Euskal enpresaren blog-a Zure enpresarentzat garrantzitsua den eguneroko informazioa

1 ekaina, 2017
Quarizmi, erreferente bat onlineko marketin automatizatuan

Euskal konpainia marketineko teknologien Martech 2017 panoraman agertu da.

Euskal konpainia marketineko teknologien Martech 2017 panoraman agertu da.

 

Quarizmi startupa onlineko marketinaren eta automatizazioaren arteko batasunean espezializatuta dago, horretarako garatu duen teknologia propioari esker. Enrique Aguilera eta Ana Etxebarriak sortua 2014an, ikuspegi horri esker Estatu mailako aitzindari bihurtu da, salmenten potentziala biderkatuz AdWords publizitate kanpainen bitartez eta alde batera utziz onlineko ohiko marketin-enpresen lan egiteko modua.

 

“Geure ikerketa-taldea dugu, zeinak algoritmoak garatzen baititu marketin kanpainak sortzeko” azaldu du Ana Etxebarriak, Quarizmi enpresako operazio buruak “keyboard deskubrimenduak eta eskaintzak egiten ditugu Google AdWords enkante-plataforman, bezeroa landing page egokienera eramaten dugu, eta bilatzen ari denarekin bat datorren iragarkia erakusten diogu. Eta, gainera, prozesu hori zeharo automatizatuta dago”.

 

Enpresa sortu zen bi sortzaileek ikusi zutelako ez zegoela horrelako zerbitzuak eskaintzeko gai zen konpainiarik. “Bezeroaren aldetik gatoz, guk geuk ikusi dugu zein zaila den gaitasun muga horiek dituzten agentziekin lan egitea” adierazi du Ana Etxebarriak, “horrelako agentziek optimizatu egiten dute gehienbat, klik berberak eskainiz diru gutxiagoren truke, baina salmentarako aukerak mugatuak dira hala ere”.

 

Ikuspegi berritzaile horri esker agertu da Quarizmi enpresa Martech aholkularitzak urtero egiten duen marketin teknologien panoraman. Euskal startupa da txosten horretan -Search & Social Advertising atalean- ageri den Estatuko enpresa bakarra. “2014an, enpresa sortu genuenean, Enriquek gure logoa sartu zuen Martech-en koadrantean photoshop erabiliz, eta hauxe esan zuen: ‘azkenean, hementxe bukatuko dugu’. Esan beharrik ez dago oso gustura gaudela”.

 

Bostongo Cambridge Innovation Center zentroak aukeratu zuen konpainia 2016an Bizkaia International Startup Connection programaren bidez (6 hilabeteko azelerazio prozesua). Gaur egun, Bostonen dute egoitza, eta beren helburu garrantzitsuenetako bat da Estatu Batuetan egonkortzea, han egiten baita AdWords arloko inbertsio globalaren %80. “Gure helburua da nazioarteko erreferente bihurtzea” adierazi du Etxebarriak, “baina garrantzitsua da, baita ere, kudeatzen dugun enpresan langileek aukera izatea bizitza profesionala eta pertsonala uztartzeko, uste dugu balore horrexek bereizten gaituela enpresa gisa”.

wake up! resumen CAS
Ekintzailetza 31 uztaila, 2020
Beste albiste batzuk ekintzaileentzat. Asteko laburpena. Uztailaren 27tik 31rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

kevo technologies
Oiartzungo KEVO Technologies enpresa teknologia proiektu onena izendatua izan da Bind 4.0-ren 4. edizioan

Kevo Technologies, Prozesuen Automatizazio robotikorako elkarrizketazko interfaze adimendunak...Leer más

ekinduz ehu upv
Ekintzailetza 29 uztaila, 2020
Marta Aparicio, Medikuntzako ikaslea, Ekinduz 2020 saria

121 ikaslek parte hartu dute UPV/EHUko 'ekintzailetzaren tribialaren' ezohiko edizio...Leer más

athletic club
Ekintzailetza 28 uztaila, 2020
Smart Solutions for Smart Destinations Challenge

Turismoko Mundu Erakundeak, Athletic Clubek eta Bizkaiko Foru Aldundiak startup-en lehiaketa...Leer más

wake up eus
Ekintzailetza 24 uztaila, 2020
Beste albiste batzuk ekintzaileentzat. Asteko laburpena. Uztailaren 20tik 24rako astea

Wake up!-ek Komunikabide eta Sareko Blog desberdinek argitaratutako albisteen hautaketa txiki bat...Leer más

Linkedin-a

Eguneroko informazioa, jarduera-sektoreka eta intereseko
hartzeko.

Laguntza berriei buruzko azken orduko albisteak

ETEentzako, merkatuak dibertsifikatzeko, atzerriko bekak, nazioarteko lizitazioak, itzuli beharrik gabeko dirulaguntzak esportazioak sendotzeko, ezarpenak egiteko laguntzak edo nazioartekotzeko prestakuntza espezifikoa.

Interesgarria, ezta?