Jasun Envirocare enpresa britainiarrak fabrikazio-lantegi bat irekiko du Enkarterrietan SPRI Taldearen laguntzaz, Europa hegoaldean operatzeko
2018an hamasei enpresa atzerritar kokatu ziren Euskadin eta lehendik zeuden beste hogeita bik inbertsio berriak egin zituzten, 644 lanpostu sortuz eta 136,3 milioi euro inbertituz “Invest in the Basque Country” estrategiaren bitartez
Jasun Envirocare enpresa britainiarrak –Erresuma Batuko aire-iragazkien fabrikatzaile handienetako batek- Jasun Filtración S.L. irekiko du Enkarterrietan, SPRI Taldeak inbertsioak atzemateko bere Invest in the Basque Country ekimenaren bitartez eginiko gestioei esker. Konpainiak duela gutxi sortu du bere filial Bizkaian eta Gueñes Industrialdean kokatuko da (3.000 m2ko azalera) Sprilur-en pabilioi batean.
Jasun Filtración S.L. enpresak iragazki mota zehatz bat fabrikatu nahi du Euskadin, oso sofistikatua. Horretarako, 5 milioi eurotik gorako inbertsioa egingo du eta 10 lanpostu baino gehiago sortuko ditu Enkarterrietako eskualdean, zeinak etekina aterako baitio enpresaren jarduerari. Ikusirik Brexit-ak sortu duen ziurgabetasuna eta kontuan izanik Europarantz zabaltzeko duen asmoa, manufaktura enpresa honek kokaleku pribilejiatua aukeratu du, SPRI Taldeko sozietateek “Invest in the Basque Country” estrategiaren bitartez garatutako ekintzei esker.
Enpresak jakinarazi duenez, “Oso gustura gaude, ia urtebeteko lan eta prestakuntzen ondoren, orain badugulako oinarri bat Europa hegoaldeko merkatura zabaltzen hasteko”.
Jasun Envirocare enpresak 40 urtetik gorako ibilbidea du eta Erresuma Batuko aire-iragazkien fabrikatzaile handienetako bat da. Egoitza Somerset-en (UK) duen enpresa hau itzal handiko hornitzaile bat da, aire-iragazkien konponbide integralak eta energia eraginkortasuna optimizatzeko neurriak eskaintzen dituena kutsadura prebenitzeko eta, horrela, enpresa erabiltzaileek ingurumenean duten inpaktua hobetzeko. Orobat eskaintzen ditu aire garbia lortzeko konponbide integralak eta uraren higienerako zerbitzuak (garbiketa eta desinfekzioa).
1972an sortu zenetik, konpainiak ospe handia lortu du enpresa “berde” gisa ur eta aire higienikoen tratamendurako zerbitzu eta konponbideak eskainiz, eta berrikuntza arloko esperientzia handia du horrelako produktuen garapen, instalazio nahiz mantenimenduan. Badu baita ere merkataritza elektronikoko sistema propio bat bere onlineko produktu eta zerbitzuak saltzeko, ISO eta Eurove kalitate-baldintza guztiak betetzen dituena.
2014tik hona, atzerriko 92 enpresa kokatu dira Euskadin “Invest in the Basque Country” estrategiari esker
2018an hamasei enpresa atzerritar kokatu ziren Euskadin eta lehendik zeuden beste hogeita bik inbertsio berriak egin zituzten, 644 lanpostu sortuz eta 136,3 milioi euro inbertituz SPRI Taldearen “Invest in the Basque Country” estrategiaren bitartez. Kopuru hori duela urtebetekoaren bikoitza da. Ekonomi Garapen eta Azpiegitura Sailaren menpeko zerbitzu hori 2014an martxan jarri zenetik, 92 enpresa atzerritar kokatu dira Euskadin “Invest in the Basque Country” estrategiaren bidez, eta 476,1 milioi euro inbertitu eta 1.986 lanpostu sortu dituzte.
Lotutako albisteak
Epea eta aurrekontua zabaldu ditugu, adimen artifizialeko teknologiak barne hartzen dituzten eta Euskadiko enpresen datuen azpiegitura optimizatzen duten proiektuak babesteko.
Laguntza horiek Europar Batasunak finantzatzen ditu NextGenerationEU berreskuratze-planaren bidez, pandemiak eragindako kalteak konpontzeko eta etorkizun jasangarriago, digitalago eta erresilienteago baten oinarriak ezartzeko. Espainian, funts horiek Berreskurapen, Eraldaketa eta Erresilientzia Planaren bidez kudeatzen dira.
Eusko Jaurlaritzak eta Hithium enpresak akordio estrategikoa sinatu dute, Europako biltegiratze egonkorraren industria gidatzeko
Hitzarmenari esker, Euskadin biltegiratze egonkorreko sistemak fabrikatzea ahalbidetuko duen soluzio integral baten garapenean lan egingo da, erreferentziazko bazkide industrial batekin elkarlanean eta Euskal Autonomia Erkidegoko zentro teknologikoen babesarekin
Euskadiko industriaren ingurumen-hobekuntza bultzatzea, Deskarbonizazio Industrialerako Programaren bidez
20 milioi euro Euskadiko enpresen inbertsioei laguntzeko eta haien lehiakortasuna hobetzeko prozesuan laguntzeko, neutraltasun klimatikorako trantsizioan oinarritutako Europako eta mundu mailako testuinguruan.
Euskadiko Parke Teknologikoak, 2024an 8.243 milioi euro, 2023an baino % 11,5 gehiago, fakturatu zituzten 673 enpresa ditu dagoeneko
23.600 pertsonak baino gehiagok, gehienak kualifikazio handikoak, egiten dute lan Euskadiko Parke Teknologikoko sei Campusetan instalatutako enpresaren batean
Metal 78 enpresa ezarrita, Arcelorrek Zumarragan zuen lantegiaren berregokitze industriala abian jarri da
Arcelorrek Zumarragan garai batean zuen fabrikan industria eremuaren berroneratze integrala eta berregokitzea egiteko prozesuaren barruan kokatzen da enpresaren ezarpena, eta Eusko Jaurlaritzak 25 milioi euro inbertituko ditu bertan
Eusko Jaurlaritzak Legazpiko garai bateko Sidenorren lantegia berroneratzeko bigarren fasea jarri du abian, Urola ibaia azaleratzeko eta ingurua berrurbanizatzeko obrekin
Obrak egiteko 13 hilabeteko epea aurrez ikusi da, eta 5 milioi euroko inbertsioa egingo da
Zallako Elkartegi berriak Enkarterri eskualdeko garapen ekonomikoa eta lehiakortasuna sustatuko ditu enpresa berrien bidez
Zallako Elkartegi berriaren eraikuntza Eusko Jaurlaritzak (SPRILURen bidez) eta Bizkaiko Foru Aldundiak (AZPIEGITURAKen bidez) bultzatu dute, eta Enkarterri eskualdeko ekonomia suspertzeko hartutako konpromisoei erantzuten die, Eusko Legebiltzarrak lehentasunezko jarduketa-eremutzat (LJE) jo baitu
Xey enpresak Zumaian zuen lantegian 52.800 metro koadroko eremua egokitzeko lanak hasi ditu Sprilurrek
Sprilurrek Zumaiako Oikia industrialdean egingo duen berroneratzea degradatutako lurzoruak berreskuratzeko proiektuei lotuta dago, gero balioa emateko
Euskadiko Parke Teknologikoa Illunbera zabalduko da Donostiako Udalaren eskutik, enpresa-proiektu estrategikoak posible eginez, hala nola Columbus Venture Partners-ek gidatutakoa
Euskadiko Parke Teknologikoko presidente Jaione Ganzarainek eta Donostiako alkate Eneko Goiak gaur goizean formalizatu dute Illunbeko b.20.1 partzelaren salerosketa, eta, horrela, 2023. urtearen hasieran hasitako prozesua amaitu da.
Gueñeseko Bioekonomia Polo berria abian egongo da 2026aren hasieran, bioteknologian eta ekonomia zirkularrean oinarritutako trakzio-ekimenei harrera egiteko
Otsailean, erabilerarik ez duen 3.157 m²-ko espazio bat leheneratu eta berreraikitzeko lanei ekin die Sprilurrek, Enkarterriko etorkizuneko Bioekonomia Poloa izan dadin.