Global Futurizer, talentu gaztea eta Bizkaiaren etorkizuna bultzatzen duen programa

Global Futurizer programak talentu gaztearen aldeko apustua egin du Bilboko Portuarekin (Bilbao Port) batera, eta edizio berri bat abiarazi du, Portuko Agintaritzaren eta unibertsitateko ikasleen arteko lankidetzaren bitartez, konponbideak bilatzeko berrikuntzarekin eta gizartearekin lotutako gaur egungo hiru erronka estrategikorentzat. Hauek dira hiru erronka horiek: plan estrategiko bat definitzea Bilboko itsasadarraren erabilpenerako; modu bat bilatzea merkatuan zerbitzu berri bat sartzeko; eta modu bat bilatzea kultura kolaboratzaile bat sortzeko emakumeen, gazteen eta pertsona nagusien artean.

Programak hilabeteko iraupena du (martxoaren 11tik apirilaren 8ra), eta denbora horretan hainbat saio antolatuko dira, zeintzuen bidez gazteen arteko lankidetza sustatuko baita gaur egungo erronkei konponbideak bilatzeko. Lantalde irabazleak 1.000 euro jasoko ditu bere dedikazioagatik, eta sariak egongo dira lantalde berritzaileenarentzat edo taldeko lan onenarentzat.

Programan parte hartzen duten lantalde guztiak design thinking, lean eta agile tekniketan murgilduko dira, lau asteko prestakuntza eta mentoring saio osagarrien bidez.

Erronkek zerikusi zuzena dute puri-purian dauden gaiekin, esaterako, itsasadarraren plangintza eta ustiapena, plataforma kolaboratzaile bat sortzea hiru jende-multzo minoritariorekin eta produktu berri bat merkatuan zabaltzeko prozesua garatzea.

Azkenik, gazteek asmatutako konponbideak apirilaren 8an aurkeztuko dira BBF-Bilbao Berrikuntza Faktorian. Arlo desberdinetako epaile espezializatuek ebaluatuko dituzte konponbide horiek eta lantalde irabazlea aukeratuko dute.

Global Futurizer programa Solid enpresan sortu zen (Z belaunaldiarentzako programa, ekitaldi eta kanpainen sorkuntzan espezializatutako enpresa) Bilboko Portuko Agintaritzaren lankidetzarekin, zeinak uste osoa baitu gazteen talentuan eta berrikuntzan.

Lotutako albisteak

15 maiatza, 2024 Berrikuntza

Saizarlan, kartoizko kaxen plastikozko heldulekuak biodegradagarriak izateko proiektu berritzailea garatzen ari den ETEa

Irakurri gehiago

15 maiatza, 2024 Berrikuntza

Lan-Flaten doitasun handiko granitozko neurketa-ekipamenduak garatzen dira

Irakurri gehiago

14 maiatza, 2024 Berrikuntza

Sustatu berrikuntza-proiektuak zure enpresan Fast Track Innobideak ekimenarekin

Irakurri gehiago

8 maiatza, 2024 Berrikuntza

Innoledge, berrasmatzea eta egokitzea nortasun-ezaugarri gisa

Irakurri gehiago

6 maiatza, 2024 Berrikuntza

SPRI Taldeak ADR Foroaren bileran parte hartu du Ceutan

Irakurri gehiago

Joan blog-era