Bizintek enpresak teknologia berritzaileen fabrikaziorako coating ildoa integratu du

Bizintek enpresa bizkaitarrak coating ildo osoa inauguratu berri du. Prozesu hau giltzarrizkoa da automobilgintzari, industria aeronautikoari eta balio erantsi handiko bestelako sektoreei zuzendutako produktu teknologikoen fabrikaziorako. Inbertsio hau, ingeniaritzak proiektu bakoitzari egokitutako teknologia berritzaileen eta soluzioen etengabeko garapenaren alde bideratu duen estrategiari atxikita gauzatu da.

Coating deritzon osagaien tropikalizazio selektiboa, osagaia elektronikoak eskakizunik zorrotzenen arabera babesteko tratamendua da. Bizintek-en instalazioan dagoen ildo erabat automatizatuak bernizak eta silikonak osatzeko IR labea du, kalitatea eta eraginkortasun hobea bermatuz amaierako produktuan.

Isa García enpresaren ekoizpen arloko zuzendariak adierazi duenez, “Bizintek-ek balio erantsia sortzeko erabiltzen du ekipamendu berri hau, izan ere, soluzio teknologikoa gauzatu eta errore aukerak murrizteaz gain, produktu baten industrializazioaren erabateko kontrola errazten du”. Ekoizpenaren arduradunaren esanetan, prozesuaren kalitatearen gaineko erabateko kontrola da coating ildo automatikoaren abantaila nagusia. “Merkatuan eskura daitekeen frogatutako soluziorik fidagarriena da. Teknologia altuko ekipamendu berri honen bitartez, xehetasun osoz azter daitezke giltzarrizko parametro guztiak, hala nola, erabilitako erregaiaren lodiera, esposizio denbora, etab.”.

SMD ekoizpen-ildo propioa

Hau ez da Bizintek-ek bere instalazioetan integratu duen lehenengo ekoizpen-ildo industriala. Enpresak SMD (Small Mounted Device) ildo bat ere badu. Teknologia honen bitartez, azken teknologia digitaletan nahitaezkoak diren tamaina txikiko edo mugatuko zirkuitu inprimatuak sor ditzake. Honela, ingeniaritzak orduko 48.000 osagai ere ekoizteko gaitasuna du, produktuen trazagarritasun, kalitate eta fidagarritasunari buruzko mailarik gorenak bermatuz, soldadura selektiboko makineriari esker eta 3D ikukapena egiteko AOI bati esker, besteak beste.

Proiektu bakoitzera egokitutako teknologia

Konpainia bizkaitarrak laguntza pertsonalizatuan oinarritutako metodologia erabiltzen du, eta ondorioz, proiektu bakoitzera ongien egokitzen den soluzio teknologikoa eskaintzeko gaitasuna du. Dinamika honen arabera, loss leader-ena egingo lukeen produktu propio batetik abiatu beharrean, proiektu bakoitzerako teknologiarik egokienak aplikatzen ditu: IoT soluzioak, Big Data, errealitate birtuala, wearableak edo eskala handiko aplikazio industrialak, besteak beste.

Beste ingeniaritza batzuen aldean, Bizintek enpresaren balio bereizgarria estu-estu lotuta dago eskala anitzeko zentro teknologiko gisa funtzionatzeko duen gaitasunarekin, beste euskal enpresa batzuen bultzatzaile lana egiten baitu 4.0 Industriarako tresnei buruzko ezagutzari esker.

Lotutako albisteak

26 apirila, 2024 Digitalizazioa

Telekomunikazioen, zibersegurtasunaren eta cloudaren arloko berritasunak erakutsiko dituzte maiatzean 130 enpresak baino gehiagok

Irakurri gehiago

26 apirila, 2024 Digitalizazioa

Kaytek, digitalizazio industriala iraultzen ari den Barakaldoko startupa

Irakurri gehiago

26 apirila, 2024 Digitalizazioa

Gastuen kontroletik hasi eta fakturen digitalizaziora arte, klik batera Sabbatic-en soluzioekin

Irakurri gehiago

24 apirila, 2024 Digitalizazioa

114 enpresak hartu dute parte Euskadiko industriaren digitalizazioa sustatzeko kongresuan

Irakurri gehiago

23 apirila, 2024 Digitalizazioa

SPRIk Hannover Messe 2024 azokan dauden Euskadiko enpresei lagunduko die

Irakurri gehiago

Joan blog-era