Barne-ekintzailetza: aukera irabazlea


Euskal enpresa-ehunaren lehiakortasuna emendatzea erronka da eta horren kariaz, bertako erakundeak askotariko ekimenak abiarazi dituzte aunitz arlotan. Horietako bat da, hain zuzen ere, enpresen eraldaketarako eta berrikuntzarako barne-ekintzailetza sustatzea. Merkatuan dauden enpresek beren gaitasunak hedatu egiten dituzte beharrizan eta ezaugarrien araberako prozesu egituratuen bidez, eta negozio-lerro, produktu edo zerbitzu berriak garatzen dituzte, erakundea osatzen duten pertsonen ekintzailetasuna bultzatuz.

 

Hain zuzen ere, hauxe da Jarduera Ekintzailea Laguntzeko Erakundeen arteko Planaren bost jardun-lerroetako bat: Barne-ekintzailetza sustatzea, hau da, euskal enpresen gaitasunak emendatzea proiektu, negozio eta produktu berriak abian jartzeko. Barrutik ekin; enpresatik eta enpresarentzat.

 

Jardun-lerro hau bideratzeko, Ekonomiaren Garapena eta Azpiegitura Sailak, Spri-rekin batera, prestakuntza, aholkularitza eta finantza-laguntzako baliabideak eskaintzen ditu. Horretarako, jarduera eta zerbitzu-sorta egituratu du, Araba, Bizkaia eta Gipuzkoako Enpresa eta Berrikuntza Zentroen (EBZ) laguntzarekin.

 

Ekimena 50 langiletik gora dituzten industria enpresei zuzentzen zaie nagusiki, baina irekita dago bestelakoak ere sartzeko, beti ere, aberastasun eta enplegua sortzeko gaitasun handia duten proposamenak aurkeztuta.

 

Informazioa eta sentiberatzea

Barne-ekintzailetzari buruz interesa sortu nahi da, eta euskal enpresen artean lehiakortasunerako lerro hau garatzearen egokieraz ohartarazi nahi dira. Askotariko euskarriak eta kanalak baliatu dira horretarako (blog Up Euskadi), Spri.ren eta EBZ-en kanalak, eta abar), non arrakasta-kasuen inguruko erreferentziak, barne-ekintzailetza prozesuaren ezaugarri giltzarri eta antzekoei buruzko informazioa eskuratu baitaitekeen.

Jardun-lerro honetan azpimarratzekoa da euskal enpresa eragileek jokatzen duten zeregina. Beren esperientziak azalduta, balio handiko ikaspenak zabaltzen ari dira negozio berriak abiatzeaz edo produktu berriak sortzeaz, eta horrez gain, talentu ekintzailea ezagutarazten laguntzen dute.

 

Networking

Ekintza hauekin harreman-sarea eratu nahi da, beren erakundeetan kultura ekintzailea sustatu dute edota sustatzen ari direnen artean. Agerraldiak, hitzaldiak eta abar egiten dira arlo akademiko zein enpresarialeko adituekin, ezagutza gehigarria eskainiz eta barne-ekintzaileen komunitate aktiboa sortzen lagunduz.

Ekintza hauen artean azpimarratzekoa da “Topaketak”, izenekoa, hau da, enpresa eragileen egoitzatan bertan bi hilez behin egiten diren topaketak. Parte hartzaileek arrakasta-kasuak bertatik bertara ezagutzeko aukera dute, eta horrez gain, elkarrizketa eta ikuspegi trukaketa erraztu egiten da.

 

Prestakuntza

Mintegiak ere egiten dira barne-ekintzailetzaren elementu giltzarrietan sakontzeko, hasi ideien kudeaketatik eta inplementazio-eredu, finantzakta, baliabideen kudeaketa eta abarreraino. Mintegietan goi-mailako irakasle-taldea dago, ikuspegi praktiko eta akademikoa uztartu egiten dutenak.

 

Akonpainamendu aditua

Ekimen honen bidez interesa duten enpresen esku jartzen da akonpainamendu profesionala, barne-ekintzailetza prozesuak bizkortzea helburu duena. Prozesua enpresekin batera definitu egiten da, beti ere, beren egoera, beharrizanak eta helburuak kontua hartuta. “Neurriko soinekoa” egiten da, erakundeak berak bere helburuak ezartzen ditu eta akonpainamendurako aukeratu den laguntza aditua berau zuzendu eta monitorizatu egiten du.

 

Bestelako tresnak

Erakunde bakoitzean garatzen ari diren proiektuen heldutasun-maila ikusita, Ekimenaren bitartez bestelako laguntza-bideak ere eskaintzen dira, besteak beste, finantzaketa-programetarako lehentasunezko sarbidea.

Informazio gehiago izateko, jo ezazu Up Euskadi blogera non ekimenaren berri eguneratua, albisteak, arrakasta-kasuak, artikulu gomendatuak eta abar ikusi ahal izango dituzun.

 

Informazioa eta Sentiberatzea I Networking I Prestakuntza I Akonpainamendu aditua

 

Business and Innovation Centres (BICs) imagen spri flecha

 

“Informazio gehiago izateko, jo ezazu Up Euskadi blogera non ekimenaren berri eguneratua, albisteak, arrakasta-kasuak, artikulu gomendatuak eta abar ikusi ahal izango dituzun. Horrez gain, Ekimenaren azalpen-eskuorria ere kontsultatu dezakezu”.
 
Azken ordukoa!