Filtros X
Tipos de Posts
Agenda

Joan blog-era Euskal enpresaren blog-a

Zure enpresarentzat garrantzitsua den eguneroko informazioa

Albisteak 13 ekaina, 2018 Ekintzailetza Finantziazioa

ELKARGIK eta EASO VENTURES sozietateak euskal ETEen ahalmen handiko enpresa-proiektuen finantzaketa bultzatuko dute

Elkargik eta Easo Venturesek lankidetza-hitzarmen bat sinatu dute, Easo Venturesek babestutako proiektuei finantza-egonkortasuna ahalbidetuko dieten finantza-tresna berriak garatzeko
easo ventures elkargi

Elkargik eta Easo Venturesek lankidetza-hitzarmen bat sinatu dute, Easo Venturesek (hots, Euskadiko inbertsio pribatuko lehen Venture Capital sozietateak) babestutako proiektuei finantza-egonkortasuna ahalbidetuko dieten finantza-tresna berriak garatzeko. Bi erakundeek elkarrekin jardungo dute enplegua sortuko duten, inbertsioan oinarrituta egongo diren edo hazkunde-ahalmen handia duten enpresa eraginkorrak eta efizienteak bultzatzeko.

Hitzarmen horren bidez, Easo Venturesek kapital bihur daitezkeen partaidetza-maileguak emango ditu hazkunde-ahalmen handiko proiektuetarako. Mailegu horiek Elkargiren abala izango dute % 100ean. Hitzarmena 20 milioi euroko finantzaketa-oinarri batez hornituta eta ETE eta enpresa sortu berriei zuzenduta egongo da. Horren bidez, aktibo finkoak eta zirkulatzailea finantzatu ahal izango dira, 100.000 eurotik 300.000 eurora bitarteko zenbateko batez, 10 urteko gehieneko epearekin eta 2 urteko gabealdiarekin, aukeran.

Hitzarmena Easo Ventures SCR, SAko kontseilari delegatu Pedro Muñoz-Barojak eta Elkargi SGRko zuzendari nagusi Pío Aguirrek sinatu dute. Azken horrek azpimarratu duenez, “Easo Venturesek babestutako hazkunde-ahalmen handiko proiektu orok merezi du Elkargiren konfiantza haren garapena bermatzeko”.

Bestalde, Pedro Muñoz-Barojak adierazi duenez, “hazteko asmoa duten enpresek finantzaketa-iturri osagarriak behar dituzte, eta Easo Venturesek eskari horri erantzun nahi dio. Elkargirekin egindako hitzarmen honek are neurri handiagoan sendotuko du beren hazkunde-proiektuei ekiteko finantzaketa gehigarria eta laguntza profesionala bilatzen duten ETE horien alde egin dugun apustua”.

+info: www.elkargi.es

Lotutako albisteak

Work In Progress SPRI Emprendimiento Consejo Vasco 29 apirila, 2024 Ekintzailetza
Work in Progress: Ekintzailetzaren Euskal Aholkularitza Batzordeak 2025-2028 proiektuan jarduten du
Irakurri gehiago
Wake Up Euskadi 26 apirila, 2024 Ekintzailetza
Wake Up! Albiste ekintzaile batzuk sarean
Irakurri gehiago
Premios ON Bizkaia 24 apirila, 2024 Ekintzailetza
“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”
Irakurri gehiago
23 apirila, 2024 Ekintzailetza
Emen4sport, kirol-arrakazta edonoren eskura I+G+b baten bidez
Irakurri gehiago
Brandfy startup 23 apirila, 2024 Ekintzailetza
Brandfy, markak diseinatzeko prozesua birdefinitzen duen Adimen Artifizial Sortzaile tresna
Irakurri gehiago
Joan blog-era

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?
// Kanal espezializatuak

Jarrai iezaguzu. Kanal espezializatuak
eta eguneroko berriak