PUBLIZITATEA SARE SOZIALETAN: Hobetu Instagrameko, Tiktokeko, Linkedineko eta Youtubeko zure emaitzak
Sare sozialetako publizitatea GILTZARRIA bilakatu da tamaina eta sektore guztietako enpresa eta markentzat. Publiko orokorrarengana erraz iristeko aukera ematen diete sare sozialek enpresei, Instagramen, TikToken, LinkedInen edo YouTuben banatutako hileko milaka milioi erabiltzaile aktiboen bidez.
Sare sozialetako publizitateak, irismen handia izateaz gain, publiko espezifikoei zuzentzeko gaitasuna du. Sare sozialek erabiltzaileen gaineko datu ugari dituzte: interesak, portaerak, datu demografikoak... Hala, iragarleek modu eraginkorrean segmentatu ditzakete haien kanpainak, pertsonarik egokienengana iristeko.
Sare sozialetako publizitatea malgua eta irisgarria da. Ondorioz, erakargarria da neurri guztietako enpresentzat. Aurrekontua doitzeko aukera ematen duenez, enpresa txikiak eta handiak espazio berean lehiatu daitezke. Hala, marketineko helburu zehatzak lortu ditzakete; esaterako, markaren ospea handitzea, leadeak sortzea edo lineako salmentak areagotzea.
Helburuak
Ikastaro honetan zehar, Instagramen, TikToken, LinkedInen eta YouTuben iragarki-kanpaina arrakastatsuak sortzeko behar diren giltzarriak ikasiko dituzte partaideek. Markaren ikusgarritasuna eta inpaktua handitzeko taktikak eta teknikak ikasiko dituzte ikasleek ikastaroan, publikoa segmentatzeko eta iragarki eraginkorrak garatzeko teknikak barne.
Edukia
• Sare sozialetako publizitatea: sarrera
• Instagrameko, TikTokeko, LinkedIneko eta YouTubeko publizitatearen helburuak
• Sare sozialetako publizitatearen helburu eta kanpaina motak
• Audientziaren eta publikoaren segmentazioa
• Iragarki eraginkorrak sortzea eta horiek formatuak
• Eskaintzen eta aurrekontuen konfigurazioa
• Kanpainen optimizazioa eta errendimenduaren analisia
Norentzat
Interneten eta bere tresnen erabilera erraz eta dohainik ikasi nahi duten mikro-enpresentzat edo autonomoentzat.
NOLA SARTU ONLINE WEBINARRERA?
Gure ikastaro guztiak ZOOM plataformaren bidez emititzen dira. Ikastaroaren bezperan, mezu elektroniko bat jasoko duzu esteka eta sarbide argibideekin.
Gogoratu ikastaro honetara Mikroenpresa Digitala webgunearen bidez aurretik izena eman duten pertsonek baino ezin dutela sartu eta bertan lekua berretsita izan behar dela.
