Eusko Jaurlaritzak segurtasun-neurriak zorrozteko beharra berretsi du, eta euskal industriak sektore sozio-sanitarioarekin duen konpromisoa eskertu du

Ekonomiaren Garapen eta Azpiegitura Sailak enpresei bidalitako azalpen-oharraren ondoren, industria-jardueraren zati txiki bat funtsezko sektoretzat jotako sektoreetan mantentzen da, baita funtsezkoena bermatzeko ezinbestekotzat jotako jardueretan ere. Ildo horretan, Eusko Jaurlaritzak Ekonomiaren Garapen Sailak bidalitako Segurtasun eta Osasun Protokoloa zorrotz betetzeko deia egiten du, Osasun Sailak eta Osalanek gomendatutako neurriekin.

Lehentasuna birusaren hedapena eragoztea da oraindik ere, eta, aldi berean, beharrezkoa da egoera prestatzea jarduera ekonomikoa eror ez dadin eta ahalik eta enplegu gehien manten dadin.

Landu eta bidali diren protokoloak bi dira: bata industriari zuzendutakoa eta bestea elikagaien balio-katerako bereziki landutakoa (arrantza, nekazaritza, abeltzaintza eta elikagaien industriak). Biek modu argi eta ulergarrian jasotzen dituzte Osasun Sailak eta Osalanek ezarritako arauak eta gomendioak.

Eskertza euskal industriari

Era berean, Eusko Jaurlaritzak zoriondu eta eskertu egiten du euskal industriaren kopuru handi baten eta Euskadiko sistema teknologiko osoaren inplikazioa, gizartearen behar sozial eta sanitarioen zerbitzura jartzeagatik.

BRTAko eragile teknologiko guztiak eta kluster industrial guztiak, salbuespenik gabe, bakoitza bere esparrutik ahalegin guztia egiten ari dira Covid19aren aurrean erantzuna ematen.

Laguntza-formulak askotarikoak dira: ikerketa-lerroen azelerazioa, mugikortasunaren esparruko manufaktura-enpresetatik arnasgailuen ekoizpena, eta norbera babesteko materialen edo norbera babesteko ekipamenduen hornikuntza-katea osatzeko serieko piezen fabrikazioa.

Nolanahi ere, sektore guztietan daude beren ekoizpenaren zati bat koronavirusaren aurkako borrokan zentratzeagatik dibertsifikatu duten enpresak.

Horri gehitu behar zaizkio Euskadin osasun-arloko jarduera errazteko material oso garrantzitsua ematen ari diren ehunka enpresaren elkartasun-keinuak.

Enpresa traktore asko, ETEak, eta ekintzaileak izan dira dahaintzan profesionalentzako ibilgailu elektrikoak, norbera babesteko ekipamendu-kopuru handiak, berariaz fabrikatutako arnasgailu inbaditzaileak eta ez-inbaditzaileak, instalazioak, laborategiak eta ekipoak, garraiorako kamioi-flota, gel hidroalkoholikoaren fabrikazioa, maskarak eta babes-materiala kanpoan erosteko sistemen zerbitzuak, eman dituztenak

Informazio gehiago

Lotutako albisteak

18 apirila, 2024 Berrikuntza

Ikasplay, Gipuzkoako enpresa aitzindaria prestakuntza-esperientzia murgiltzaile eta elkarreragileak sortzen

Irakurri gehiago

16 apirila, 2024 Berrikuntza

Genero-berdintasunik handiena duten enpresek berrikuntza maila handiagoa izaten dute eta lehiakorragoak dira

Irakurri gehiago

15 apirila, 2024 Berrikuntza

Arreguik erantzun egiten dio eraikinetako behar berriari, etxean egon gabe paketeak jasotzeari

Irakurri gehiago

11 apirila, 2024 Berrikuntza

B Corp izatea, enpresen indarra mundua aldatzeko erabiltzea da

Irakurri gehiago

9 apirila, 2024 Berrikuntza

STEM unibertsoan emakumeen talentua sustatzera bideratutako saio batean parte hartu du SPRIk

Irakurri gehiago

Joan blog-era