Spri Taldea Enpresen Garapenerako Euskal Agentzia

Basque Industry 4.0 2022

Teknologiaren transferentzia bultzatzen dugu hornitzaileetatik enpresa industrialetara

Epea itxita Sartu zure espedientean. Sartu hemen.

Informazioa aldatu egiten daiteke laguntzaren araudia argitaratzen ez den bitartean.

Basque Industry 4.0 2022

Aurrera goaz industria adimendunaren garapenean, teknologia transferituz Fabrikazio Aurreratuari aplikatutako EIKTen arloan.

Basque Industry 4.0 laguntza programak 300.000 eurorainoko dirulaguntzak ematen dizkie helburu hau duten ikerketa industrialeko eta garapen esperimentaleko proiektuei: teknologia transferitzea teknologia-hornitzaileetatik enpresa industrialetara Fabrikazio Aurreratuaren arloan. Horrela, hornitzaile teknologikoetatik datozen berrikuntzak ezartzeko eta merkatuan lehiakortasuna eta posizionamendua hobetzeko beharrezkoak diren baliabideak eta tresnak eman nahi dizkiegu euskal enpresei.

Laguntza horiek industri edo industriarekin erlazionatutako arloko enpresei edo zerbitzu aurreratuetako enpresei zuzentzen zaizkie, baldin eta proiektuak garatzen badituzte euren hornitzaileekin batera Fabrikazio Aurreratuari aplikatutako EIKTen arloan, proiektu horiek demostrazio-balioa badute eta lagungarri badira EIKTen arloko I+G proiektuetatik lortutako emaitzak azkarrago merkaturatzeko.

Diruz lagundu daitezkeen proiektuak

Proiektuek arlo hauetakoren batekin lotuta egon behar dute, fabrikazio aurreratuari aplikaturiko CPS (Cyber Physical Systems) sistemen arloan:

Zibersegurtasuna eta industria-komunikazioak
Cloud computing-a
Adimen Artifiziala, Big Data, Analitika Aurreratua eta Business Intelligence
Machine Learning
Robotika kolaboratiboa
Errealitate areagotua
Ikusmen artifiziala
Sentsorika
Diseinua eta gehikuntza bidezko fabrikazioa metalezko materialetan eta material aurreratuetan.
Material eta prozesu aurreratuak erabiltzen dituzten proiektuak.

Epeak

Hasiera data: 2022-06-03

Amaiera data:
2022-07-14, 23:59retan

Zer eskaintzen du?

Basque Industry 4.0k eskaintzen dizu

150.000 eurorainoko dirulaguntza proiektuko, eta 300.000 eurorainokoa lankidetzan eginiko proiektuetarako

Fabrikazio Aurreratuko emaitzak azkarrago merkaturatzeko modua

Industria Adimenduna bultzatzeko aukera, EIKTak fabrikazioan txertatuz

Balio erantsi handiko produktu eta zerbitzu industrialak garatzeko aukera.

Zertan laguntzen dizu?

Basque Industry 4.0k laguntzen dizu

"I+G-ko agentearen” dedikazioaren gastuetan, horren barnean sartuz fabrikan ematen den laguntza eta aholkularitza.
“Inplantariaren” dedikazioaren gastuetan.
Agente teknologikoak eskainiriko jabetza industriala eskuratzeko gastuetan.
Hardwareko eta softwareko inbertsioetan eta/edo gastuetan.
Enpresa onuradunaren barneko langileen gastuetan.

Ezagutu xehetasunez programa hau

Araudia

Norentzat da?

Industria edo zerbitzu aurreratuko enpresa bat baduzu, aurkeztu zure proiektua banaka edo lankidetzan, eta eskuratu laguntza

Euskadin kokatutako enpresa industrial edo zerbitzu erlazionatuak eskeintzen dituzten enpresentzat.
16 hile baino lehenago garatuko diren, 50.000€ baino geihagoko proiektuak.
Proiektuak banaka edo loturarik ez duten beste enpresa batzuekin lankidetzan gara daitezke.
Ezinbestekoa da proiektuek eragina izatea Euskadiko lantokietan eta diruz lagundu daitekeen jarduera gauzatzen den lekuetan.

I+Gtik datozen teknologien transferentzia errazten dugu, euskal enpresek industria adimendunerantz pauso bat gehiago eman dezaten.

2021eko deialdiaren emaitzak

Basque Industry 4.0 laguntza-programaren 2021eko edizioan, 27 eskabide aurkeztu ziren, eta horietatik 25 onartu ziren. Ildo horretan, aurkeztutako proiektuen % 92,6k programa honen laguntza izan zuten, eta ukatu ziren proiektuak zentro teknologikoren baten parte-hartzea ez sartzeagatik izan ziren. Onartu ziren proiektuek, batez beste, 49.400 €-ko diru-laguntza izan zuten, guztira 1.235.948 €, EIKTen erabilera euskal enpresetan sustatzeko laguntzetan banatuta.