Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 12 apirila, 2018 Berrikuntza Digitalizazioa Ekintzailetza Berrikuntza soziala Fast Track Innobideak programa UP Euskadi

Erasmus bat kultur- eta sorkuntza-arloko ekintzaile berrientzat

Europako programa horrek aukera ematen du ongi errotutako enpresekin kolaboratzeko.

 

Europako programa horrek aukera ematen du ongi errotutako enpresekin kolaboratzeko.

Erasmus for Young Entrepreneurs Europako Batzordeak bultzatutako truke-programa bat da. Negozio-ideia propioa garatu nahi duten ekintzaileei zuzenduta dago, aukera ematen dielarik prestakuntza-egonaldiak egiteko beste herrialde batzuetako ETEetan, eta horrela, beren ezagutzak zabaltzeko. Esperientzia zabala duen enpresari batek hartuko ditu, zeina ekintzaileen tutore bihurtuko baita prestakuntza-egonaldiak dirauen bitartean (1-6 hilabete). Europako programa hori jarduera sektore guztietara zuzenduta dago, eta izena gorabehera, ez dago adin-mugarik parte hartzeko.

 

Erasmus for Young Entrepreneurs programaren barruan, ildo berezi bat bultzatu da kultur- eta sorkuntza-arloko industrientzat (KSI), Excite 2.0 proiektuaren eskutik. Europako zortzi bazkidek (besteak beste, Arabako C2+i kultur aholkularitzak) sustatzen dute ekimen hori, eta helburutzat du enpresa berrien eta sektorean ongi finkatutako ETEen arteko trukea bultzatzea.

 

Excite 2.0 beraizik zuzentzen zaie garatu beharreko negozio-plan bat duten ekintzaileei eta 3 urte baino gutxiagoko antzinatasuna duten proiektuei. Programako parte-hartzaileek 1-6 hilabete bitarteko egonaldi bat egin ahal izango dute kultur- eta sorkuntza-sektoreko enpresa batean. Enpresa hori Eslovakia, Eslovenia, Austria, Alemania, Holanda, Suedia edo Serbian kokatuta egon liteke. Bestalde, ekimena zabalik dago orobat KSI sektoreko ETEetako arduradun diren eta tutore gisa parte hartu nahi duten enpresarientzat.

 

Asmoa da prestakuntza-prozesua onuragarri izan dadila bi alderdientzat. Batetik, ekintzaile berriak hurbiletik ikasiko du nola funtzionatzen duen kultur- eta sorkuntza-industrien sektoreak, eta lehen eskuko ezagutza praktikoak barneratuko ditu. Bestetik, ETEko arduradunak enpresari buruzko ikuspegi berri bat izango du eta beste arlo batzuetako ezagutzak barneratuko ditu, oso baliagarri izan daitezkeenak bere produktuak, zerbitzuak edo prozesuak hobetzeko.

 

Erasmus for Young Entrepreneurs ekintzaileentzako truke-programa europarrak ibilbide luzea du. Azken 9 urteotan, ia 9.900 ekintzaile berrik eta 5.800 bat enpresatako arduradunek parte hartu dute ekimen horretan. Trukeak sektore oso desberdinetan egin dira, eta, batik bat, alderdi hauek lantzen dituzten enpresetan: marketina eta publizitatea, hezkuntza, arkitektura, IKTak, turismoa eta aholkularitza.

Lotutako albisteak

14 Marzo, 2024 Berrikuntza
Alkizabalgo plataforma jasotzaile elektriko berria jasangarriagoa da: zero gas-isuri eta zarata murrizketa
Irakurri gehiago
11 Marzo, 2024 Berrikuntza
Stay Bigelek hezkuntzaren arloko metodologia berritzaileen aldeko apustua egiten du
Irakurri gehiago
22 otsaila, 2024 Berrikuntza
FVEMek 2.100 ikasle baino gehiagori industria hurbildu die ‘Industria Erronka’ proiektuaren bidez 23-24 edizioan
Irakurri gehiago
SACEN San Jorge Placas Energía Solar 20 otsaila, 2024 Berrikuntza
Sacenek telekomunikazioetarako bere lehen kabina adimenduna instalatu du
Irakurri gehiago
15 otsaila, 2024 Berrikuntza
TokenTrotter-rek bidaiez beste ikuspuntu batetik gozatzeko aukera ematen du
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak