Euskal enpresaren blog-a Zure enpresarentzat garrantzitsua den eguneroko informazioa

20 abendua, 2016
Ron Zahavi: “Arrakastaren gakoa bezeroari emandako balorean datza, ez teknologian”

“Eskakizun-maila handiko testuinguru lehiakorrean, enpresa guztiek eta startup-ek bereziki beren eskaintza balore-gakoetan aurkezten ikasi behar dute, teknolgia gora-behera”. Ron Zahavik argi eta garbi hitz egin zuen joan den abenduaren 15ean Arabako Parke Teknologiakoan egindako saioan, UpEuskadi! Barne-ekintzaieletza sustatzeko ekimenak antolatuta.

 
Zahavi, Microsoft-eko IoT Estrategia arloko burua da eta Gauzen Internet delakora ezinbestean egokitu beharko den ingurune enpresarial eta teknologikoan lehiatu ahal izateko gakoak jorratu zituen, honek irekiko dituen negozio-aukeratan zentratuz. “Eraldaketaren argi-fokoa bezeroen ekosistemari balore gehiago emateko balio izango duen datua da, ez teknologia”, esan zuen. Beraz, bere hitzetan, beti galdetu behar diogu geure buruari zein den geure eskaintzarekin gainditzen laguntzen dugun bezeroaren beharra. “Egingo dugun IoT aplikazio bakoitza eta guztiek justifikatuta egon behar dute geure enpresaren barruan, argi planifikatuta eta beti bezeroengan lortuko den hobekuntzara zuzenduta”

 

Ron Zahavi

Ron Zahavi

Zahaviren hitzaldian bertako enpresetako ordezkaritza zabalak hartu zuen parte, horien artean merkatuan sendo diharduten enpresa industrialekin lankidetzan ari diren startup-ak. Eraldaketa honek zuzenean eragingo dio enpresa-arlo honi, gaur eugn egiten ari den IoT inbertsioaren %50 pasa manufakturan gertatzen ari da, smart cities, retail eta osasun-arloak datozelarik atzetik. Euskal industriarentzat honek izango dituen ondorioak, Zahaviren hitzetan, askotarikoak dira eta etapa berria aukera handia dela azpimarratu zuen.

 

CztKZRQWgAEyO5E.jpg-large

Hitzaldiko une bat

 

Enpresa-eredu guztientzat gomendio argia eman zuen Ron Zahavik: adituen laguntza bilatzea IoT estrategia berriak garatzeko. “Aholkulari-taldea izatea ezinbestekoa da bezeroaren beharrak identifikatzeko, eta inplantazioaren fase operatibo eta estrategikoak antolatzeko. Gaur egun, IoT proiektuen %40 aholkularitzako inbertsioa da”.

 

Horrez gain, Zahavik IoT aplikazioetan aintzat hartu behar diren arrakastarako gakoak, bere eta bere konpainiaren eskarmentuan oinarrituta. Alde batetik, IoT giza-akatsak saihesteko prozesuetan zentratu behar da nagusiki, industriaren “core” prozesuetan baino gehiago, “horiek eraginkortasun-maila handikoa izaten baitira”, bere hitzetan.

 

Makinen funtzionamenduen analitika, datuen hartze, analisi eta elkar trukatzeko segurtasuna hobetzea, eta sistema lokalak (“local clouds”) garatzea gomendatu zuen datuen segurtasuna bermatzeko.

 

Negozio-prozesu guztiak egokitu beharko dira eta horrek enpresaren balore-katea osatzen duten maila guztietan esku hartze garbia eskatzen du. Bistan denez, prestakuntza eta langileen birziklatzea ezinbestekoa izango da, aurreko estandarrak aldatu egin beharko direlako eta horrek prestakuntza desberdinaz jabetzea eskatzen du.

 

Zahaviren iritziz, “enpresa lehiakorrak eta errentagarriak izango dira aldaketa hauen aurrean bizkor egokituko direnak, eta gaur egungo bere negozioetako arazoak berrikuntzarako oinarri bilakatuko dituztenak”.

SABBATIC
Ekintzailetza 3 ekaina, 2020
Adimen Artifizial ultra-azkarra, ultra-praktikoa eta ultra-ekonomikoa duen ultra-maratoi baterako prest dauden enpresak

Sabbatic-i esker, edozein sektoretako eta tamainatako enpresek, Adimen Artifizialaren...Leer más

nantek aplanet Wivo
Ekintzailetza 1 ekaina, 2020
Nantek euskal startupak Emprendedor XXI Saria irabazi du

Nantek, baliabide baliotsu batean nahi ez diren plastikozko hondakinak eraldatzen dituen Erandioko...Leer más

wake up eus
Ekintzailetza 29 maiatza, 2020
Beste albiste batzuk ekintzaileentzat. Asteko laburpena. Maiatzaren 25tik, 29rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

maría sáiz ehu upv
Ekintzailetza 28 maiatza, 2020
María Saiz: ‘Negozio ekintzaileen ia % 60 beren jarduerarekin jarraitu dute, hauetako % 48 telelanaren formatuan’

María Saizekin hitz egingo dugu, UPV/EHUko MBAe3 Masterreko zuzendaria eta EEB-OVEko zuzendari...Leer más

kentu
KENTUK laugarren industria iraultzarekin bat egin du

KENTU industria merkatuan 40 urte baino gehiago daramatzan HERREKOR ETEak egindako...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?