Hobeen enpresak aurrera pausoak eman ditu energia aurrezteko softwarearen garapenean eta merkaturatzean

Nafarroako Unibertsitatearen Fast Track berrikuntza-programan sortua eta Lanzadera enpresen azeleragailuarekin bat egin berria, Hobeen Arabako enpresa gazteak aurrera egin du eraginkortasun energetiko adimendunaren kitaren garapenean eta merkaturatzean. Lehen finantzaketa-txanda amaitu eta 140.000 € lortu ondoren, 2021eko martxoaren amaierarako aurreikusten dute produktuaren merkaturatzea.

Start-up-ak edozein etxebizitza motara egokitu daitekeen kit domotiko bat garatu du, etxeko gastu energetikoa neurtzeko. Gastu hau, batez ere, energia aurrezteko moduei buruzko ezjakintasunaren ondorioz gertatzen da eta horri irtenbidea ematea dute helburu. Horretarako, kit domotikoari balio erantsi bat gehitu dio enpresak: gailu horiek guztiak app batean integratzea. App horrek, gailuetatik energia-gastuari buruzko datuak biltzeaz gain, erabiltzailearen portaerak monitorizatzen ditu, aldaketa zehatz eta pertsonalizatuak proposatuz energia modu optimoan aurrezteko. Gainera, datu horiei esker erabiltzailearen kontsumo-motari gehien egokitzen zaion merkatuko tarifa ere proposatzen du. “Gu ez gara datuetan zentratzen, datuak aztertzean baizik. Datu horiek informazio erabilgarrian bihurtzen ditugu, erabiltzaileak uler ditzan eta erabakiak hartzeko gaitasuna izan dezan. Adibidez, aplikazioak erabiltzaileari ez dio esango zenbat litro ur kontsumitu dituen soilik, baizik eta dutxa eraginkor bat 40 litrokoa dela jakinaraziko dio, eta dutxak x minutu gutxituz gero, energia aurreztetik gero eta gertuago egongo dela”, azaldu du Mario Fernandez Iglesias Hobeen enpresako zuzendariak.

Hori guztia kit domotikoaren instalaziotik lortutako datuen bidez egiten da, eta honakoak dira: dutxa-gailu bat, elektrizitate-monitore bat, entxufeak, Netatmo termostato bat eta aire girotuaren kontrolagailu bat – guztia adimenduna –. Adimen artifizialari eta big data erabiltzeari esker, gailu horien bidez sortzen diren datu guztiak proposamen eta gomendio pertsonalizatu eta egokituetan bihurtzen dira.

Gomendio horiek gamifikazio-eredu baten bidez barneratzen dira app-ean, eta jokabide-aldaketa erronka gisa planteatzen da. Horrela, erronkak gainditu ahala, erabiltzailea puntuak irabazten eta mailaz igotzen joango da. “Hobekuntzak planteatzeko modu honek plataformaren ‘engagement’ a asko hobetzea eragiten du eta, gainera, etorkizunerako deskontuetan oinarritutako fidelizazio sistema batera eraman daitekeela uste dugu”, gaineratu du Fernandezek. Erronka horiek doan eskuratu daitezke app-a deskargatuz, “horrela, pertsonak sistema domotikorik ez badu ere, erronkak ikusi ditzake eta bizitza jasangarriago bat lortzeko egiten dituen ekintzak hobetzen saia daiteke”, gaineratu du.

Covid 19ak utzitako egoera aukera gisa

Energia-kit adimenduna merkaturatzen hasi baino lehen merkatua aztertu ostean, Hobeenek ikusi du domotika sektoreak gorakada nabarmena izan duela, “Covid19aren testuinguruak etxean eta ekonomian jarri du arreta, eta horrek hausnarketa bat egitea eragin digu bizi garen lekuari eta sortzen dugun kontsumoari buruz”, azaldu du CEOak. “Merkatura ateratzeko behar genuen urratsa izan da, eta uste dugu testuinguru honetan gure produktuak inoiz baino gehiago lagun diezaiekeela pertsonei eta mundu jasangarriago batera iristeko helburu komun horri”, gaineratu du.

Egun, lehen finantzaketa-txandaren ondoren, enpresa gaztea aliatuak eta inbertitzaileak bilatzen ari da, merkatura modu lehiakorrean ateratzeko behar dituen 300.000 euroak lortu ahal izateko. SPRI Taldeak, Nafarroako Unibertsitateak, Enisak edo BIC Arabak dagoeneko bat egin dute proiektu horrekin.

Euskal enpresen artean berrikuntza bultzatzeko, enpresa txiki eta ertainetatik konpainia handietaraino, SPRI Taldeak Hazinnova eta Innobideak bezalako programak eta laguntzak ditu. Hemen kontsulta daitezke.

Lotutako albisteak

18 apirila, 2024 Ekintzailetza

Wake Up! Albiste ekintzaile batzuk sarean 240415

Irakurri gehiago

18 apirila, 2024 Ekintzailetza

Abian da ekintzailetza berritzailea sustatzeko Toribio Echevarria sarien 34. edizioa

Irakurri gehiago

17 apirila, 2024 Ekintzailetza

Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko

Irakurri gehiago

17 apirila, 2024 Ekintzailetza

Zinemaldia Startup Challenge ekimenaren VI-garren deialdia abian da

Irakurri gehiago

16 apirila, 2024 Ekintzailetza

SPRIk startupekin berritzearen onurak proposatu dizkie ETEei BIND SME Connection programaren bidez

Irakurri gehiago

Joan blog-era