“Biscay Bay Startup Campus”: Hazten ari den startup bateko liderra zara ala unikornioekin egiten duzu amets?

Urriaren 1etik 7ra egingo da “Biscay Bay Startup Campus”, euskal ekintzailetzaren jaia, Bilboko hainbat gunetan. UPV-EHUko ZITEK proiektu ekintzaileen haztegiak antolatutako ekitaldi horretan elkarrekin batuko dira gazte ekintzaileek –batik bat emakumeek- sortutako startup onenak.

“Biscay Bay Startup Campus” ekitaldiaren lehen edizioan emakumeek garatutako lidergoa bultzatzen da batez ere, eta María Saiz doktorea (UPV-EHUko MBAe3 masterraren zuzendaria) izango da erreferente nagusia Ekintzailetzari eta Enpresen Zuzendaritzari buruzko ekitaldi horretan.  Egitarauaren zati handi bat emakume erreferenteek zuzenduko dute, hala, beren ibilbidea kontatuko dute negozio bati beren kabuz ekin nahian dabiltzan emakume gazteak inspiratu eta motibatzeko.

“Biscay Bay Startup Campus” jardueraz betetako aste bat da, eta jarduera horiek hiriko gune desberdinetan egingo dira: Bilboko itsasadarrean, Abandoibarran, eta UPV-EHUko “Dock” eta “Bizkaia Aretoa” espazioetan. Lehen hiru egunetan (astelehenetik asteazkenera) doako Speed Networking saioak egingo dira Dock gunean. Jarduera garrantzitsuenak, berriz, ostegunean (urriak 4) hasiko dira. Ekintzaileak elkarrekin egongo dira hiru egun eta bi gauez: egunez prestakuntza-tailerrak, hitzaldi inspiratzaileak, eta Speed Mentoring saioak egingo dituzte sektore bakoitzeko adituekin Bizkaia Aretoa eraikinean.

Lotutako albisteak

29 apirila, 2024 Ekintzailetza

Work in Progress: Ekintzailetzaren Euskal Aholkularitza Batzordeak 2025-2028 proiektuan jarduten du

Irakurri gehiago

26 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

24 apirila, 2024 Ekintzailetza

“Bizkaia enpresekin eta pertsona ekintzaileekin lankidetzan ari da jasangarritasuna eta berrikuntza sustatzeko”

Irakurri gehiago

23 apirila, 2024 Ekintzailetza

Emen4sport, kirol-arrakazta edonoren eskura I+G+b baten bidez

Irakurri gehiago

23 apirila, 2024 Ekintzailetza

Brandfy, markak diseinatzeko prozesua birdefinitzen duen Adimen Artifizial Sortzaile tresna

Irakurri gehiago

Joan blog-era