Googaz 2019, ekintzailetza eta enplegua Sopelan

Garapen Jasangarriaren Helburuetan oinarrituta, ekimenak Kopa Bizkaian eta Mexikoko Bootcamp IATAn parte-hartzeko aukera eskainiko du.

Sopelako Udala, Enplegua eta ekonomia sustatzeko sailaren bitartez, Googaz Sopela 2019 Jardunaldia antolatu du gazte sopeloztarren artean ekintzailetza eta enplegua sustatzeko Garapen Jasangarriaren Helburuen (GJH) bidez. Ekimenak Kopa Bizkaian lehiatzeko aukera eskainiko du eta irabazle izatekotan, Mexikoko Bootcamp IATAn (Innovation Across the Americas) parte hartu ahal izango dute gazteek.

Googaz Millenial inkonformista talde batek sortutako mugimendua da. Helburu nagusia Bizkaiko gazteak motibatzea da, ekintzailetza sustatuz eta beren bizitzaren jabe eta jabe sentiaraziz. Ekimen berri honek gure egungo belaunaldia era fresko eta originalean  goitik behera aldatu nahi du.

Gauzak horrela,  Bizkaiko 8 udalerritako gazteek apirila eta ekaina bitartean parte hartuko dute proiektu honetan. Lehenengo eta behin, ihes-joko baten bidez GJHak ezagutzen duten bitartean taldeka egingo dute lan. 3 talde onenak Bilbon ekainaren 8an ospatuko den Kopa Bizkaiara pasatuko dira. Okasio honetan Garapen Jasangarriaren Helburuei aurre egiteko proiektuak sortuko dituzte mentore eta adituen laguntzarekin. Talde irabazlea Mexikon jarraituko da proiektu berritzaileak garatzen.

GOOGAZ, 3 fasetan banatutako proiektua

Aurtengoa GOOGAZ proiektuaren bigarren edizioa izango da. Oraingoan Bizkaiko gazteek Garapen Jasangarriaren Helburuen inguruan egingo dute lan eta proiektua hiru fasetan banatuta egongo da.

• I: Sopelan ospatuko da apirilaren 13an 11:00ak eta 20:00ak artean. Sopelako gazteak, 3-4 pertsonetako taldeetan, barnealdean ihes-jolasa (GJHetan oinarritutakoa) duen GOOGAZ Autobusetik irten beharko dira ahalik eta denbora gutxienean. 3 talde onenak hurrengo fasera igaroko dira,  Kopa Bizkaiara.

• II: Kopa Bizkaia. 100 gazte inguruk proiektu berritzaileak garatzeko helburuarekin hartuko dute parte. Proiektu hauek GJHetan proposatzen diren erronkei erantzuna eman beharko dizkiete eta horretarako mentore eta adituen laguntza izango dute erronka bakoitzean. Jardunaren amaieran, talde bakoitzak bere proiektua aurkeztuko du labur-labur eta epaimahai batek talde onena zein izan den erabakiko du.

• III: Kopa Bizkaiako talde irabazlea Mexikora joango da 2 astetan zehar Pueblako Iberoamerikar Unibertsitateak antolatzen duen Bootcamp IATAn (Innovation Across the Americas) parte hartzeko. Talde europar batek parte-hartzeko aukera duen lehenengo aldia izango da. Bootcamp honen helburua “Innovación Frugal”-ean oinarritutako proiektuak garatzea da, profil desberdinetako taldeetan.

Izen-emateak: www.googazbizkaia.com/ebentuak/sopela 

Lotutako albisteak

3 maiatza, 2024 Ekintzailetza

KABIA, zure proiektuari hegoak emateko Ekintzailetza Komunitatea

Irakurri gehiago

3 maiatza, 2024 Ekintzailetza

Wake Up! Albiste ekintzaile batzuk sarean

Irakurri gehiago

30 apirila, 2024 Ekintzailetza

‘Mondragon Unibertsitatea Industrial Sustainable Entrepreneurship Awards”

Irakurri gehiago

29 apirila, 2024 Ekintzailetza

Work in Progress: Ekintzailetzaren Euskal Aholkularitza Batzordeak 2025-2028 proiektuan jarduten du

Irakurri gehiago

26 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

Joan blog-era