Euskadik eta Nuevo León estatuak (Mexiko) 4.0 Industriaren arloko lankidetza bultzatu dute

Euskal ordezkaritza bat Mexikoko estatua bisitatzen ari da, 2018an SPRI Taldearekin sinatutako akordioan sakontzeko

Eusko Jaurlaritza merkataritza-misioa egiten ari da ostiralera arte Mexikoko Nuevo León estatura, bi aldeek 4.0 industriaren arloan sinatua duten lankidetza-akordioaren harira. Estíbaliz Hernáez Teknologia, Berrikuntza eta Lehiakortasuneko sailburuordea eta Alex Arriola SPRI Taldeko zuzendari nagusia buru, euskal ordezkaritzak Monterrey hiriko zentro teknologikoa bisitatu du.

Nuevo León estatuak lankidetza-akordioa sinatu zuen 2018ko azaroan SPRI Taldearekin 4.0 industriaren arloko ezagutza eta jardunbide egokiak partekatzeko, bi herrialdeetako profesionalen trukea sustatzeko eta ekintzailetzaren alde lan egiteko, Eusko Jaurlaritzak abian duen Bind 4.0 programa arrakastatsua eredutzat hartuz.

Gainera, Nuevo León lehentasunezko estatuetako bat da Euskadik Mexikon abian duen nazioartekotzeko-estrategiaren barruan, estatu horren potentzialtasun ekonomiko eta teknologikoagatik, ordezkatzen duen industria motagatik eta euskal enpresen interesagatik. Nuevo León estatuak Nuevo León 4.0 deritzon estrategia diseinatu du Basque Industry 4.0 euskal estrategiaren oinarriei jarraiki, eta estatu aitzindaria da Mexikon 4.0 industria deritzonaren sustapena zabaltzeko ahaleginean. Egun, Mexikok 170 euskal enpresa ingururen 211 ezarpen biltzen ditu, eta euskal inbertsiorik handiena duen herrialdea da, Txinarekin batera.

Asteazkenean hasitako bidaia Monterrey hirian garatuko da lankidetza-akordioaren jarraipena egiteko, eta Roberto Russildi Nueva León estatuko Ekonomia eta Laneko idazkariarekiko bilera bat ere antolatuko da, joan den martxoan Euskadira egindako bisitan Arantxa Tapia Ekonomiaren Garapen eta Azpiegituretako sailburuarekin izan zuen topaketari jarraipena emanez.

Misioa osatzeko, bisitak eta bilerak egingo dira Mexikoko unibertsitate eta zentro teknologikoekin, Ikerketa eta Berrikuntza Teknologikoko Parkea eta Monterrey Digital Hub delakoa tarteko direla.

Lotutako albisteak

26 apirila, 2024 Digitalizazioa

Telekomunikazioen, zibersegurtasunaren eta cloudaren arloko berritasunak erakutsiko dituzte maiatzean 130 enpresak baino gehiagok

Irakurri gehiago

26 apirila, 2024 Digitalizazioa

Kaytek, digitalizazio industriala iraultzen ari den Barakaldoko startupa

Irakurri gehiago

26 apirila, 2024 Digitalizazioa

Gastuen kontroletik hasi eta fakturen digitalizaziora arte, klik batera Sabbatic-en soluzioekin

Irakurri gehiago

24 apirila, 2024 Digitalizazioa

114 enpresak hartu dute parte Euskadiko industriaren digitalizazioa sustatzeko kongresuan

Irakurri gehiago

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

Joan blog-era