Euskadiko Nazioartekotze Agentziak Costa Ricako negozio aukerak azaldu ditu

SPRI Taldean (enpresen garapenerako euskal agentzia) integratutako Euskadiko Nazioartekotze Agentziak (Basque Trade & Investment) hizpide hartu ditu Costa Ricako negozio aukerak. Costa Ricako Kanpo Merkataritza sustatzeko Procomer erakundearen eskariz antolatu da topaketa hori.

Euskadiko Nazioartekotze Agentziako zuzendari nagusi Ainhoa Ondarzabal izan da topaketako buru eta eskerrak eman dizkio Costa Ricako ordezkaritzari Euskadira etortzeagatik. Ordezkaritza horren barruan etorri dira baita ere Alexander Mora Kanpo Merkataritzako ministroa eta Doris Osterlof Costa Ricak Espainian duen enbaxadorea. Topaketan argi gelditu da Costa Ricari interesatzen zaiola merkataritza arloko harremanak egiten jarraitzea Euskadirekin, horren erakusgarri delarik orain arte jasotako bisitak, adibidez, Ramos Welber Ekonomiako ministroarena.

Kanpo Merkataritzako ministro Alexander Morak funtsezko hainbat datu eman ditu Costa Ricari buruz, esaterako, hazkunde perspektiba optimoak dituela eta euskal enpresentzat bereziki interesgarriak diren sektoreak eskaintzen dituela, hala nola, azpiegiturak, telekomunikazioak, energia berriztagarriak, mugikortasun elektrikoa eta hidrogeno bidezko mugikortasuna, ingurumena eta burdinbideak.

Doris Osterlof enbaxadoreak eta Procomer erakundeko zuzendari Jorge Zamorak hizpide izan dituzte atzerriko inbertitzaileei eskaintzen zaizkien abantailak eta atzerriko enpresek Costa Rican ezartzeko dauzkaten erraztasunak.

Lotutako albisteak

24 apirila, 2024 Basque Trade & Investment

B-WOMENIN Global, euskal enpresen nazioartekotzean emakumearen presentzia sustatzeko programa berria

Irakurri gehiago

24 apirila, 2024 Basque Trade & Investment

Italiako makina-erremintaren merkatua,, euskal enpresentzako aukera BasqueTrade-n azken txostenaren arabera

Irakurri gehiago

24 apirila, 2024 Nazioartekotzea

Qassayk osasun irakurleak garatzen ditu minbizia edo diabetea bezalako gaixotasunak diagnostikatzeko helburuarekin

Irakurri gehiago

24 apirila, 2024 Basque Trade & Investment

Basque Trade & Investment-ek merkatu aeronautiko britainiarrak euskal enpresentzat dituen aukerak aztertzen ditu

Irakurri gehiago

23 apirila, 2024 Basque Trade & Investment

Basque Trade & Investment-ek euskal eta japoniar enpresen arteko lankidetza hidrogenoaren sektorean sustatzen du

Irakurri gehiago

Joan blog-era