainako susperraldi ekonomikoa, Bruselan eztabaidagai
Bertaratutako erakundeen artean egon da SPRI Taldeari atxikitako Basque Trade & Investment (BasqueTrade) enpresak nazioartekotzeko euskal agentzia
Euskadik eta Egiptok bien arteko lankidetza ekonomikoa indartu dute Egiptok Espainian duen enbaxadorearen bisitarekin
Ehab Badawi agintari nstituzionalekin eta euskal enpresa-sektorearen ordezkariekin bildu da aste honetan inbertsio eta lankidetzarako aukera berriak esploratzeko asmoz
Imanol Pradales lehendakariaren arabera, muga-zerga berrien aurrean, “ezinbestekoa da Europak ahots bakarrarekin erantzutea
Enpresek izan ditzaketen zalantzak argitzeko eta araudi berriak nola aplikatuko diren eta haien produktu eta merkatuetan zer eragin izan dezakeen jakiteko orientazio pertsonalizatua eskaintzeko eta izan ditzaketen zalantzak argitzeko diseinatutakoarreta goiztiarreko zerbitzua-Helpdesk zabaldu du SPRI Taldeko Basque Tradek. Zerbitzuak telefono-zenbaki bat eta arreta emateko formularioa ditu, eta dagoeneko hasi da...
AEBk ezarritako arantzel berriak direla eta, euskal enpresei arreta goiztiarra emateko zerbitzua
Enpresa arloko helpdesk berri hau zure zalantzak argitzeko eta zure produktu eta merkatuetan nola eragin dezaketen eta araudi berriak nola aplikatuko diren jakiteko orientazio pertsonalizatua eskaintzeko diseinatuta dago.
Euskadik Txinan finkatutako euskal enpresen babesa indartu du Kunshanera egindako bisita baten bidez
Bisita honek Eusko Jaurlaritzak Euskadiko industria-sektorearen alde hartu duen konpromisoa indartu du euskal enpresen lehiakortasuna Txinakoa bezalako merkatu garrantzitsu batean bermatzeko, lurraldearen garapen ekonomikorako funtsezkoak diren hornidura-kateen oinarriak sendotuz
Euskadik Europako energia-sektorean duen presentzia indartu du ‘Power Connect Energy Summit’ delakoaren bidez
100 erakustoki, 35 panel, 130 speaker. Poloniako energia-sektore osoa: Euskadiko sektore eolikoaren balio industrial eta teknologikoaren katea posizionatu eta Polonian duen presentzia indartzeko.