Bilakatu 2022

Laguntza ematen diegu beren jarduera Euskadin birlokalizatu edo dibertsifikatu nahi duten euskal enpresei

Laster Sartu zure espedientean. Sartu hemen.

Bilakatu 2022

25 milioi euro EAEko dibertsifikazio, “reshoring” edo gaitasunen birlokalizazio prozesuekin lotutako produkzio-gastuak eta -inbertsioak bultzatzeko.

 

Bilakatu 2022 laguntza programaren helburua da Covid-19aren ondorioak jasan dituen euskal industria-sarea indartzea. Zehazki zuzentzen zaie Euskadin birlokalizatzeko ereduen alde egin duten enpresei, baldin prest badaude produkzio-inbertsioak egiteko eta inbertsio horien bidez beren jarduera dibertsifikatzeko negozio-ildo, produktu, zerbitzu, merkatu, eta abar berrien bila.

Euskadiko erauzketa, produkzio eta eraldaketako enpresa industrialek eta produktu-prozesu industrialari lotutako zerbitzu enpresek euren jarduera dibertsifikatu eta produktu nahiz zerbitzu berritzaile berriak sortu behar dituzte, produkzio-hobekuntzetan inbertituz, zeren hobekuntza horien bidez gai izango baitira pandemiak eragindako krisia gainditzeko.

Epeak

Hasiera data: 2022-03-11
Amaiera data:
2022-05-06, 12:00retan
Zer eskaintzen du?

Bilakatuk eskaintzen dizu

Itzuli beharrik gabeko dirulaguntza, gehienez milioi bat eurokoa enpresako, negozio-ildo berriak abiarazteko.

Emaitzak hobetzera eta hazkundea bultzatzera bideratutako produkzio-inbertsio berriei aurre egiteko aukera.

Euskaditik kanpo deslokalizatuta zeuden gaitasunak eta baliabideak birlokalizatzeko aukera.

Covid-19ak eragindako krisiaren ondorioak gainditzeko laguntza, hazkunde eta zabalkunde estrategietan inbertituz.

Zertan laguntzen dizu?

Bilakatuk laguntzen dizu

  • Industria-instalazio edo -ekipamendu berriak berritzea edo erostea.
  • Produkzioa hobetzea makineria eta tresna berriekin.
  • Jabetza industrialarekin eta patenteekin lotutako kostuak.
  • Programa eta ekipo informatiko berriak eskuratzea.

Ezagutu xehetasunez programa hau

 Araudia
Norentzat da?

Bere jarduera Euskadin kontzentratu nahi duen enpresa bat zara?

Enpresa industrial bat zara eta prest zaude jarduera dibertsifikatzera bideratutako produkzio-inbertsioak egiteko?

Mikroenpresak, Enpresa Txiki eta Ertainak eta Enpresa Handiak agindu honetan jasotako dirulaguntzen onuradun izan daitezke, baldin eta erauzketa, produkzio edo eraldaketako industria-enpresak badira edo zerbitzuak (produktu-prozesu industrialari lotuak) eskaintzen badituzte era horretako enpresentzat, betiere laguntza-gai diren inbertsioak Euskal Autonomia Erkidegoan kokatzen badira.

Itzuli beharrik gabeko dirulaguntza bat emango dizugu: inbertsioaren % 10erainokoa enpresa handia bazara eta % 15erainokoa ETEa bazara. Gehieneko zenbatekoa proiektuko eta enpresako: 1.000.000 €.

Inbertsioak gauzatzeko epea 2022eko urtarrilaren 1etik 2023ko abenduaren 31ra bitartekoa izango da.

Eskatu hemen

Lortu laguntzak orain eta ireki zure enpresa negozio eta merkatu berrietarantz.

Bete zure eskaera itzuli beharrik gabeko Bilakatu dirulaguntzak lortzeko.

Plazo 2022 cerrado

Sartu zure espedientean. Sartu hemen.

Zalantzaren bat duzu?

Euskal enpresarentzako arreta zerbitzua

Telefono zenbakia 900 929 393

Galdetu hemen