IndeusBerri: industria eta euskara uztartzen dituen informazioaren topagunea

Hibridalab Arabako Berrikuntza Irekiko eta Sormen Transferentziarako Zentroa. Gasteizko unibertsitate-eremuan kokatua, Conexiones improbablesek kudeatutako Hibridalab zentroak era guztietako enpresa eta erakundeekin lan egiten du berrikuntzara bideratutako hibridazio-proiektuak egiten (sektoreen arteko gurutzaketa), eta aitzindaria da Europa mailan. Arabako Berrikuntza Irekiko eta Sormen Transferentziarako Zentroa hainbat sektore eta dimentsiotako enpresei, hezkuntza- eta ikerketa-alorrei, kultura- eta sormen-sektoreei eta administrazio publikoei zuzenduta dago.

Wikidataren 10. urteurrenean, euskarazko azalpen-hitzaldia. Wikipediaren osagarri inportante batek, Wikidatak, hamar urte bete ditu 2022ko urri honetan. Euskal Wikilarien Kultur Elkarteak eta Informatika fakultateak hitzaldia antolatu dute baliabide inportante honen funtsa azaltzeko, datorren urriaren 26an, Donostiako EHUko Informatika fakultatean. Galder Gonzalez wikipedistak emango du hitzaldia eta ez da teknikoa izango, baizik eta orotarikoa, animatu eta etorri, interesgarria izango da.

EUSKARABILDUA jardunaldiak menpekotasun teknologikoa murrizteko tokiko eragileen arteko saretzearen indarra balioan jarri nahi du. Urriaren 27an egingo da Donostiako San Telmo Museoan. “Utopia existitzen da. Teknologia burujabea herritik eta herrira” da aurtengo edizioaren izenburua eta teknologia burujabetza sustatzen duten tokiko hainbat proiektu ezagutzeko aukera emango du, Euskal Herrikoak zein kanpokoak, besteak beste Bartzelonako Xnet egitasmoa aurkeztera etorriko dira bertako ordezkari Simona Levi eta Arnau Monterde.

ZORRI Industria Berriaren Spri Hiztegian. Gailu edo sistema informatiko bateko errore edo akats nahiko txikia, nahi gabeko emaitza sorrarazten duena. Programen diseinuan gertatu ohi diren akatsak: daltonismoa duten pertsonentzako kolore desegokiak, tamaina edo diseinu aldetik irakurtzeko zailak diren tipografiak dituzten testuak, inplikazio kulturalak (adibidez, kultura jakin batean lotsarekin edo isekarekin lotzen diren gorputz-atalak erabiltzea, edo identitate-ezaugarri kultural edo erlijioso duten sinboloak erabiltzea), etab.

Etorkizuneko lan munduari begirada partekatua eskaintzeko helburuarekin dator aurtengo ENPRESAREAN azoka. Euskaraz lan egin nahi duten enpresen eta profesionalen arteko harremana eta elkarlana sustatzeko helburuarekin sortu zen azoka azaroaren 3an egingo da, Orona Ideoren egoitzan goizeko 9etan hasita, ongizateaz, lehiakortasunaz eta adimen artifizialaz aritzeko. Ekintzaileei zuzenduriko Arin-arin saioa egingo da. Parte-hartzaileek haien ideiak edo proiektuak hiru minututan azaldu beharko dituzte, arin eta labur.