Lehiakortasunari buruzko Biltzarra datorren azaroaren 24an izango da, Donostiako Kursaalen

Datorren azaroaren 24an, Orkestra-Lehiakortasunerako Euskal Institutuak Lehiakortasunari buruzko 2021eko Biltzarra egingo du eta SPRI Taldearen laguntzaz prestatu duen. Txosten honen ondorio nagusiak aurkeztuko ditu.Euskal Autonomia Erkidegoko lurralde estrategiaren oinarriak ditu aztergai, baita lurraldearen egoera ere, lehiakortasunari eta ongizateari dagokionez.

Lehiakortasunari buruzko Txostenak aukera ematen digu, urtero, Euskal Autonomia Erkidegoko lehiakortasuna aztertzeko eta erronkak identifikatzeko; joerak, aukerak eta mehatxuak antzemateko; eta eztabaidetan eta erabakiak hartzeko prozesuetan eragiteko.

Andrés Rodríguez-Poseren hitzaldia ere izango da, Europan berrikuntza politika egokien bilaketaren inguruan. Rodríguez-Pose London School of Economicseko (LSEko) Geografia Ekonomikoko katedraduna eta Asturiasko Printzesa Katedrako zuzendaria da.

Gainera, Utrecht-eko (Herbereheak) eta Jönköping-eko (Suedia) unibertsitateetako honoris causa doktorea da eta Europako Ikerketa Kontseiluko (ERC) beka aurreratu bat jaso du. Nazioarteko sari ugari jaso ditu; bederatzi liburu idatzi ditu; eta ehun artikulu baino gehiago argitaratu ditu aldizkari zientifiko garrantzitsuenetan. Europako Batzordearekin, Munduko Bankuarekin edo Europako Inbertsio Bankuarekin lan egiten du.

Hitzaldiaren ondoren, solasaldi irekia izango dute Rodríguez-Posek berak, Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak, eta Mari Jose Aranguren Orkestrako zuzendari nagusiak.

Biltzarra Kursaaleko Ganbara Aretoan izango da, Donostia. Zuzenean jarraitu ahal izango da, gainera, streaming bidez. Aurrez aurre zein streaming bidez jarraitzeko, esteka honetan eman behar da izena: http://bit.ly/ConferenciaCompetitividad

Lotutako albisteak

15 maiatza, 2024 Berrikuntza

Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa

Irakurri gehiago

15 maiatza, 2024 Berrikuntza

Lan-Flaten doitasun handiko granitozko neurketa-ekipamenduak garatzen dira

Irakurri gehiago

14 maiatza, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

8 maiatza, 2024 Berrikuntza

Innoledge, berrasmatzea eta egokitzea nortasun-ezaugarri gisa

Irakurri gehiago

6 maiatza, 2024 Berrikuntza

SPRI Taldeak ADR Foroaren bileran parte hartu du Ceutan

Irakurri gehiago

Joan blog-era