Laugar Brewery Ve Interactive-k antolatutako “TikiTalka” ekitaldian

6 otsaila, 2018

Ve Bilbaok bertako startup eta garatzaile komunitatearekin inplikatu nahi du eta horretarako antolatzen du “TikiTalka”, teknologiarekin lotutako askotariko gaiei buruzko hitzaldi-multzoa.

Bere XX. edizioa “Laugar Brewery” ekimenari buruzkoa da: Sergio Valientek azalduko ditu ekimenaren hastapenak eta nola bihurtu zuen bere ekimena garagardogintzaren esparruko negozio-eredu. Halaber, hizpide hartuko dira negozio mota berri honen alderdirik garrantzitsuenak, maila lokalean eta Estatuan, eta horrelako enpresen etorkizuna.

Kalitate handiko lehengaiak erabiltzen dituzte, arima jartzen dute garagardo bakoitzean, eta etengabe berritzen dute beren artisau erako prozesua. Laugar enpresak estilo klasikoak erabiltzen ditu, baina berrinterpretatu ere egiten ditu, esperimentatuz eta emaitza bereziak lortuz; Gordexolan egiten den produktu tradizional honek ez du inor epel uzten, sustatzaileek duela bi urte, Up Euskadik argitaratutako elkarrizketa batean esan zuten bezala. Eta jarduera bukatzeko, nola ez, produktuen dastaketa bat egingo da.


“TikiTalka” ekitaldia antolatu duen “Ve” erakundeari buruz

2009an sortua, Ve Interactive startup modura hasi zen Londresen, non teknologia bat garatu baitzuen posta elektroniko bidez orgatxoak berreskuratzeko. Beren asmoa zen erabiltzaileen aro digitaleko jokabidea aurreikustea, eta, beraz, beren bezeroei balioa emango zien teknologia berrietan inbertitu zuten, enpresaren jomugako kontsumitzaileak jarriz estrategiaren erdian.

Ohartu ziren kontsumitzaile guztien helburua dela onlineko esperientzia sinple eta intuitiboa izatea. Hala, bai orain arte eta bai hemendik aurrera, konpromisoa hartu dute beren eskaintzaren mugak egokitzeko, eta horrela, premia guztiei erantzuteko etengabe aldatzen den aro digitalean.

Ve enpresak 30etik gora ezarpen ditu mundu osoan, eta ingeniaritza zentro bat du Bilbon, profil teknologiko kualifikatu asko daudelako inguruan.
+info: www.ve.com

 

Erlazionatutako artikuluak

Orobat interesa dakizuke

View all arrow