‘ihes-gela’ Tabakaleran, batxilergoko 50 ikaslek euren enpresa-talentua erakuts dezaten

Parte-hartzaileek enpresa-munduarekin lotutako sei erronkari egin beharko diete aurre, eta erosteko, saltzeko, asmatzeko, negoziatzeko… duten talentua erakutsi

Mondragon Unibertsitateko Enpresagintza fakultatearen eskutik, Tabakalera scape room edo ‘ihes-gela’ bihurtu da. Bertan, zenbait ikastetxetako batxilergoko 50 ikaslek, 11 taldetan banatuta, enpresa-munduarekin lotutako erronkak, dilemak eta norgehiagokak gainditu behar izan dituzte euren enpresa-talentua erakusteko.

Sei guneko ihes-gela batean, 15 minutu eta jarraibideak eman dizkiete ikasleei gune horietako bakoitzetik irteteko. Gazteek hainbat alderdiren inguruan hausnartu behar izan dute, besteak beste, marketinari, berrikuntzari, finantzei, kanpo-merkataritzari eta Giza Baliabideei buruz. Lehiaketaren izena gazteGOTalet da, eta enpresa-munduan interesatuta dauden gazteek erronkei aurre egiteko ideiak sor ditzatela du helburu.

Tabakalerako laugarren solairuan (Kutxa Kultur gunean) egin den jardunaldia Mondragon Unibertsitateko Enpresen Administrazio eta Zuzendaritza Graduak (myGADEk) antolatu du.  Gaur egun, 4 ikasturteetan ibilbide duala eskaintzen duen Enpresen Administrazio eta Zuzendaritzako gradu bakarra da estatuan, hau da, lehenengo mailatik laugarrenera ikasketak eta lana uztartzeko aukera ematen duen bakarra. Hala, 4 urtez enpresan trebatu ondoren graduatu daitezke ikasleak. Gradua Irungo, Oñatiko eta Bilboko campusetan eskaintzen du Mondragon Unibertsitateak.

Lotutako albisteak

29 apirila, 2024 Ekintzailetza

Work in Progress: Ekintzailetzaren Euskal Aholkularitza Batzordeak 2025-2028 proiektuan jarduten du

Irakurri gehiago

26 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

Joan blog-era