Enpresa eta saltokientzako MENTORING-a Bilbon

“Tutore bat da pertsona bat, zerorrek ikusten duzun baino talentu eta gaitasun gehiago ikusten duena zure baitan, eta kanpora ateratzen laguntzen dizuna…” (Steve Jobs )

Bilbao Ekintzak zure jarduera aberastu nahi du bere Mentoring programarekin. Horretarako, tutore bat jartzen du zure zerbitzura, modu altruistan gidatuko zaituena, eta bere ikuspuntuak, ikuspegi berriak, erreferentziak eta bere kasu arrakastatsua azalduko dizkizuna. Pertsona horrek bere denbora inbertitzen du, bere ezagutza partekatzen du eta bere ahalegina eskaintzen du zuk perspektiba berriak izan ditzazun, zeure pentsaera aberastu dezazun eta zure potentzial osoa garatu dezazun pertsona nahiz profesional gisa.

Zer lortu dezakezu?

• Ikastea, esperientzia biltzeko prozesua azkartuz.
• Egoerak aztertzea ikuspegi desberdinetatik, eta ondo oinarritutako erabakiak hartzea.
• Negozioa ezartzeko orduan ikuspegi estrategiko bat garatzea, perspektibak handituz eta pentsaera aberastuz.
• Zure gaitasunak eta trebetasunak garatzea zure negozioa ezartzeko, eta ondoren berau kudeatu eta garatzeko.
• Ikaskuntza prozesua gidatzea.

Faseak

1. Tutoretza jasotzen duten pertsonek proiektu bat definitu behar dute tutorearekin lantzeko.
2. Prestakuntza tailerrak egingo dira mentoring proiektua diseinatzen laguntzeko.
3. Mentoring bikoteak isilpekotasun akordio bat sinatuko du, eta konpromisoa hartuko du 8-10 bilera egiteko programak dirauen bitartean.
4. Aldian behin bilerak egingo dira Bilbao Ekintzako teknikariekin: Mentoring taldearen bilerak esperientziak partekatzeko eta bilera indibidualak programa amaitzean emaitzak ebaluatzeko.

Nola parte har dezakezu?
Elkarrizketa labur bat egiten da pertsonak aukeratzeko. Parte-hartze eskaera aurkeztu behar da irailaren 28a BAINO LEHEN.

Informazio gehiagorako jarri gurekin harremanetan pymes@bilbaoekintza.bilbao.eus helbidean edo 94 420 53 50 / 51 telefonoetan.

info+: www.bilbao.eus/BilbaoEkintza

Lotutako albisteak

19 apirila, 2024 Ekintzailetza

Wake Up! Albiste ekintzaile batzuk sarean

Irakurri gehiago

18 apirila, 2024 Ekintzailetza

Abian da ekintzailetza berritzailea sustatzeko Toribio Echevarria sarien 34. edizioa

Irakurri gehiago

17 apirila, 2024 Ekintzailetza

Grabitek bat egin du NVIDIA Metropolisekin ikusmen artifizialeko soluzio aurreratuen bidez saltokietako galera ezezaguna murrizteko

Irakurri gehiago

17 apirila, 2024 Ekintzailetza

Zinemaldia Startup Challenge ekimenaren VI-garren deialdia abian da

Irakurri gehiago

16 apirila, 2024 Ekintzailetza

SPRIk startupekin berritzearen onurak proposatu dizkie ETEei BIND SME Connection programaren bidez

Irakurri gehiago

Joan blog-era