ZITEK, UPV/EHUko Bizkaiko Campuseko ekintzailetza programa, negoziazio kolaboratiboan trebatzeko 10 orduko online ikastaroa antolatu du. Ikastaro honen bidez, profesional kolaboratibo bezala akreditatzeko ziurtagiria eskuratu ahal izango da (I. modulua), Euskadiko zuzenbide kolaboratibo elkartea (ADCE) bermatua.
“Trebetasun bigunak” deiturikoak gero eta gehiago estimatzen dira, eta inpaktu handiagoa sortzen dute hainbat lanbide-eremutan. Enpresa eta ekintzailetzaren munduetan, negoziatzea etengabea da: ekintzailetza taldeko bazkideekin, bezero potentzialekin, bazkide estrategikoekin, inbertsoreekin,.. Harreman horien kalitatea funtsezkoa izan daiteke proiektu ekintzaile batek etorkizuneko arrakasta lortzeko edo, aitzitik, bere garapen-ahalmena mugatzeko.
Christian Lamm eta Asier López de Guereño ADCEko kideak dira, eta prestatzaile ofizialak dira, IACP (International Association of Collaborative Professionals) erakundearen irizpideen arabera, profesional kolaboratzailearen akreditazioa lortzeko. Biek ibilbide luzea dute Harvard negoziazio-metodoaren prestatzaile gisa, eta enpresetan, erakunde publikoetan eta bestelako erakundeetan zuzeneko aholkularitza eta esku-hartzea emateko prozesu ugaritan parte hartu dute.
ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.
Interesgarria, ezta?