‘COLABORAR’, Ekintzailetza Kolaboratiboaren lehen bilera, Ariwake kooperatibak antolatua

Ariwake kooperatibak COLABORAR antolatu du, ekintzailetza kolektiboaren lehenengo bilera birtuala, pertsonen eta kolektiboen transformaziorako gako izan dadin. Urtarrilaren 18tik 21era www.colaborar.info webgunean 40 bat profesional eta entitatek estatu mailako nahiz nazioarteko proiektuetan izandako esperientziak partekatuko dituzte.

Ekimena pertsonak eta bizitza erdigune duten eredu berrien gakoei buruz izango da, elkarlanerako lanabesak, berrikuntza, iraunkortasuna, gizartearen inplikazioa eta pertsonen garapenaz mintzatzeko.

Ekintzailetza kolaboratiboa datozen urteetara begira potentzial handiena duten gertakari profesional eta sozialen artean dago. Ekimen honi esker, elkarrekin aurrera egin ahal izango dugu, krisi eta ezjakintasun garaian geure moldeak aldatzeko. Horretarako, askotariko ikaspenak eskainiko zaizkie gazte, emakume eta helduei, baita proiektu kolektiboei, mugimenduei, erakundeei eta entitate publiko zein pribatuei, betiere pertsonen eta taldeen zaintzan interesa izanik.

Proposamen honek diziplina, esparru eta ikuspuntu berriak dakartza, pertsonen eta taldeen ezagutzaren bidezko proiektuen sorkuntza eta kudeaketa helburu izanik. Pertsonen potentziala ateratzeko, giroa eta harremanak zaintzeko, antolakuntzarako bide berriei erreparatuz, lidertza partekatuak bilatuz, harreman bortitzak saihestuz eta emozioak, liskarrak, aniztasuna, komunitatea, gizartea eta ingurugiroa kontuan hartuz.

Era berean, ikuspegi aldatzaile batetik, bestelako gakoak ere barne izango ditu bilerak, hala nola berrikuntza, sortzailetasuna, ekoizpena, finantzak edota antolakuntzarako egitura berriak.

Informazio gehiagorako: www.colaborar.info

Lotutako albisteak

25 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

22 apirila, 2024 Ekintzailetza

Absentixek lan-absentismoaren kostuak murrizten ditu, enpresen lehiakortasuna eta produktibitatea handitzeko

Irakurri gehiago

Joan blog-era