Euskal enpresaren blog-a Zure enpresarentzat garrantzitsua den eguneroko informazioa

12 Marzo, 2020
“EATendencias” txostenak elikaduraren etorkizuna markatuko duten indarrak identifikatu ditu

AZTI Tecnalia-k eginiko azterlan hori Europako EIT Food proiektuaren barruan kokatzen da

AZTI Tecnalia-k eginiko azterlan hori Europako EIT Food proiektuaren barruan kokatzen da

Ingurumenarekin konprometituak, beren osasunarekin arduratuak, uneoro konektatuak eta sukaldean aritzeko denbora gutxi dutenak. Horixe da kontsumitzaile berrien profila, EATendencias txostenaren arabera. Ikerlan hori Europako EIT Food ekimenaren barruan egin da. EIT Food partzuergo bat da, Europako Batzordearen Horizon 2020 programaren barruan kokatzen dena eta helburutzat duena berrikuntza sustatzea elikaduraren sektorean. AZTIk zuzentzen du proiektu horren hegoaldeko gunea, Eusko Jaurlaritzaren laguntzarekin (Ekonomi Garapen eta Azpiegitura Sailaren bitartez).

 

Txosten honen helburua da jakitea zeintzuk diren elikatzeko modua aldatzen ari diren joerak,  helburutzat harturik nekazaritza eta elikadura sektoreari laguntzea eraldaketa honi aurre egiten eta merkatuko eskaera berriei erantzungo dieten I+G+B-ko proiektu berriak bultzatzea. Horretarako, hainbat adibide berritzaile jaso ditu, ongi markatzen dutenak elikadurako produktu eta zerbitzuek datozen urteetan har dezaketen bidea.

 

“EATendencias” txostenak osasunarekin, jasangarritasunarekin edo janariaren alderdi emozionalagoekin lotutako bederatzi indar detektatu ditu. Lehenik eta behin, balore etikoek eta gardentasunak baldintzatutako elikadurarantz goaz. Produktuen ingurumen-aztarna eta tokiko ekonomian duten inpaktua gero eta faktore garrantzitsuagoak dira erosketei buruzko erabakiak hartzean. Azterlanak dioenez, 40 urte baino gutxiagoko kontsumitzaileen % 70 baino gehiago prest legoke gehiago ordaintzeko jatorri jasangarria duten produktuengatik.

 

Bada beste joera bat, dieta pertsonalizatuena. Informazioa eskuratzeko erraztasunak eta osasunarekiko kezkak eraginda, pertsona bakoitzaren premia nutrizional espezifikoen araberako produktuak sortu dira. Txosten honek hainbat adibide jaso ditu, esaterako, ADN analisietan oinarritutako dietak edo osasunaren alderdi zehatz bat hobetzera bideratutako mokaduak. Konektagarritasunari eta datuen erabilerari dagokionez, badago beste joera bat, elikadura adimendunarena, elikagaien osagaiei eta ingurumen aztarnari buruzko informazioa ematen duten aplikazioekin.

 

Bestalde, bizi-ohiturek on the go elikadurarantz garamatzate, hau da, azkar prestatzen diren baina aldi berean osasuntsuak diren produktuetarantz. Zentzu horretan, hainbat enpresak do it yourself filosofian inspiratutako kit-ak sortu dituzte. Kit horiek berekin dakartzate plater bat denbora gutxian prestatzeko behar diren osagaiak. Azkenik, aipatzekoa da, orobat, plazerarekin, dibertsioarekin eta sorpresarekin lotutako elikadura. Txostenak dioenez, esperientziaren ekonomian bizi gara, eta hori mahairaino iritsi da. Adibide inspiratzaile gisa, “EATendencias txostenak bere orrietan jaso ditu Londreseko kaleetako giroa gogorarazten duten patata frijituak edo itsaspeko esperientziak ematen dituen jatetxe bat.

Berrikuntza 1 abendua, 2020
Euskadi da 2019an I+Gn gehien inbertitu duen Estatuko lurraldea (BPGren % 1,97)

Ekonomiaren Garapeneko, Jasangarritasuneko eta Ingurumeneko sailburuak INEren (Estatistikako...Leer más

Berrikuntza 25 Azaroa, 2020
Boletin autonomoak eta mikroenpresak (Prestakuntza-Inplantalariak)

MARKETIN DIGITALAEstrategia digitala sortu zure bezero potentzialak erakartzeko.  Blog...Leer más

Berrikuntza 23 Azaroa, 2020
Abian da BBDWeek, sormena eta industria hibridatzeko aukerak

  Kultura- eta Sormen-industriak garrantzia hartzen ari dira Europan sektore estrategiko...Leer más

Berrikuntza 20 Azaroa, 2020
Bizkaia Plaza eraikineko Erakunde Publikoek EUSKARALDIArekin bat egin dute 30 Arigune eta 100dik gora Ahobizi eta Belarriprestekin

Bilboko Bizkaia Plaza eraikinean kokatutako Erakunde publikoek, hau da Energiaren Euskal...Leer más

Berrikuntza 18 Azaroa, 2020
Sprilur Eraikune-k antolatutako Eraikuntza Aurreratuaren eta Arkitektura Jasangarriaren Europako Kongresuan

  Sprilur-ek parte hartuko du Eraikune-Euskadiko Eraikuntzaren Klusterrak antolatutako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?