Innobideak Prestakuntza 2018. Prestakuntza kudeaketa aurreratuan

10 urtarrila, 2018

Testuinguru sozioekonomikoa betirako aldatu da, eta euskal enpresek, eta ETEek bereziki, egokitzeko modu hoberena aurkitu behar dute. Euskal industriak ikuspegi kontzeptual eta estrategiko berria behar du, industria berria fabrikazio aurreratuaz harago doalako.
Eusko Jaurlaritzaren Ekonomiaren Garapen eta Azpiegitura Sailak diseinatutako Innobideak estrategiak lehiakorrago izaten laguntzen die enpresei, eta estrategia horren esparrukoa da Prestakuntza programa. Programa hori doako prestakuntza moduluz osatuta dago; SPRIk gauzatzen ditu EUSKALITekin lankidetzan, eta Kudeaketa Aurreratuko Ereduaren sei elementuetan aurrera egiteko diseinatuta daude, eredu hori baita programaren erreferente nagusia. Sei elementu horien bidez, enpresek berrikuntza gauzatu eta lehiakorrago izatea lortuko dute; honako hauek dira: Estrategia / Bezeroak / Pertsonak / Gizartea / Berrikuntza eta Emaitzak.

Nagusiki praktikoa den metodologia baten bidez, parte hartzen duten pertsonek adibideak eta jarraibideak landuko dituzte, beren enpresetan une bakoitzean sortzen diren kontzeptuak aplikatzeko. Industria enpresetako eta industriarekin lotutako zerbitzu enpresetako (erauzteko industria jarduerak gauzatzen dituzten enpresak, jarduera eraldatzaileak edo ekoizpenekoak gauzatzen dituztenak, aurrekoetako ekoizpen prozesuekin eta Informazioaren eta Komunikazioen Gizartearekin lotutako zerbitzu teknikoak ematen dituztenak) gerenteei eta zuzendariei zuzenduta dago. Ekimena doakoa da, eta modulu independentez osatuta dago. Modulu horiek goiz bateko iraupena dute, eta pertsona bakoitzak nahi beste modulutan izena eman ahal izango du. Horietan, Kudeaketa Aurreratua osatzen duten eta Kudeaketa Aurreratuaren Ereduan jasota dauden elementuei buruzko jakintza eta oinarrizko kontzeptuak landuko dira.

Innobideak_Prestakuntza 2018

Enpresa-agenda

Bila zabiltzan ekitaldia aurkitzen lagunduko dizugu

Erlazionatutako artikuluak

Orobat interesa dakizuke

View all arrow